الجرح غاير والسنين اتعبتني !!

بسم الله الرحمن الرحيم

السلام عليكم ورحمة الله وبركاته


احد الزملاء طلب مني قصيدة تحكي معاناة ( بنت )
طلق أبوها أمها وعاشت معه مع الزوجة الثانيـــــة
التي اختارها أبوها على أمهــــــــــــــــا

فقد فقدت حنان الأم وفقدت عطفها ومعنى الحياة
فقلت على لسانها وهي تعاتب أبوها وتقوووووووووول :

الجرح غاير والسنين اتعبتني = سايرتها رغم الهموم الأليمه
ابكي حوال الناس لو ما بكتني = عندي من الأحزان دوله عظيمه
هي غربة الأيام ما ساعدتني = ما شفت بالدنيا قلوبٍ رحيمه
عشت الحياة وكنها عيشتني = بين الجحيم وبين نار الهزيمه
اقرا عيون الناس لو ما قرتني = عينٍ تصوبني وعينٍ كريــمه
الحال مايل والظروف ارهقتني = والدمع سيلٍ سال من دون غيمه
الخد حافي والليالي وطتني = وعزي لمن سود الليالي تظيمه
عشت الحياه ودنيتي عذبتني = والله يعين اللي حياته سقيمه
لو جيت ابا اشرح قصتي عورتني = الصمت في بعض المعاني غنيمه
ولولا هموم القلب يوم احرقتني = ما قلت كلمه والنوايا سليمه
يا بوي وين امي عسى ما جفتني = ما شفتها يا بوي وش هالظليمه
طلقتها وتقول لا ما اعجبتني = وش يعجبك يابوي ماني غشيمه
راحت وكانت ودها لو شرتني = ضاع الحنان مع الندم والنديمه
ذكرتها واليوم هي ما نستني = يمه تعالي لك معزه وقيمه
يمه ترى الدنيا بعدكم رمتني = في بيت ابوي ولا عرفت الحشيمه
تدرين يمه والعيون اسهرتني = ما ذقت طعم النوم ذقت الحريمه
الناس وعيون العواذل بلتني = ولولا الحيا لسوي اكبر جريمه
يمه شربت المر حتى سقتني = ايام بقعاء مرها والصريمه
لو جيت ابا اضحك بالألم عاقبتني = عشت الليالي مثل عيش اليتيمــه
سبحت في بحر الألم واغرقتني = طبع القسى فيها تبيني وليمه
رمح الغدر شفته وفيه اطعنتني = وزادت جروح القلب واصبح هشيمه
يمه وشوفي كيف بقعاء احضنتني = بدل حنانك ذقت غل وحميمه
واليوم والله حالتي محزنتني= قمت اتذكر لي جروحٍ قديمـــه
ذكرى جروحٍ مع شقاها غزتني =ما عاد به رحمه ولا فيه شيمه
هذا وانا ذكرى السنين اتعبتني = جاريتها رغم الضغوط الأليمه

14/7/1428هـ
خليل المطيري - حسام الشعر

...............

...


تصوير راائع للمعاناة

صورت فأبدعت




سلمت يداك الحسام



كلك ذوق


...

بسم الله الرحمن الرحيم

الوافي

السلام عليكم ورحمة الله وبركاته

مرحبا مليار
والف شكر على حضورك
اسعدني مرووووورك يالغالي
والله يعطيك الصحه والعااااااافيه
وهذا من ذووووووووقك لا عدمتك



أخـــــوك
حسام الشعر

تصوير راائع للمعاناة

صورت فأبدعت




سلمت يداك الحسام



كلك ذوق

اقتباس من شخص وافي

كلمات رائعه


من كاتب اروع


يسلووووووو خييوو

..

يمه وشوفي كيف بقعاء احضنتنـي
............................. بدل حنانك ذقـت غـل وحميمـه

قمة الحزن والمعاناه

صح لسانك مليون ولا يسدون ابو إبراهيم

..

بسم الله الرحمن الرحيم

محمد الفارس

السلام عليكم ورحمة الله وبركاته


يا هلا وغلا فيك
والف الف شكر على حضورك وتشريفك
اسعدني مروووووووورك وردك الراااااااقي
وصح الله بدنك اخي الغاااااااااااااااالي
والذوووووووووق ذووووووووووقك

بارك الله فيك وفي جهووووودك


اخوك
حسام الشعر

ليس جديدا على حسام الشعر

هذا الاحساس المرهف

تظل كبيرا باحساسك ....وعذب بمشاعرك مع الجميع

تقبل احترامي أخي

صح لسانك ولاهان شانك ..

الرااائع .. ابو ابراهيم ..

مبدع دااااااائم

صح لسانك

وتسلم يمناااك
.
.
.