1 / اول شيء يابو الكباتن تترك عنك الردود الي مالها سنع يعني اذا واحد من الأعضاء من زملائك ودة ينكت لا تكسر مجاديفة وتقول ان النكتة بايخة وقد سمعتها من قبل ما يحفرون البحر جاملة مسكين ودة يشارك زملاة وقل حلوة منك ياكابتن
2/ انتبة وانا اخوك تلطش موضوع احد حتى وان عجبك لأنك بتنكشف طال الزمان والا قصر وبعدها الأعضاء الي كانو يمدحون الي في بالهم كتاباتك تراهم بيفقعون وجهك ويمسحون بكرامتك حوش المنتدى وينشرون اسمك فوق السطح مع حبل الغسيل
3/ حاول بقد الأمكان انك ما تجرح احد معروف ان المنتدى يظم مجموعة من كل الأعمار والجنسيات والثقافات خل ردك موزون واعطي كل واحد على قد حجمة
4/ لا تحاول تحتك بالمشرفين او المراقبين يعني قدر وضعهم كل يوم وهو ماسك ها المقص ويخشخش بين المواضيع تقول ( خياط ) يعني مساكين لا رواتب ولا حوافز ولا أجازات وفوق هذا كلة ما احد يقدر تعبهم الا القليل فأنت لا ترهقهم والله مادري كيف جات ذي الكلمة المهم لا ترهقهم بطلباتك وتطيح فيه تسؤلات وشكاوي
5/ بنات المنتدى تراهم بحسبة اخواتك بالبيت يعني ماهو بشرط وحدة اعجبها موضوع لك تروح اليوم الثاني تحط طيب ( عطر ) وانت تكتب موضوعك والا تتميلح وترز بريدك الأكتروني لها في بالك شيء وهي المسكينة ما سوت غير انها مدحت موضوعك والا والله لتمرمط بكرامة أي واحد يحاول يجرح كرامتها وحنا كلنا بنوقف معها
6/ ابعد ياحبيبي عن السياسة احنا شعب نبي ناكل ونسولف بها المنتديات وننكت اما السياسة خلها فية ناس مسوين فيها غربت شوف وكلنتون وتلاقية ساقط في سادسة وما يعرف كوعة من بوعة وانت خذها من قاصرها وخل السياسة لهم