23 / 08 / 2002, 43 : 10 PM | #1 | |||||||
ضيف
شكراً: 0
تم شكره 0 مرة في 0 مشاركة
|
000 ياأنا دجيت دجة 000
00 السلام 00
بقولكم سالفة حصلت إنما إيه 00:o دجيت دجة مو طبيعية 00 :D قبل كم يوم تهاوشت أنا وأخوي .. أصغر مني بخمس سنوات .... قام طقني طق مو طبيعي بالنعال(الله يكرمكم).... ماخلى شي ماطقني فيه (( ياشين العيال اللي توهم داخلين المراهقة )) المهم أنا عجزت أدافع عن نفسي 00 دب سمين ماقدرت عليه 000 من زود ماطقني قعدت أصيح من قلب00 ليش يطقني وأنا اكبر منه 00 ولا بعد ما سويت له شي00 وأقوم واعلم الوالد عليه .. طبعاً الوالد ماقصر معاه عطاه درس معتبر 00 أنا تشققت من الفرحة 00 :D قاله الوالد... رح راضي أختك أنا بصراحة من زود ماطقني زعلت عليه أسبوع.. وطول الأسبوع كل ماشافني يقعد يتطنز فيني يالدلوووووعة .. ويامدري ايش .. ويقعد يقلد صياحي ... يوم جاء الدب ... يراضيني ويحب رأسي قـلت : لو تحب رجلي ماراح أرضى عليك ( مصدقة نفسي على بالي الوالدة ههههههه ):p قال : وش أسوي عشان ترضين علي .. قلت : أقولك بس ماتعلم الوالد .. قال : خلاص ماراح اقوله شي قلت : أبغاك تمشيني خمس طعش دوره بالسيارة قال : موافق.. بس بروح مشوار شوي وأجي .. انتظريني خمس دقايق بس قلت : طيب ويروح لمشواره ويوم جاء وأنا قابعة عباتي قاعدة انتظره في الحوش ... يوم دريت وهو قدامي.. قال : يالله ..أركبي ياالدلوووووووعة ... يوم طلعت وشفت السيارة يووووووه وش أشوف |1| تدرون وش مسوي 00 جايب دتسن ... وليتها موديل جديد .. جايب لي دتسن غمارة وحدة موديل 85 قلت : وين سيارتك. قال : مع واحد من أخوياي ... قلت : ليش أخذها.. قال : بيودي أهله لمشوار ... يالله تركبين وإلا أروح .. قلت : معصي إلا ابركب غصب عنك وعناد فيك.. قال : يالله اركبي يالدلوعه قلت : يالله أهم شي أوسع صدري .. بس ياربي مدري ليش يوم ركبت السيارة حسيت بشعور غريب والله حسيت إني طقـــــــــــاقة .. عاد طبع فيني اذا ركبت السيارة لازم أفسخ نعالي ( الله يكرمكم ):D المهم يوم ركبت قال : خوذي .. قلت : وش ذا .. قال : ضواية . قلت : وش أبيبها قال : امسكي بس ... الأنوار خربانة.... اذا قدمت قدام حطي اتجاه النور قدام و اذا ريوست على ورى حطيها ورى قلت : اوكي لو تشفون شكلي أنا والضواية .. مسكتها بكل يديني وحطيتها على كتفي .. وحنا ماشيين وهو يقول لي قدام وأنا أحط النور قدام00 ويقول ورى وأنا أحط النور ورى ..... وعلى هالمنوال.. وأنا مستانسة لأني سويت اللي في بالي |2| :D بس طلع صاحب السيارة حاط تحت رجلين الراكب اللي جنب السواق دواسة ... واخوي طاير مطفوق توه متعلم على السواقة ...... مادريت إلا يوم حسيت بهواء حار مادري من وين جاء |1| ويوم ناظرت تحت وش أشوف ..|1| يووووووه السيارة منجخرة من تحت على شكل دائرة يعني تدخل الرجل فيها ..... وشوي وتحك رجلي بالإسفلت وهو طاير مسرع..|1| |1| قلت : وش ذا قال : وهو يضحك مثل ماأنتي شايفة قلت : مفتوحة من تحت.. قال : داري أنا اللي قاصد أسوي بك مقلب قلت : عارفة يا الدب .. ماوافقت تمشيني إلا أكيد بتسوي شي ..