لولاك أنا ما كتبت الشعر لولاكا

بسم الله الرحمن الرحيم

السلام عليكم ورحمة الله وبركاته

يا غالي اكتب غلاك بقلب محبوبك = لولاك أنا ما كتبت الشعر لولاكا
تنثر ورووود المحبة واتبع أدروبك = من وين ما رحت ابا أمشي مثل ممشاكا
الفكر لا سج دايم رايحٍ صوبك = يعيش لحظه بلحظه طيب ذكراكا
مندوبي القلب وانت القلب مندوبك = غلاك عندي يزيد أقول ما اغلاكا
في عالم الفن لو شافوك هجوبك = على غلاف المجلة شوف ما احلاكا
يا ليتني شك وإلا خيط في ثوبك = وإلا احمر الروج لا زينت به فاكا
ما أحلاك ما حلى كلامك عايش أسلوبك = ما غيرتك السنين وعالمك ذاكا
ما فيك عذروب غير الطيب عذروبك = يا طيب الأصل طبت وطاب منشاكا
الطيب منك أنت وانت الطيب منسوبك= لو يزعل الناس أبيع الناس لرضاكا
ياليتني يا لطيف الروح مشروبك = لا روق البال أطالع في محياكا
اشتقت لك والشقاء في قلب محسوبك = رد الفرح وسط قلبٍ ما تعداكا
ادعي من القلب ربي يغفر ذنوبك = لو غبت عني شهر ما غاب طرياكا

خليل المطيري - حسام الشعر

الحسام

كلماتك روعه وليس بمستغرب منك

دام عطاءك

وعساك على القوه

تحياتي لك

.. 00 أردينا 00 ..

تميز لامحدود

عنوانه حسام الشعر

لاعدمنا تواصلك

تقبل تحيااات اخوك

قلب الاسد

هلا بالحسام

شكلك تقراء افكاري
بغيت أسلك بأحد ردودي ليش ما أشوف لك قصائد رومنسية وغزلية
وهذا أنت ما قصرت
يا سسسسسلام عليك يا ابو ابراهيم
بجد وبجد وبجد ابصملك بالعشره
تسلم يدك يا أمير الكلمة


أحترامي لك

صح لسانك يا ابو ابراهيم

لكن لدي سؤال يا ابو ابراهيم وأنت ابخص :

قصيدتك بالشعر النبطي و وقافيتها اممممممممم مادري كأنها تصلح للفصحى

.. والا وش رايك ؟

ترا أنت ابخص وانا مالي بالشعر .. بس جاء على بالي اسأل

وصح لسانك مليون

تقبل من التحايا احلاها

ابو ابراهيم


صح الله لسانك

وقافيه جميله جدا



تحياتي

كلام صحيح وجميل

فبارك الله بك يا شاعر الوئام


تحياتي لك

يا ليتني شـك وإلا خيـط فـي ثوبـك
.. .. .. .. وإلا احمر الروج لا زينـت بـه فاكـا

صــــح لسانك .. حسام الشعر ..

وتسلم يمناااك
.
.

الله الله

رائع يالحسام

بصراحه روووعه وكثير عجبتني
صح لسانك اخوي وسلمت يمينك


سيدي



لايسعني إلا أن اقول أبدعت بهذا النسج الرائع ..


فكمـ هو جميل ذلكـ الإحساس الذي كتبته لتكون انت منبعه وصدقه


اشكر بوحكـ الرائع

دمت ودام تألقك بتميز ..

	المشاركة الأصلية كتبت بواسطة طارق

	صح لسانك يا ابو ابراهيم لكن لدي سؤال يا ابو ابراهيم وأنت ابخص : قصيدتك بالشعر النبطي و وقافيتها اممممممممم مادري كأنها تصلح للفصحى .. والا وش رايك ؟

طارق دائم يزاحمني بالأفكار

انت تسابق والا وش السالفه

..

تقديــــــري
أمـــــــــــــــــــــورهـ

بسم الله الرحمن الرحيم

أردينا

السلام عليكم ورحمة الله وبركاته


مرحبا مليار
والف الف شكر على حضورك وتشريفك
اسعدني مروووووووووورك وردك الراقي

بارك الله فيك وفي أخلاقك



تقديري واحترامي



اخوك
حسام الشعر