مباراة الورود والفهود

	المشاركة الأصلية كتبت بواسطة عبدالله 12

	اقترح عليك أخوي خلف أنك "تصك" الحكم ببيتين من الشعر النبطي بالإيطالي

اممممم بالايطالي <<يفكر كيف تجي معه


طب وش رايك اسويها وانت تشيلها شيله بالايطالي اخوك ماينفع

لاقسم بحطها باللهجه البدويه وفلقني لو فهم شي

ترا متحمس للميدان متى ربعنا يطردوون الكووره ابي امسك زاويه وضحك

بس وش رايك بالناس الناعمين اللي يخافون<<مايقصد حد ابد

	المشاركة الأصلية كتبت بواسطة تالين

	مدام فيها خشونه وتكسير انا مابي العب بس بشجع ^^ شكرا عبدالله على المباراه الممتعه والموضوع الجميل ^^

أشكرك أختي تالين على مداخلتك الجميلة وتأييدك للعب النظيف،
أتمنى تغيرين رائك في عدم اللعب لسببين:
الأول: لأن وجودك بالفريق مهم جداً خاصة وأن مركزك هو "محور".
الثاني: ما أتوقع يكون في المباراة الجاية خشونة بعد أن تم الاتفاق مع "حلف الناتو" لقصف أي لاعب يسوي خشونة.
دمتِ بصحة وسلامة.

	المشاركة الأصلية كتبت بواسطة خلف الجابري

	طب وش رايك اسويها وانت تشيلها شيله بالايطالي اخوك ماينفع لاقسم بحطها باللهجه البدويه وفلقني لو فهم شي ترا متحمس للميدان متى ربعنا يطردوون الكووره ابي امسك زاويه وضحك بس وش رايك بالناس الناعمين اللي يخافون<<مايقصد حد ابد

مشكور أخوي خلف لاقتراحك الجميل بأنك "تسنّع" الحكم بكم بيت من الشعر وحنا نشيلها شيلة قبل بداية المباراة بعد النشيد الوطني.
بس لا تنسى تكثر في أبياتك من "البيتزا" و"اللازنيا" وغيرها من الأكلات الإيطالية علشان يعرف الحكم أننا "مثقفين" فيخاوز معنا.

أمّا بالنسبة "للناس اللي اعتذروا عن اللعب"، الصراحة ما ألومهم بعد ما شافوا بعض اللعيبة "يحشون رجول خلق الله بكورة وبدون كورة" . . . لكن فيه محاولات لاقناعهم بالعودة.

الله يسعدك.

<< انواع الضحك والفطسات الله يسعدك خيووو عبدالله

أجل احنا نسولف وخربنا الخطه ونلعب بقمصان ؟؟
مايمديكم علينا ترى
جبنا راس الحكم وما أظنه يبي حجز ولا بيسافر
يعني من الحين اقولكم المباراه الجايه دبروا اعماركم

على فكره
تكفون الحلق بتاعي طاح في الملعب اللي يحصله يجيبه لي

	المشاركة الأصلية كتبت بواسطة رحـــــــــيل;919154[SIZE=4

	]<< تكفون الحلق بتاعي طاح في الملعب اللي يحصله يجيبه لي[/SIZE]

أشكرك أختي رحيل لمداخلتك الجميلة،

الصراحة، بعد المباراة شكلنا لجنة عليا مكونة من عامل النظافة وأنا للبحث في الملعب عن المفقودات، ولقينا الأشياء التالية:
عدسة للعين ملونة (وحده فقط) ،
حلق ( واحد بس)،
بكله (3 حبات)،
قلم روج،
مفتاحين.
وقامت اللجنة مشكورة بحفظ هذي الموجودات.
المطلوب منك الآن أن تتكرمي وترسلي لنا (الحلق الثاني) حتى نتمكن من بيعه ونترزق الله فيه.

أمّا بالنسبة للحكم، فلم تعلن جنسيته حتى الآن وذلك حفاظاً على السريّة، وحتى لا "يخاوز" مع فريق ضد الفريق الثاني.

دمتِ بحفظ الله.

	المشاركة الأصلية كتبت بواسطة عبدالله 12

	عدسة للعين ملونة (وحده فقط) ، حلق ( واحد بس)، بكله (3 حبات)، قلم روج، مفتاحين.

