قال الوداع... وقلت لحظه على وين؟؟!

بسم الله الرحمن الرحيم



السلام عليكم ورحمة الله

جيت المطار ودمعتي تكسي العيـن
وهمي تزاحم بيـن عـوج الحنايـا

ضاقت علي فجوج وارض و ميادين
بساعة فـراقٍ ذقـت فيهـا عنايـا

يوم إن غيري في حراء ناس غالين
انا اوادع من سكـن فـي حشايـا

للي خذا قلبي و فكري من سنيـن
وسقت الغلا يمَـه سرايـا سرايـا

ودوَنت انا وياه عهـد ومضاميـن
علـى المحبـه وأتضـاح النوايـا

غلاه فيني مستقر في البطينيـن !
في داخلـي حبـه تكَـون خلايـا !

صرنا جسد واحد سكن فيه روحين
غلاااا سيامي فاق كـل المزايـا !!

وضربت انا وياه روعـة مثاليـن
هو الغـلا و انـا مثالـي و فايـا

في شوفته عيني تشوف البساتيـن
واشوف ما يسقي عناي و ظمايـا

وان راح عني عشت وضع اليتيمين
اللي سكنهم صـار دار الرعايـا !

غـلاه كفَـه راجحـه بالموازيـن
ابيع ناسـي بـس يبقـى معايـا !

قَرب وداعه غايتي عصر الاثنيـن
ودمـوع عينـي بيَحـن الخفـايـا

أحس في قلبي من اللـوع ناريـن
نار الفـراق اللـي كوتنـي كوايـا

حاولت اخفي دمعتي بيـن جفنيـن
لين لمحت عينـي دموعـه جرايـا

قال الوداع وقلت لحظه على وين؟؟!
من أرتباكي ضاع قاسـي قوايـا !!

قال احفظي لعهودنا اليـوم تكفيـن
جاوبت هـذا مايبـي لـه وصايـا

وقال اعرفي انك على طول تبقيـن
وسط الفؤاد وغيـر كـل الصبايـا

ونادى المنادي موعد الرحله الحين
وقفَا وانـا وصلـت لأخـر مدايـا

ماكنت أصدق ويل فرقـا المحبيـن
ليما ان قلبي صار ضمن الضحايا !!

سافر حبيبي والله فـبعـده يعيـن
ومهما يطول البعـد يبقـى غلايـا

ومهما تطول ايام وشهور وسنيـن
يبقى الوحيد اللي سكن في الحنايا!!


صح لسان شاعرتها......

انشاء الله تعجبكم
تحياتي لكم..]

مخاوي القمرى







الله يمسيك بالخير والرضاء والعافيه




قصيده جدآ في قمة الروعه وتحكي جمال القصه الحزينه


بس مدري هي الشاعره




تحياتي

.


صح لسان شاعرتها
وسلمت يداك
أختيار رائع
وذوق أروع

...



تحياتي وتقديري

أخوي الغالي البداح

الله يمسيك بالحب والرضـــا والصحة

أشكر لك مرورك

والله الشاعره مجهوله ولو عرفتها قلتها لك في وقت لاحق


تحياتي أخوي

صح لسانها .. وااافيه وااافيه

اختيار ومنقول رائع

سلمت يداك

أخوي طارق أشكر لك مرورك

وأشكرك على هذي المعلومة


ولك مني أجمل تحيه

مخاوي القمري
هلا ورحب فيك
إختيار راقي ومن ذوق راقي ومميز بلا شك
قصيدة راااائعه كما هي روعة نا قلها في جميل أختياره وجزالته
القصيدة على ما أعتقد
لشاعرة تكتب قصائدها تحت إسم مستعار
وهي ( النادره )
وهذا رابط لتلك القصيدة دون فيها الناقل أسم ( النادرة ) تحت القصيدة
http://www.alzaker.com/vb/showthread.php?t=6387
صح لسان الشاعره وسلمت يمناك أخوي على ذوقك الراقي
لاعدمناك وبيض الله وجهك
وتقبل مني كل الود والتقدير

تسلم يمناك .. مخاوي القمري ..
.




.

أخي الغالي عازف النـــــاي

أشكرك لك مرورك وتعليقك وتشريفك

وكما أشكرك على هذه المعلومة




.. وتقبل مني أجمل وأرق التحـــيا ..

ســـــــــــــــديم

أشكرك لك مرورك وتصفيقك الحلو بس باين يدينك مو موزونه


وتقبلي تحياتي