أنت غير مسجل في منتديات الوئام . للتسجيل الرجاء إضغط هنـا

 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتديات الترفيهية >  ||ترفيه وَمسآبقآت

 ||ترفيه وَمسآبقآت مَرَح ، تسلية ، مسابقات ، فعاليات .. الخ

إضافة رد
 
أدوات الموضوع
قديم 22 / 10 / 2002, 22 : 10 AM   #1
الرجل القاسي 
وئامي دائم

 


+ رقم العضوية » 3502
+ تاريخ التسجيل » 15 / 09 / 2002

+ الجنسْ »

+ الإقآمـہ »

+ مَجموع المشَارگات » 61
+ معَدل التقييمْ » 10
شكراً: 0
تم شكره 0 مرة في 0 مشاركة

الرجل القاسي غير متواجد حالياً

افتراضي المسلسل المكسيكي سوير ونوره وحصيصه

المسلسل المكسيكي سوير ونوره وحصيصه
ياااااااااااااااحبكم للعروس
واذا جاء الصيف عزالله اللي عنده ثلاث بنات راح فيها ..انتهى ..اعتبروه في عداد الموتى بتروح العرس يعني بتروح
ليش اكبر البنات همهم في العرس وش ببلبس وين المصمم اللي صمم لحصه في زواج بنت عمها نوير العام وين محله ؟؟
ووووووع عشاهم مو حلوه
ياااااااشين السرج على البقر شفتي فستانها ؟؟ من وين جايبته
حتى الكراسي والصاله حقتهم مو حلوه ؟
شفتي امها ماقامت من مكانها ولا سوت شي
اسئله واااجد تدور ببالي وبال الاف غير من الشباب ليييييييييش اللقافه يالبنات ليش التبذير ليش النميمه انا بقول اللي بخاطري واتحاداكم تردون علي بغير اللي بقوله
ابطال المسلسل المكسيكي المدبلج
ابطال المسلسل :. هم
واحد: حصيصه..... يجيب الله مطر
ثنين: نوره..... وقفني ان كنت مستعجل
ثلاثه : سوير وامها مرزوقه خخخخخخخخ حلوه مرزوقه اكيد خاله
قرب عرس بنت عمة حصيصه ونوره اختها والمسكين ابوهم موظف عادي دخله محدود ماعليه خلاف يسد بيته ويكفيه بس المقاريد اللي عنده جايبين العيد فيه ومنسينه اسمه حتى مره راح البنده يبي يشتري اغراض قالو له عب هالكوبون مسكين من اللي هو فيه كتب اسم جاره نسى مسكين وفاز جاره بغساله بالكهرباء واهدي تحياتي لماما في طنطا وخلتي سميه في امبابا والسويس وعمي وعمتي وقدي وقدتي اااااااااسف طلعت غصب عني
المهم قرب العرس باقي شهرين يعني فتره قويه على ناس معزومين لعنبو تقول بكره
حصيصه تكلم ابوها يبه ابي فلوس بفصل فستان حق عرس بنت عمي مامداه يقول انشالله الا نوير متقفيته ا يبيه ابي فستان زي اختي ... طيب هو وافق الحين عطي الحر فرصه خليه يجاوب وانشبي بحلقه
ماله حيله المسكين قال انشالله على ايش؟؟ على فستانين بس وهو بباله انها الواحد لو طااااااار ووصل حده ب500 هذا مقدوره وبعد بتفكيره انها غاليه بس العنطزه مايخلونها
راحو بيفصلون فساتين ماعجبهم الموديل قالو بروح نشوف جاهز ابرك دخلوووو الراشد ماعليهم كاشخات والنقاب مافيه احلى منه والظل فوق العين ؟؟ انا مدري ليش متمكيجين وعليهم نقاب مايصير مو حلو ماله فايده بس يالله تعرفون لازم يخلص المكياج ولا ماله طعم تخليه على الكومادينو بس كذا معصيييييييييي مايصير مستحيل.. ابد ابد
خشو على ابوهم وهم فاكين خشتهم الى الاخير : فاكين خشتهم يعني يضحكون ) للي مايفهم صيني
يبه خلالالاص ماراح نفصل لقينا جاهز ابرك واحسن من التفصيل
الابو طبعا اسفهل وانبسط قال الحمد لله وفرت الخمسميه الثانيه الحين