.
هههههههههههههههههههههههه
وربي ضحكت ضحك اضحك الله ضروسك ياخيي..
على فكرة انا كنت توني شارية زميم مالقيتوه؟؟
.
بس برضو اللعبة كانت ماشية لصالحنا حتى بغيت اشرق بالفصفص من هجمة مرتدة هجمتها على مرمى الفهود لكن مطير الحمام قاعد ينبل بنبيلة جديدة مزعجنا بها ونبل راس ملوكة وعاد انا بدل مااشوتها للمرمى شتها في جبهته ويحتسبها الحكم فاول..
بصراحة هالحكم غشاش ولجنة التحكيم كلها مع الفريق الثاني والا لو كان في لجنة تحكيم نسائية مشاركة كان لقيتنا مرشحين لكاس العالم في كرة الطائرة<<عز الله اخذتوا الكاس..
.
.
روح ياشيخ ربي يسعد ايامك على الضحكة الي ضحكتنا بها..

عدسة للعين ملونة (وحده فقط) ،

ههههههههههههههه وانا اقول وين مضيعه عدستي

بس ماتوقعت انها طاحت بالملعب الا تذكرت وانا ادافع وبمسك الكوره

مادريت الا النبيله من جنب عيني وماحسيت بنفسي الله يهديه خلف ضيع عدستي

بس اشتريت جديده

ومسامحتكم فيها

يسعد ايامك اخوي عبدالله الصراااحه متنا متنا ضحك

. . . . . .

	المشاركة الأصلية كتبت بواسطة غزالة الجنوب

	.على فكرة انا كنت توني شارية زميم مالقيتوه؟؟

أختي غزالة
أسعد الله أيامك بكل خير،
بالنسبة للزميم المفقود منك، فقد تم تشكيل لجنة جديدة للتحقيق مع عامل النظافة للتحقيق معه عن " الزميم المفقود" (على وزن الأندلس المفقود) ، وبعد بحث وتحرى تبين ان صاحبنا العامل قد "لسع" الزميم وأرسله لبلدهم هدية لوحده من جماعته، وعندما سألناه: ليش ما احتفظت فيه مع بقية المفقودات؟ ،
أجاب: بأن الزميم ممنوع من قبل الاتحاد الدولي لكرة القدم (الفيفا)، وما كنت أتوقع بأن أحد يبي يسأل عنه، ولهذا تصرف فيه >>> يعني أنسي الموضوع.

أمّا بالنسبة للنجم خلف فمن المحتمل أن لا يشارك في المباراة القادمة وذلك لحصوله على عرض للاحتراف في دوري موزمبيق، وسوف يعلن عن هذا الخبر في مؤتمر صحفي يعقده قريباً في قهوة الشباب وتحضره وسائل الإعلام العالمية.
دمتِ بصحة وسعادة.

	المشاركة الأصلية كتبت بواسطة غـــلا

	وانا اقول وين مضيعه عدستي

الله يسعد أوقاتك بكل خير أختي غلا

أولاً، الحمد لله على سلامتك من نبيلة الكبتن خلف.

بالنسبة للعدسة، فقد كلمني من يومين زميلي في لجنة البحث عن المفقودات (عامل النظافة) وطلب مني عدسة ثانية للعين علشان يبيعها مع العدسة اللي لقيناها.
جبت له عدسة قديمة من البيت ولكن للأسف لون العدسة اللي جبتها له يختلف عن لون العدسة اللي لقيناها، وعلشان كذا ما يقدر يبيعها ولا أحد يقدر يلبسها.
وبما أنك أشتريتي عدسات جديدة فأنتِ مخيّرة بين أنك تتكرمين وتعطين العامل العدسة علشان يبيعها وينصب فيها على أحد، أو أننا نرسل لك العدسة اللي لقيناها.

عموماً، بالنسبة للمباريات الجاية، مطلوب من كل لاعبه أو لاعب أن يبلّغ عن مفقوداته قبل ما يغادر الملعب، وإلا ما له حق يطالب فيه بعد ذاك الوقت، والسبب في هذا أن الكبتن خلف بعد ما عرف أنه فيه مفقودات من اللاعبين واللاعبات قال لي أمس أنه فقد عشرة آلاف ريال أثناء المباراة.
أخيرا، مشكورة أختي غلا على ردك الجميل.
دمتِ بصحة وهناء.