الله يا عطرٍ ترشه على الشال

[poet font="Simplified Arabic,4,blue,bold,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
الله يا عطرٍ ترشه على الشال = مدري تصبه صب وإلا تشيله
خلت حياتي بين دمعه وولوال = وتنهيدة بالصدر يا هي ثقيله
صديت عنها لكن القلب ميال = يقطعك يا قلب العنا والفشيله
يا قلب لا تركض ورى طيف واخيال = اصبر ومن يصبر ينال الفضيله
شربت من كاس الهوى ربع فنجال = وشلون منهو شرب حتى الحثيله
راع الهوى يشرى العنى دوم بريال = ما عاش من يشري حياةٍ ذليله
تبنا إلى المولى ونرجيه الاقبال = يا الله عسى باقي حياتي جميله
والحمد لله طايع بكل الأحوال = لكن نشقى بالحياة الهزيله
يا من تعرض للمواقف والأهوال = خلك على دينك وحاذر بديله
وإن كنت تسمع للشياطين تغتال = من تحت الارجل وانتبه يالدليله
هذي علومي قلتها واعرف الحال = دنيا الزخارف ظللتنا ظليله
لكن اببعد عن شفا جرف مهيال = واصلي افروضي واعدي الطويله
بعض العرب ما له من العقل مثقال = عقله غدا ما عاد يلقى قليله
راحت حياته بين فنٍ وجوال = ومكالمات الليل ياهي طويله
واللي يكلمها من الحب تكتال = كلمه ورى كلمه وهذا حصيله
ومن الذنوب العبد ما عاد يشتال = نسى وراه الموت وايضا المهيله
وان كان تسمع قولتي دوك الامثال = دنياك شمس تغيب بأسرع وسيله
احذر ادروب الغي يا طيب الفال = خلك على خطك وحاذر مميله
وان شفت بعض الناس له بشت وعقال = لا تمدحه حتى تجرب حصيله
الناس ما ترحم إليا صرت عيال = واليا وطاك الوقت خلوك عيله

المعذره على هذه القصيده
المتواضعه حاولت تطلع
احسن من كذا لكن هذا
اللي عندي ...
وأرجو المعذره ..
أخوكم الحسام

[/poet]

..........

...


اييييييه يالحسام


اللهم لك صمت وعلى مادري وش تسحرت


الله يرحم والديك
اذا كنت الان في مكه روح واطلع الصفا وارفع يديك فووووووق
ولااوصيك وكمل الباقي عند الحجر الاسود
ومقام ابراهيم ياولد لاتنساه

وقصيدة
تصرع اللي ماينصرع ولايبغى غيرها سحووور ابد ابد


والله انها من رووووعتها ترووووع




كلك ذوق يالحسام ...

[moveup]
الله يا عطرٍ ترشه على الشال مدري تصبه صب وإلا تشيله
خلت حياتي بين دمعه وولوال وتنهيدة بالصدر يا هي ثقيله

[/moveup]

الله...................الله............الله

من أجمل ماقرأت لك والله..
صــــــــــــــح لســانك..
رووعـه يالحسـام تسلم..
انـا..اشهــد هنـا حكمـه..وبيت يخلده التاريخ:::

وان شفت بعض الناس له بشت وعقال لا تمدحه حتى تجرب iحصيله
الناس ما ترحم إليا صرت iعيال واليا وطاك الوقت خلوك عيله

تسلم..ولا..يسلم ردي العزااايم..
شكـراً..
تحيااااتي

بسم الله الرحمن الرحيم

اخوي الوافي

الله يعطيك العافيه

وسلامتك من الروعه ...

والله ما ادري عنكم يالشعار ...

الروعه والروعه عندكم مثل بعض احيانا

لكن ان شاء الله إن الروعه هي اللي على بالي

والله لا يصرعنا يا الوافي .. ولو ادري انها تصرع

كان ما كتبتها .. لكن ..

مكتوب والمكتوب مكتوب مكتوب ... مكتوب والمكتوب كل حكابه

لكن

الف الف شكر على تشريفك .. وحضورك ..

وبعدين أنا في الظهران اليوم ... ماني في مكه

تقديري واحترامي

الحسام

رووووووووووووعه ياالحسام

صح لسانك مليون اخوي

قصيده في منتهى الابداع والجزاله

يعطيك العافيه

تحياتي

هلا اخي الحسام
اين هذا الابداع من زمان
فعلا اخي الكريم ابدعت وتفننت
انها قصيده من احلى ما قريت لك اخي الكريم
لا تكن بخيلا وانثر لنا من هذا الابداع
اكتب واكتب ونحن نعشق احرفك
تحياتي وتقديري
النمر

الغالي بالحيل الحسام :D


لاتنطق الا درا



و يخط قلمك الا سحرا


ولا اتابع كلماتك الا زدت فخرا


نعم لك اهدي اولا كثير الاعجاب بابياتك لرائعه


وثانيا اتمنى ان الله يتقبل منا ومنك الصيام والقيام

واخيرا تقبل ارق تحيه

الله الله

ايه ده يالحسام

من وين كل هالوعه

يسلموااااااااااااااا يالحسام

اكثر من روعه

اقوووووول يصلح تالف لك كتاب

وانا اوله وحده بشتريه

تحياتي.....

بسم الله الرحمن الرحيم

الجوال

الف الف شكر اخوي على التشريف

اسعدني حضورك .. وكلامك الجميل ..

وهذا من ذوقك ..

تسلم ولا يسلم ردي العزايم يالجوال ..


اخوك

الحسام

بسم الله الرحمن الرحيم

هلا فيك اخت سراب

اشكرك اختي الكريمه على الحضور والتشريف

اسعدني مرورك .. وتشريفك .. وهذا من ذوقك

تسلمي ..... تسلمي

الحسام