[فطامي ●]

عزيزتي خوله اولا اهلا فيج الظاهر انج عضوه يديده عندنا بالمنتدى .. يعطيج العافيه على هالموضوع ..

ثانيا بوضح نقطه مهمه الاوروبيات والامريكيات موجميلات ولا ملكات جمال ونادر ماتلاقين وحده منهم حلوه بس طبعا الممثلات والعارضات ونسبة الجمال عندهم ماهي مرتفعه واذا مو مصدقيني لاحظو البرامج الثقافيه العلميه وغيرها اللي تطلع بالتلفزيون تلاقون ان اغلب الحريم اللي مقابلينهم جمالهم عادي جدا فياريت انكم ماتضربون فيهم المثل لان مافيهم زود .. وهذي حقيقه ترى مو مبالغه ..

ثالثا بالنسبه لموضوع المكياج .. سلمج الله عادة بشرتنا بالخليج مرهقه ومغبره من هالشمس المصهاره فالوحده منا تصفيها وتوخر شحوبها وصفارها بالقليل من المكياج الطبيعي مو مكياج الاراجوزات اللي يحطونه بعض البنات وانما خطوط ولمسات طبيعيه بالكاد تلاحظ او تعطي مظهر جمالي طبيعي بدون مبالغه .. وبالنسبه لي انا ما اقدر اقعد بدون مكياج حتى لو كحله بسيطه فقط .. وعموما انا ما احط مكياج كامل الا ببعض المناسبات والطلعات لاكن كشكل يومي كحل ومسكره فقط ..

انشاء الله ما اكون طولت عليكم ..