على حد الهيار احتار لا معطي ولا محروم = ادّور في طريقي لو على ماطى قدم راسي
يغربلني زماني وامتلي غيض وكدر وهموم = وحالي من علوم خافيه ضايق ومنحاسي
غدت حالي مثل حال الغريب الغادي المنجوم = ضرب دوِّ خلا وابطى وغابت عنه الارماسي
ليا منه بغى يصفي سماه أركت عليه غيوم = طواه الياس ماله كود ضرب اخماس باسداسي
تهون اكبر مصيبه في عيون الراضي المظلوم = ولا يقدر يقول لظالمه ما عندك احساسي
وهو سيله حدور ولا لتفسير الهومى ملزوم = شروق الشمس ميلاد الأمل وغروبها ياسي
على رجوة وعد قبل امس وامس وكل يوم اليوم = يناظر غايب عذره معه مشغول متناسي
مشاويره تطول ويحسب أيام الشباب تدوم = نذرها واعتبرها من ضحايا وقته القاسي
غدت حاله مثل حالة غريقٍ ما يعرف العوم = يبي شم النفس ويغوص ويقولن غطاسي
يموت بصمت تحت اسم الكرامه لا عتب لا لوم = مثل موت الشجر واقف جذع وعروق يباسي
[poet font="Simplified Arabic,14,red,normal,normal" bkcolor="" bkimage="http://195.42.183.14//backgrounds/23.gif" border="double,4,indigo" type=0 line=200% align=center use=sp char="" num="0,black"]
هذه القصيدة للشاعر ماجد الشاوي
مع تحيات اخوكم السيف11
[/poet]