امس الخميس من صباح الله خير = زوجة رجل تاجر مع زوجة فقير
تهاوشن وصار شي مايصير =يالله دخيلك من مشاكل هالحريم
سمعت لجتهن ونا وسط الفراش=ورحنا على الهوشات نتفرج بلاش
ون كان شفت ان راح يجمعنا الهواش =لوالله ابعد وش ابي في سين جيم
طلعت لين هذي الخلايق واقفين = سالتهم ياذا العرب وش شايفين
قالو حريم وبالعصي متحاذفين = ذ ي تالية النسوان يالله ياكريم
نظرة في ذيك الوجيه الكالحه = الى عبيهم والبراقع طايحه
كن المهاوش صار قبل البارحه = كل عرف ماصار مافيهم غشيم
جات زوجة التاجر وقالت يافلان = هذي مره ماشغلها الى لي لدان
صوت المسجل عندها طول الزمان = وهي تغني صوتها يطلع مديم
وحنا فلا يوجد مسجل عندنا = ماهوب عيب لا والله ودنا
لكن مع الاموال نبذل جهدنا = نحسب تجارتنا على الشكل السديد
لشك لجا الليل حطتلي حجاب = ولا خلف ولا سميره او عتاب
نسمع مسجلها ونغلط بالحساب = وحنا قرايتنا على الشكل القديم
من عقبها جات زوجة الشخص الفقير= قالت تفظل ودخل البيت الصغير
فنجان شاي وكان تبي واحد عصير = ترى الكلام يطول وفهم يافهيم
يوم دخلت البيت انا شفت العجب =شفت الحياة الي لها قلبي رغب
حلت بنا وباشرتنا في ادب =ياليت في بيتهم دايم مديم
قالت ترانا عايشين احلى حياة= وش عاد لو نسمع جميع الاغنيات
نطرب وتالي العمر عزالله نمات = وهمنا اعطيناه ذي الجار الئيم
فكرت اروح لمنزل الشخص الغني = واجهت عند الباب شايب منحني
مسك بثوبي يالله انه هدني = يقول رايح وين يابليس الرجيم
قلت انت شايب قال ياعلك تشيب = قلت انت طيب قال جعلك ما تطيب
قلت اسقني ماء قال مطلوب صعيب= عساه مايفرح بجنات النعيم
قلت انت ياذا العود اضنك ماتشوف = قال انعمي اذا شفت قدامي ضيوف
فقلت انا املك ملايين والوف =جيت اشتري منكم بضايع ياحنون
قال انت ماودي تطول عندنا =قلت العفو ربع ساعه حدنا
ابشرك ماني بقايل غدنا = انا سعودي ومسكني وسط القصيم
اقبل على مجلس جداره لينه = يسال عن المفتاح يامن عينه
قالو المجلس مسكر من سنه = العام يوم زارنا ضيف كريم
البيت من داخل مثل حوش الغنم = وراعي البيت الغني مثل الصنم
دشداشته متشققه وحافي قدم = عساه دايم من هل الدنيا عديم