لاعاد تحكــــــي

اخواني واخواتي محبي الشعر ومتذوقيه وعشاقه

اقدم هذه الابيات للوالد الشاعر/فليّان بن ماضي السبيعي

اتمنى ان تحوز على رضاكم واعجابكم

وهذه الابيات لها قصه مع الوالد اطال الله في عمره

بأن احد الاشخاص قد تكفل بالقيام بشئ ولم يعمل به او لم ينجزه وقام بتصرفات غير لائقه

وهذه التصرفات اغضبت الوالد وكان لها اثر في خاطره


فكانت هذه القصيده التي اضعها بين ايديكم

لاعاد تحكي بكلمه منت محرزها=فالرجل لاقال كلمه يلتزم فيها
لاصار ماعندك القدره تنجّزها=خل المسائل لأهلها وأنت لاتجيها
مشاعر الناس صنها لاتنرفزها=لاتوذي الناس ثم يوذيك موذيها
إلا ولاأنت ناجٍ من تطنزها=وعليك تقلب من اولها لتاليها
واللي يشوف الإشاره ويتجاوزها=يخسر حياته وروحه عند باريها
والشامخات الرواسي مايهاوزها=إلا ضعوف العقول ابليس مغويها
وناسٍ تهزّا بناس إبليس ناغزها=ناسٍ ضعوفٍ وغرّتها هقاويها
من لاتهيّب عيال العجز ماأعجزها=تاطا على صابره ولاّ يخاويها
ناد الرجال بأساميها وعزّزها=والغطرسه خلّها لاعاد تاتيها
والنفس عمّا يريبك يافتى حزها=إحذر تدهويك في قاعة بلاويها
والعقل منحه من الخلاّق يغرزها=في من يشاء ربنا ذي العرش يعطيها
أحدٍ يضم المسائل واحد يملزها=وفيه الذي ياخذ الحكمه ويعطيها
خواطرٍ من نتاج الفكر وأوجزها=(فليّان بن ماضي) وسخّر قوافيها
وافضل صلاةٍ مع التسليم اركزّها=(لمحمدٍ) داعي الأمّه وهاديها
وآله وصحبٍ هباها الله وميزها=عداد ماهلت مزونٍ بما فيها

والعقل منحه من الخلاّق يغرزها
في من يشاء ربنا ذي العرش يعطيها

...
الله على القصيــــــــــــــده على وجه العموم
وهالبيت على وجه الخصوص
صح لساااااااااااااان فليّان بن ماضي
وعزالله انه قال ثم أجاااااااد
وانت كذلك صح لسانك يامخاوي
اسعدتنااا بهذا التواجد وحسن الاختيااااااار.

السيف

اخوي السيف

ياهلا وغلا فيك وفي تواجدك

شرررفتني بمرورك وردك

وصح بدنك يالغالي

وانا من تلامذتك طال عمرك

تقبل تحياتي

مخاوي الجرح

بسم الله الرحمن الرحيم

السلام عليكم ورحمة الله وبركاته

مرحبًا بعودتك الرااائعة دومًا...

مرحبًا بك بيننا...

*** مخاوي الجرح ***

لم يعد من الغريب أن تكون شاعرًا بهذا المستوى الرااائع...

ما شاء الله تبارك الرحمن...

فأنت شاعرٌ وابن شاعر...

وضعت بيننا قصيدةً من أروع القصائد...

سلمت لنا وسلِمَ اختيارك الأروع دائمًا...

مشاعر الناس صنها لاتنرفزها
لاتوذي الناس ثم يوذيك موذيها

والنفس عمّا يريبك يافتى حزها
إحذر تدهويك في قاعة بلاويها

(( اللهم صل وسلم وبارك على نبينا محمد وعلى آله وصحبه أجمعين ))...

تحياتي...

*** أسيرة الآهات ***

ياهلا وغلا بشيخة الذوق

هلا وسهلا اختي اسيرة الآهااات

منوره الصفحه والمنتدى كله

شاكر لك مرورك

ابهجني واسعدني ردك الجميل

اشكرك من اعمااق قلبي

اتمنى لك السعاده دائماً

تقبلي تحياتي

مخاوي الجرح

كذا القصايد والا بلاش ..
صح لسان الوالد ..
وتسلم يمناك .. مخاوي الجرح



.



.

مخاوي الجرح ..

ماشالله انا تعجبني القصايد اللي كذا

لاعاد تحكي بكلمه منت محرزها
فالرجل لاقال كلمه يلتزم فيها

الوالد حكيم ماشالله

صح لسانه


تحياتي

مخاوي الجرح

قصيدة رائعة

كلمات جميلة

صح لسانك ولسان قايلها

تحياتي
عصفور

اختي سديم

منووره

هلا والله بجيتك

شاكر لك مرورك وردك

تقبلي تحياتي

مخاوي الجرح

اختي العزيزه

هلا وغلا فيك

وصح بدنك

شاكر لك مرورك وردك

تقبلي تحياتي

مخاوي الجرح