استراليا يصدرون لنا بعارين

يذكرون ان استراليا بدت تصدّر " بعارين " للسعوديه هالايام ولعنبوا
ابليسهم هالحين مالّين من بعارينا وبلشين ٍ بهم فيروّحون لنا زود ، عمى !! ورى مايروّحون لنا كناغرعلى الاقل كانهم صاملين
ويصدّر "اتحاد تجارة الجمال " في وسط أستراليا " بعارين لدول واجد منها
الاردن والكويت والامارات والسعوديه ،

ويقول اتحاد تجاره الجمال
ان ارسال الجمال للملكه يعتبر تقدم كبير ومكسب ، وأقول لهم مهوب على كل حال هذا الاتحاد السعودي قال
ان تأهلنا لكأس العالم " يعتبر تقدم كبير ومكسب " ودجّوا دجة ٍ مافيها ملح و صار اردى لهم ،
ويقولون ان هالبعارين اللي روّحناها للسعوديه يبي يذبحون أكثرها !

وشكلهم مستغربين مررررة ومعذورين والله بلاهم ما بعد جرّبوا
" كبدة الحاشي " اذا حِطّ معها شويّ شطه والا لوّهم مجربينها والله مايروحون ولا بعير ،
ويقولون بعد ان بعضها يبي يربّى وبعضها يبي يحلبونه وبعضها يبي يشاركون به في سباقات ،
ومادروا ان ثلاثة ارباع بعارينهم تبي تصدّم في هالخطوط اللي عندنا ،
و ان الربع الباقي يبي يروح لمحلات الكبده اللي في الحلـّه ،
ويقول رئيس اتحاد البعارين حقهم انهم روّحوا لهم 100 راس ،
ويمكن ياصلن للسعويه الاسبوع الجاي ، وكودهم بس واسمينهن بوسم
استراليا عشان مايغدن ،
ويقولون بعد ان في أستراليا نصف مليون بعير محسّرات ٍ بهم وبحلين بهن ولايدرون وش يسوون بهن ،
وعزّ الله انهم دبش والا .. الأمر سهل أبد ياخذون " دورياتنا ومرورنا ويخلونهم يطبقون نفس قوانينهم عندهم "
وكلها شهر ولا 300 الف بعير مصدوم ومرتاحين منها ومرتاحين ٍ بعد من 300 الف استرالي ٍ رجاحه ،









ياليت من يجيب رضا تكر ولا غيره من تكارنة المنتخب ويخليه يسرح بهن



هذولي اللي مهوب ربعنا

سفاري سلمك الله 00ترى بعارينهم غير بعارينا 0

0وراك وانا اخوووك زعلان 00

والله يااخوي خبر رائع عشان اروح اشري منهم عندي هواية جمع البعارين مثل اللي عنده هواية جمع الطوابع

لييييييييييييه

وش الفرق الله يسلمك هههههههه

الزبد يختلف

بس ما ادري عندهم حمى مالطيه ولا لا

سفرفر حبيب ألبي 0

00ترا موضوعك اللي أنت خابر عن المنتخب 0

0ترا أردينا حذفته من الترفيهي 000وتقول 00سفاري هذا دمه ثقيل

0000عاد أنا ماسكت لها 000ودافعت عنك 00

لكن تعرف الكثرة تغلب الشجاعة 0

000وش رايك ؟ كيف تبينا نرد عليهم ؟؟ :D

اخ اخ اخ اخ اخ اخ

يا اردينا هذي وش تبي بلي مهزوم 8 ماغير تحذف هالمواضيع

اخ لو كنت مشرف

موافق اهاجم

سفاري 000 أمزح معك 0

00 بس حبيت أختبر إرادة أعضاء منظمتي 00

0أردينا ماحذفت الموضوع ولا تكلمت عليك 000لكنها نقلته الى الرياضي 0000

يوووووووووووووه انا ما اداني الرياضي ياخي سافهه اه 30 سنه