سوسن الذكرى

سكة ألم ابعادها تتعب التيه=في غبّته جاوبت صوت الربابه
كسرت خاطر خطوتي والمشاريه=على دروب البُعد حضرت جنابه
ليت الزمان اللي خذاهم وطاريه=يحل عن وجهي ويصك بابه
من سوسن الذكرى لخمص مواطيه=كل الليالي في غيابه تشابه
الإنتظار - الثلج - غطى كراسيه=صقيع عمري ما روته السحابه
لو كان ينشد والهوى صدق (مشقيه)=ماغيّبت ساق البختري ( ترابه )
جفّت ملامح وجه الايام تبكيه=على حدود الهم تطرد سرابه
ماعاد باقي غير ذكرى لياليه=لاغمّضت عيني تنوّخ ركابه
كل المنافي وان سألته عن ( البيه )=تقول مر ولا خذينا جوابه

	المشاركة الأصلية كتبت بواسطة عبدالله العتيبي

	سكة ألم ابعادها تتعب التيه=في غبّته جاوبت صوت الربابه كسرت خاطر خطوتي والمشاريه=على دروب البُعد حضرت جنابه ليت الزمان اللي خذاهم وطاريه=يحل عن وجهي ويصك بابه [/poem]

سكة الم وسكة غياب من عبد الله العتيبي وعوده قوويه بهذه الرااائعه

الحمد لله عالسلامه ووين ذا الغيبه ووحشتنا يعني اذبحك ولا اقول تشفع لك دررك..


هلا والف هلا جيتك مثل المطر يابا يوسف .

يعلم الله اني فرحت بجيتك ويعلم الله انك اطربتني

قصيده سبك وحبك ومن السهل الممتنع

شاعر وتطربني وتعزفني على اوتارك الله يسامحك

ياعبدالله ياعتيبي صح الله لساانك وبيض الله وجهك.

بس شوف عاد لو تعيد ذا الغيبه قومت عليك عتيبه وشمر!!

لاتحرمنا الله لايحرمك الجنه..

تأكد اني بنتظااارك دائما ودمت وداام ابداعك ايها المبدع

لك مني اجمل تحيه....

ههههههههه

خلف الله يخليك كل شيء ولا ( شمر ) مانقدر عليهم وحنا في ديارهم

يابعدي والله هالخشم وربي انك واافي ومخلص ووو قطوع ؟؟؟

الحقيقة ردك بحد ذاته يشرف اي موضوع ويزيده الق ..

دمت يالغالي والله يحفظك ويرعاك لعين ترجيك يابعدهم

وصح راااسك مليوون

^

^

^
تشرفني معرفة هذا الرجل



.

عاطر مودتي لعيونك

صح لساانك عبدالله العتيبي

ولاهنت وسلم بوحك قصيده جميله

يعطيك العاافيه على هالقصيده

واصل ابداعك ولا تحرمنا جديدك

تقبل مرووري غـــلا

.................

...

عبدالله العتيبي . . ماغيره !!

لااله الا الله !
ابك انت جيت والا جابك الله ؟


حمدالله عالسلامة
ومن طول الغياب جاب القصايد


ياحيالله عبدالله
ياحيالله شاعرنا اللي يغطس ويغطس لين يوحشنا لين مانعصب ونقوم نحد سكاكيننا ونقول متى بس نشوفه
ثم جاء ورشنا بقصيده وخلانا صرعى ابداعه لين مانقدر نقول الا ابدعت ثم نقوم نصفق له


اطلالة راائعة من بعد طول غياب
من خلال هذه الفاتنة الجميلة والمعبرة

غبت ياعبدالله وعدت بما يشفع لك الغياب
ابدعت ثم ابدعت ثم ابدعت
دعواتي لك بأن يتوب عليك ربنا من الغياب


سلمت يداك

كلك ذوق

...

صح لساااااااااااااااانك
مبدع وحساااااااااس
تقبل مرووووووووري

الاخ الكريم عبد الله العتيبي عوداً حميداً
والحمد لله على السلامه بعد الغياب الطويل
اخي عبدالله لقد ابدعت واجدت من خلال
هذه القصيده الفريده والجميله فصح لسانك
وسلم بوحك ولشخصك الكريم
شكري وتقديري ودمت بحفظ الرحمن

	المشاركة الأصلية كتبت بواسطة غـــلا

	صح لساانك عبدالله العتيبي ولاهنت وسلم بوحك قصيده جميله يعطيك العاافيه على هالقصيده واصل ابداعك ولا تحرمنا جديدك تقبل مرووري غـــلا

صح قلبك ونبضاته غلا

والله لا يهينك على هالتواصل الجميل

والكلمات الرائعة بارك الله فيك

ابداعي هو حضوركم

دمتي بكل ود

ماشاء الله لا قوة الا بالله
صح لساااااااااانك
الله لايضرك
شاعر متمكن وبارع في انتقاء الحرف
القصيده في غاية السمو والرقي ولست بانتظار شهادتي بذلك

	المشاركة الأصلية كتبت بواسطة عبدالله العتيبي

	من سوسن الذكرى لخمص مواطيه=كل الليالي في غيابه تشابه الإنتظار - الثلج - غطى كراسيه=صقيع عمري ما روته السحابه

اقتباسي لها البيتين ليس تقليلا من شأن الابيات الاخرى
ولكن التصوير هنا لم أجده الا عند عبدالله العتيبي

لله در الخيال و روعته
احترامي

	المشاركة الأصلية كتبت بواسطة wafei

	................. ... عبدالله العتيبي . . ماغيره !! لااله الا الله ! ابك انت جيت والا جابك الله ؟ حمدالله عالسلامة ومن طول الغياب جاب القصايد ياحيالله عبدالله ياحيالله شاعرنا اللي يغطس ويغطس لين يوحشنا لين مانعصب ونقوم نحد سكاكيننا ونقول متى بس نشوفه ثم جاء ورشنا بقصيده وخلانا صرعى ابداعه لين مانقدر نقول الا ابدعت ثم نقوم نصفق له اطلالة راائعة من بعد طول غياب من خلال هذه الفاتنة الجميلة والمعبرة غبت ياعبدالله وعدت بما يشفع لك الغياب ابدعت ثم ابدعت ثم ابدعت دعواتي لك بأن يتوب عليك ربنا من الغياب سلمت يداك كلك ذوق ...

الغالي

وافي ليت لي من اسمك نصيب حتى اصبح مثلك ..

هل الحضور خالي الوفاض بعد الغياب يشفع لي عند جنابك .؟

مافي يدي حيلة ولا في يدي شي=لرجال في وقت اللوازم نباها
الوافي اللي في طريق الشيم حي=عمّر بطيبة والقصور ابتناها
الوافي الوافي مثل حاتم الطي=فيه الكرم والجود عالي سماها

...

يالله انك تغفر لي ما لا يعلمون ..

وانك تتوب علي من الغياب وتقبل دعوة اخوي القدير وافي ..

من جد

اتعبني الغياب .

ولم يعد بستطاعتي جمع النجوم من كبد الليل

إلا بشق الأنفس ..

صادق ودي ومحبتي