25 / 10 / 2003, 30 : 11 PM
|
#1
|
وئامي جديد
|
|
|
|
|
|
|
|
شكراً: 0
تم شكره 0 مرة في 0 مشاركة
|
|
![افتراضي](images/icons/deficon1.gif)
انواع الرياييل
سلام عليكم.....
اقرو هالموضوع واتمنى ان يعجبكم وعلشان تعرفون الرياييل زين بس اتمنى ان لا ياخذ احد الاخوان المو ضوع جد لا نها كلها كلام صح والا انا غلطانه؟
الريال الحلو ... مغرور
الريال الحلو والمتواضع ... وقح
الريال المتواضع والذرب ... جيكر
الريال الحلو والمتواضع والذرب ... تروفه (مائع)
الريال الحلو المتواضع والذرب وال"مو تروفه"... متزوج
الريال الحلو والمتواضع والذرب والمو تروفه والعازب .. مفلس
الريال المفلس ... سيارته سكراب
الريال المفلس وسيارته مو سكراب "كشخه" ... يدفع الصاحبه قيمه البنزين وخطه جواله دايما مقطوع
الريال الغني ... كبير ومكرش
الريال الغني وشكله اوكي ... حسباله ان البنت طمعانه فيه
الريال الغني وشكله اوكي وحسباله ان البنت تحبه لشخصه ... غبي
الريال الغني والحلو ويدور بنت الحلال ... وايد رومانسي وسوالفه تافهه
الريال الغني وشكله اوكي ويدور وحده يحبها وسوالفه مو تافهه ... عمره ما يصارح اهله بحبه ( ما يخطب !!!)
الريال ميسور الحال وشكله اوكي ويدور بنت الحلال ومو تافه ومستعد يصارح اهله بحبه ... وقت الجد حبيبته تخون فيه
الريال الطيب وميسور الحال وحلو وخووووووووش ريال ويدور بنت الحلال ومستعد يسوي اي شي عشانها ... " ما اعتقد انه فيه من هالنوعيه" مقرووود وما يلقى بنت الحلال هاذي
الريال الحلو والغني ويدور بنت الحلال وكل شي اوكي ... مايخلي وحده ما يخزها
الريال الحلو والغني ويدور بنت الحلال وكل شي فيه اوكي وما يخز ... لا تعبين روحج لانه مرتبط ويحب
الريال الحلو والغني وما يخز ولا مرتبط ... عمره ما يدور على بنت الحلال
بروحه (هاد الشغله هاذي حق الوالده) الله يطول بعمرها
الريال الحلو وكل المواصفات فيه فل اوبشن ويدور بنت الحلال ولقاها خلاص .... عمره ما يصارحها بحبه
عموما اذا وحده فيكم لقت واحد يحب من صجه حزتها اقول هاذي نهايه العالم، اخر واحد حب قيس " لا وسموه مينون مسكين !!!" لان الحب بالنسبه للرجل قمه الجنون
وعموما مافي ريال ياخذ البنت اللي يتمناها ولكن ياخذ البنت اللي يستحقها
|
|
|
|
|