راع المواجيب

انا ليا مني بغيت ازهم الطيب = ناديت ياسطان هاته وتله


سلطان ابن ثواب راع المواجيب = اللي ينومس من دخل في محله


قرم ٍ ولد قرم ٍ بروس المراقيب = واليا رقى بالنايفه ماتمله


وانا اشهد انه ياولد يتعب الذيب = فعلن لجده قبل ابوه ويدله


من روس قوم ٍ ماتهاب المطاليب = الهم فعولن بالزمن مستقله


اليا دعى الغلباء يجونه مناصيب = اسبيع قومه والكرم تستحله


وانا من عتيبه عطاب المضاريب = ذباحة الحايل على كل مله


اليا زهمنا طيبن ماهو يخيب = ياقف وحنا بسند عزوتله

	المشاركة الأصلية كتبت بواسطة سهم القصيد

	وانا من عتيبه عطاب المضاريب = ذباحة الحايل على كل مله اليا زهمنا طيبن ماهو يخيب = ياقف وحنا بسند عزوتله

كفووو والله ياعتيبه ونعم الوقفه والحميا

سهم القصيد والجزاله عنوانك وهذي عادتك يابعدي

قصيده عز وفخر ومدح ويستاهلون الغلبا سبيع وكفو للمدح..

صح الله لسانك

ودمت ودام ابداااعك


وتقبل مروري المتواضع

خلف الجابري

ولا عليك زود ولا عليك زود و لا عليك زود

ونعم بكل القبايل ولا فيهم قصور ان شالله

وشهادتك اعتز بها وصح بدنك


وبيض الله وجهك على مرورك الذي يزيدني شرف


الله يعطيك العافية

كفو يابن عمي وصح لسانك

سهم القصيد
راائعه القصيده تسلم يمينك وصح لساانك
لاهنت يعطيك العافيه

وانا من عتيبه عطاب المضاريب = ذباحة الحايل على كل مله


اليا زهمنا طيبن ماهـــــــو يخيب = ياقــف وحنا بسند عزوتله
---------------------------

صح لسانك سهم القصيد

ونعم فيك وفي كل القبايل ابيات رائعة

من شاعر متمكن ..

ابوشجاع

صح بدنك ولا عليك زود

اشكرك على مرورك

الله يعطيك العافية

غـــلا

صح بدنك اختي و الله لايهينك

اشكرك على مرورك الرائع

الله يعطيك العافية

أبو خـ البجادي ـالد

صح بدنك اخي و لا عليك زود

اشكرك على مرورك المميز

الله يعطيك العافية