|3| |3| يالله ردني الحين للبيت .. بسررررررعة قال : اصبري تونا ماكملنا خمس طعش دوره.. قلت : بلا خمس طعش بلا هم أنا قلت لك رجعني يعني رجعني الحين.. يوم وقف عند البيت شغل الأنوار وطفاهم وكررها عشان يلفت انتباهي إن الأنوار سليمة مافيها شي بس بيقهرني .. وقعد يضحك علي أنا وضوايتي المشكلة ان الشوارع منوره يعني مالها داعي .. المهم هو مات من الضحك علي وأنا سويت نفسي عادي وقلتله أهم شي انك مشيتني غصب عنك ونفذت اللي أبيه منك |2| وأنزل من السيارة وأدخل البيت وأنا منقهرة ( شوي بس ماإنقهرت كثير) وأروح أعلم أمي وخواتي عن السالفة .. وهم يتقطعون علي من الضحك أنا وش أسوي .. مالي إلا إني أضحك معهم :D :D وخلصت السالفة .. واعذروني على رداءة الأسلوب طبعاً السالفة هذي ماحصلت لي .. حصلت لوحدة من قريباتي :D :p |
|||||||
|
||||||||
23 / 08 / 2002, 54 : 10 PM | #2 | |||||||
عضو شرف
شكراً: 0
تم شكره 0 مرة في 0 مشاركة
|
السلام عليكم
كاتمه الدمعه قصه رائــــــــــــــــعه ومضحكه في نفس الوقـــــــــت :D :D :D :D :D ههههههههههههههههههه تســــــــــــــــــــلمي :p :p تحيــــــــــــــــــــــــــــاتي لميــــــــــــــــــاء |
|||||||
|
||||||||
23 / 08 / 2002, 24 : 11 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
كتوووووووووم ... هههههههههههههه .....
القصة لوحدة من قريباتك هاه ... علينا هالحركات يابنت ؟ طيب عيني في عينك كذا .... أشوف ..... ههههههه ... والله شكلها صايرة لك انتي ... :D :D الحقيقة ... عمل خير فيك اخووك ... ياحبكم للطلعات والروحة والجية على غير سنع يابنات ... |
|||||||
|
||||||||
24 / 08 / 2002, 02 : 01 AM | #4 | |||||||
عضو شرف
شكراً: 0
تم شكره 0 مرة في 0 مشاركة
|
هههههههههه
والله خوووش دجه سلميلي على قريبتك وقوليلها لعد تتحرش في اخوها |
|||||||
|
||||||||
24 / 08 / 2002, 24 : 06 AM | #5 | |||||||
عضو شرف
شكراً: 0
تم شكره 0 مرة في 0 مشاركة
|
ههههههههههههههه
سالفة حلوووة ....... دجة مهب صاحية ....... عشان تعرف مرة ثانية كيف تحارش أخوها ........... |
|||||||
|
||||||||
24 / 08 / 2002, 36 : 08 AM | #6 | |||||||
وئامي مميز
شكراً: 0
تم شكره 0 مرة في 0 مشاركة
|
هههههههههههههههههههههههه
ههههههههههههههههه ههههههههه هههه هه روووووعه والله ..... يسلمووو كتومه |
|||||||
كل شخص أقابله يَفضُلني في شئ ما .... ولذلك يمكنني أن أتعلم منه هذا الشئ
|
||||||||
25 / 08 / 2002, 16 : 06 PM | #7 | |||||||
ضيف
شكراً: 0
تم شكره 0 مرة في 0 مشاركة
|
مر11111111حب
لمياء - سمير - سحابة صيف - ملجلج - الفجر الأسير هلا والله فيكم خلاص عاد لاتتطنزون فيها وتضحكون عليها كافي ماجاها بس سالفة موتتني من الضحك من جد يسلمووووووووووووووووووووو للكل تحياتي |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حالنا في الوقت هذا يقوووول.... | المتغليه | بوحْ الشعِر والنثر .. | 4 | 16 / 06 / 2004 24 : 09 AM |
؟؟ حالنا ....حالنا ...حالنا ...مع ..؟؟؟؟؟؟ | أم أسامةا | نفَحَآت إيمَآنِية | 4 | 12 / 08 / 2003 14 : 11 AM |
فكيف حالنا نحن ؟؟؟!!!!! | ملجلج | ملتقى الأصدقاء | 17 | 24 / 08 / 2002 28 : 10 PM |
خبر عاجل جدا ........... جاءنا ما يلي | تــطوير | بوحْ الشعِر والنثر .. | 13 | 23 / 07 / 2001 23 : 09 AM |