شوووووووووووووووي انقلب وجه الابو نسيت اقولكم اسمه هذا اللي سمعته من راوي القصه انا اسم ابوهم طلع عنبر..طالعو وش جاء عنبر المسكين تبلعم صاعقه.. بركان.. انفجر.. بعير برك عليه .. مدري وش جاه الرجال ماعاد هو بخير شكله مصدووووم تقول قطو مدعووووس ماغير فاتح عيونه ويهذري هههههههههههه اه يالمسكين وش قال قال وفرة 500 ااااااااايه احترني بلاك انت ثوب بميه ويخب عليك ولالالا بعد كل سنه واحد
حصيصه ونوير بشروه بالفساتين وقالو له الواحد بثلاثه الاف بس يبه ويهبل وشزينه وش حلووووه الله يخليك يبه تكفا
اي تكفا انتو خليتو فيها تكفا الرجال طاح منصفر عليه منصفق طبعا
هذا اللي يصير دايما في العروس الرجال يبي يتجمل مع الناس ويعطيهم عينيه علشان يقولون والله فلان تراه عان بمبلغ وقدره ويمدحون فيه وفي جماعته والحريم الزم ماعليهم الفساتين ووين الصاله وباي فندق وش عشاهم ومن بيجي وباي سياره بنروح واخر شي بعدد كل هذا يبدا الحش
الحش: هو نوع مايوجد الا بالخليج وهو بدون لون ولا ريحه بس يرفع الضغط وبدونه الجلسه ماتحلى بس لاتفهمون غلط هو مو مكسرات ولا حب
وتعال شوف وش يصير داخل هالصاله فلانه وراه قامت ترقص اللي ماتستحي اهل العروس والمعرس مايقربون لها والله مايستحون وش فيها .ولا الثانيه شوفي شوفي ماتركت الجوال من يوم مادخلت . هذي الطاوله رقم سبعطعش جنوب طاولة ام صويلح ..هذيك شوفيها
شوف الطاوله رقم اربعطعش غرب طالوة ام محسن وش يقولون
الحين وش فيها هذي تناظرنا وش فيها شايفه نفسها شوفي الفستان اللي عليها لبسته قبل شهر في عرس ام تركي ياللي ماتستحي جايه فيه بعد
تعالي ليش ماسلمت علينا فلانه تغيرت يعني علشان خذت الغني تراها كانت حافيه ومنتفه هههههههههههه والله مشكله
مايتركون احد في حاله هذا عرس ولا محشه انتو جايين تباركون ولا تحشون
ولالالالالا اذا جاء المعرس وجلس يوووووووووووووه ياهم يقصون فيه قص وعزالله راح فيها لو انه شين هههههههههههههه وحتى لو انه حلو ماسلم
بصراحه المعرس عاااادي وهو احلى منها بس شفتي حبة الخال اللي بصبعه الصغير اليمين ...هههههههههه نصااااااااابه بس تبي تحش والسلام
عندي سؤال ؟ يعني الحول مايسوي عرس؟ ولا يلبس نظاره شمسيه ويسوي عرسه العصر علشان يرقعها المسكين؟؟؟
اعتقد لو سوى عرس والله تعتدل عيونه من كلامك
على العمو انا طلعت حرتي وبس
وهذا راي مايؤخذ فيه وعلى قولتكم مجرد كتابه
تعالو ماتلاحظون اني نسيت ام مرزوووووق ؟؟ بس ماعليه اقولكم طلعت ام مرزوق ذاك اليوم عندها عرس ثاني وانا ماحضلاته يعني ماعندي التفاصيل ادري انها خيانه غيرت الخطه والمسلسل بس ولايهمكم
اعوضكم بوحده احسن منها ام عنبر في المسلسل الجاي


وصلني عن طريق البريد



o_1182@hotmail.com

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الدجاج المكسيكي ملكة الاحساس   ||مَطْبخ الوئآمْ 6 20 / 09 / 2008 56 : 06 AM
منزل من الطراز المكسيكي $$$$ @MeShArY@   مجلس عائلتي 12 11 / 09 / 2007 49 : 09 AM
حياة صويلح وحصيصه...واخوياهم, ايام المدرسه بسمة الضي  ||ترفيه وَمسآبقآت 6 28 / 05 / 2004 11 : 11 AM
المسلسل المكسيكي المدبلج بالسعودية؟ يارا  ||ترفيه وَمسآبقآت 3 02 / 05 / 2003 03 : 02 AM
المسلسل المكسيكي لماذا ياحبيبي لماذا ملـكـة الليل  ||ترفيه وَمسآبقآت 4 08 / 12 / 2001 34 : 03 AM


الساعة الآن 08 : 09 AM بتوقيت السعودية


Powered by vBulletin® Copyright ©2000 - 2021, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]