أم عريس .... بس مكاوية .... و النعم

خلص ولدي الدراسة الجامعية .
أتوظف وأستلم المهية.
قلنا ندورله العروسة إللي هية.
مؤدبة وحلوة ومصلية.

سألت عن بنت حلوة ومتربية.
قالوا لي : روحي جواز بنت عمك صفية.
تلقي البنات بالعشرات والمية.

رحت الجواز ويا لله يا لله ...إيش شافت عنيّة.
شافت بنات تقولي ورد في مزهرية.
إيش أحمر وإيش أخضر وبرتقالية.
الوجيه ماتنعرف بنت مين هية.
العيون عدسات ملونة عسلية.
يا زرقة أوخضرة أوموفية.
وعليها ألوان الطيف بالوقية.

والرموش من طولها كأنها مكانس يدوية.
والحواجب منتوفة أو مسواية شيطانية.
والشعر نصه توصيلة ونصه خروق محشية.
يعني يعني من طوله الباقي خصل على الظهر مرمية.

الوجه مغطى بطبقة بودرة أندنوسية .
وأحمر الخدود ملطوع كأنه وردة جورية.
بالصراحة ماعرفت لهم ملامح بشرية.
قلت أعصر عليهم مزرعة ليمون مستوية.

قربت من بنات وسألت وحدة كأنها جنية.
إنتم مخطوبين ولا متجوزين يابنية.؟؟!!
رجت القاعة بضحكتها الغجرية.
وقالت لي:لا ياخالة ..عندك عريس ليا.
الحقيني بيه وسيبي هادول العربجية.
أنا لا أبغى أكمل دراسة ولا أدخل كلية.
أبغى أتجوز وأستت وأعيش عيشة هنية.

صنيت في مكاني ...إيش هادي البلية.
إشبهم بعض البنات رفعوا برقع الحيّا والمزية.
تحسب الوحدة كل موضة لازم تطبقها ولاصارت من العصور الجاهلية.
تطلع زينة تطلع شينة المهم ينقال عنها بنت كووول عصرية.
أخذت بعضي ومشيت وأنا أقول: تحرم عليّ.

وأنا ماشية لمحت بنت في الفجرية.
وجهها تقولي قمر ليلة البدرية.
جلست جنبها أسألها تجاوبني بكل أدب وروية.
دخلت مزاجي وقلت في نفسي : هية هية.
وإحنا بنتكلم جات بنت صغيرة جلست على الكرسي مستحية.

قالت لها بصوت ناعم : أبغى حلاوة سمّسمّية.
قلت لها: هادي أختك المهلبية.
قالت: لا ..هادي بنتي الوسطانية .
قلت: ماشاء الله بنتك حلوة وسكرية.
وقمّت والخيبة على وجهي مدارية.
وأنا أقول: خيرها في غيرها المرّة الجية.
وضاعت الليلة وأنا أدور ألين الصبحية.
وخرجت من الجواز من غير نتيجة مرضية.

ثاني يوم دقت عليّ التلفون بنت خالتي نجية.
قالت لي : مادّريتي عن إستيتة زهية؟!.
ماتت البارح بشرقت وصلة حلاوة طحينية.
قلت لها: ووووه يا ندامة كانت شمعة مضوّية.
بكرة وخير أروح العزى بعد المغربية .

لبست القنعة ورحت للواجب وفي نفسي متمنية.
ألقى لولدي العروسة إللي في بالية متخبية.
ومن بعد صف العزى لقيت كنبة مدارية.
جلست عليها أشوف الرايحة والجية .
وعينك ماتشوف إلا النور ياعنية.

إللي حاطة مكياج خفيف وحمرة بنبية.
وإللى حاطة عدسات ملونة ورموش إصطناعية.
وكأنهم في حفلة أوعزيمة بمغنية.
لا في إحترام لمشاعر أهل الميت في مصيبتهم القوية.
قلت في نفسي:
حتى في الموت ماسلمت الوجيه من الزخارف الإسلامية.
جلست في مكاني ومرت عليّ ساعة زمنية.
وأنا أستغفر رب البرية.
وخرجت وأنا أقول:
يامين يدلني على أصحاب الوجيه الطبيعية.





توضيح بعض الكلمات:

المهية: الراتب.
أتستت: أجلس سيدة في منزلي.
صنيت: وقفة صمت بحيرة.
البلية: المصيبة.
الين: حتى.
القنعة: العباءة.
إستيتة: تقال للأكبر سناَ.

ههههه الله يعينها يا رب ..

تسلم يمنااااااااج خيتو ..

كلام يحكي واقع ملموس ..

::

تسلمين خيتوو .. يعطيج العافيه ..

ههههههههههههه
هاي لهجتنا مية بالمية ...
تسلمي دلوووعة عالنقل لامس الواقع...

التــــــــــــــوليب

شكرا لمرورك

حووووووووووووووووووووور منورة ياختي

يعطيك 10000 عاااافية ومشكورة

وعوااااااااافى

دلوعه تسلمين يعطيك العافيه

دوم رائعه لك كل الود
ياشمعه مضيه كلمات في المعنى حقيقيه
يااحلا بهيه في عينيه كلماتك واقعيه

عبق شذى وجودك في صفحتي
ولاح سنا عبور طيفك بين أحرفي
حياك الله أخي الغالي وأثابك الجنان

هههههههههه والله تهبل يا دلوعه ..يسلم ذوقك يا ختشي..

بس بجد هالمره متعنية بالحيل الله يرزقها ببنت الحلال >>اقصد الله يرزق ولدها
ماخلت مكان تدور فيه عرس،،وعزى..ومدري وين بعد بتدور ..!!؟؟

::

طيب واللي تنخطب في مستشفى تهقين بيطلع احد يكتب عنها متل هيييك ..؟؟

	المشاركة الأصلية كتبت بواسطة وجوووود

	هههههههههه والله تهبل يا دلوعه ..يسلم ذوقك يا ختشي.. بس بجد هالمره متعنية بالحيل الله يرزقها ببنت الحلال >>اقصد الله يرزق ولدها ماخلت مكان تدور فيه عرس،،وعزى..ومدري وين بعد بتدور ..!!؟؟ :: طيب واللي تنخطب في مستشفى تهقين بيطلع احد يكتب عنها متل هيييك ..؟؟

والله ياختى اليوم صاير بالجنوب كذا

دوري لين تنتهي السنة بيت لبيت حتى يكتب الله النصيب هههههه

واللي نخطب بالمستشفى انا اكتب عنهاههههه

يعطيك الف عافية ع المرور