شاعر الاسبوع .. الامير .. بدر بن عبدالمحسن ..

هب النسيم بريح من مفرقه لاح = عطر.. وسنى من غزة الليل بادي
ما عاتبه موضى جبينه ولا شاح = أعطاه خده .. وانتشى بالبرادي
لا يا نسيم الليل قلب الخطا باح = والعين ملت جفنها من سهادى
يا ليتني مثلك خلي ومرتاح = ما أحد نشد عن غايتي .. عن مرادي
ولا طاب لي غصن من الغى مياح = أروي غليل القلب لا صار صادي
لا شك أنا بالحب كتبت لي جراح = شربي حزين الدمع .. والصبر زادي
لا جيت أبا أدله عن زماني الذي راح = قالت ليالي الشوق00وين أنت غادي

ناقش الحنا على الكف الحزين ..

ناثرٍ شعره على شمس الجبين

والعيون السود ذبح العاشقين

انا دخيل الله .. وانا الجريح والله

لا تناظرني بجفا لا .. لا

يا حسين الوصف .. وش ذنب القلوب ..

ما تعرف العطف يالقاسي اللعوب

علّ ماجا منك تكفير الذنوب

انا دخيل الله .. وانا الجريح والله

لا تناظرني بجفا لا .. لا

زاهيٍ بالورد .. خدك يافتون

والعطر دمي .. من رماح العيون

احترق قلبي مثل عود الدخون

انا دخيل الله .. وانا الجريح والله

لا تناظرني بجفا لا .. لا

يا اللي جبين الصبح من مفرقك لاح = ليتك تركت الليل يملأ سمايه
كان الهنا ما جا حياتي ولا راح = ولا فقدت اليوم نورك هنايه
جرحتني يامداوي الجرح بجراح = وأنا أحسب إنك صادقٍ في دوايه
وكانك على جرح المحبين ترتاح = إرتح قطعت اليوم تالي رجايه
وابشر ترى روحي نست كل الأفراح = وتهدّمت تبكي عذابي معايه
جرحتني يا مالك الروح برماح = صدك عسى يرضيك مني شقايه

سقى الله موعدك يا زين ..

سقى الله موعد الاحباب

سحابٍ ماهمى من عين .. ولا جادت به الاحزان

سحابٍ ماطرٍ هتان .. سقى الله في العمر ليله ..

ظهر في صفوها بدرين .. قمرها .. ووجهك الفتان

الا ليت الفجر .. ما بان ..

ترى فرقى الأحبه شين

سهرنا والهوى واحد .. وصرنا والفراق إثنين

حبيبي قلبي اللي كان .. وفينا والزمن خوان

صبرنا والسؤال سنين ..

سقا الله روض خلاني .. رحلت وما رحلتوا بعين

ولا روحٍ .. ولا وجدان ..

نسيتوا بداركم إنسان .. نسيتوا وما نساني البين

ذكرتك كانت ضلوعي خشب أثل وحشاي دروب = وقلبي غرفةٍ من طين تهاوى سقفها الدافي
ومن شح الدمع غنيت لك مرثبة الدغلوب = وطفلٍ للمطر يجري على الصخر الخشن حافي
نخياي أخلفت وعد الصرام وظلها المسكوب = على كبدي طويته يا الهجير الظالم الجافي
وأنا لومات غرسي منظما مالي عن المكتوب = عذابي اني سقيته وارتوى من قلبي الصافي
وإلى خان الشجر والطين لا تشره على المحبوب = زرعت ولا جنيت بها الزمن لي صاحب وافي
ندهني للرحيل من الشعيب المسني المذروب = إلى مني رقيته بان لي سهبان وشعافي
وذكرتك ما بقالي في السما لو لحظتين غروب = ولا لي في الثرى كود الذي برميه أنا خلافي
بعض طيني شهاب اثلي ودلوٍ يابسٍ مثقوب = يخر الرمل في جوف القليب ويظهر السافي
جريد اللي ذبل وإلا هوى أو هو موات قلوب = نويت أشد من دار العطش واعيش فـ اطرافي

ليتي معك دايم .. روحي فـ هواك هايم

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..

ومالي فـ هواك لايم .. ليتي معك دايم

ليتي معك خطوة .. تمشي لهواك دروب

ونسمة هوى حلوه .. تحيّي الأمل فـ قلوب

ليتي معك وارتاح .. وانسى الضنى اللي راح

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..

آه .. من الهوى والليل .. فـ عيونك السودا

غربه ومالي دليل .. والخطوه معدودة

والله الزمان غلاب .. والبسمه محسوده

ونور الأمل كذاب .. والراحه مفقوده

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..

عطني فـهواك الصبر لاصرت قاسي = تبدي حنان وداخل القلب جبّار
لا صار قلبك خالي الحس ناسي = وتلعب على المشتاق بوعود واعذار
ولا صار فيك من الأمل كثر ياسي = وعندك يقين وتارك القلب محتار
لا من نسيت اولي نويت التناسي = اترك وراك لباكي العين تذكار
اشرب معاه الوهم لا جف كاسي = و لا ما حصل شوفك أضمك بالأفكار
يا حارمٍ عيني لذيذ النعاسي = ومعذبٍ روحي بجنّتك والنّار

فاتر اللحظ .. ياعذب اللمى ..

يا قريب الدار.. يا بعد السما ..

لوجرحت الروح .. لودمعي همى

يا ظما المجروح .. ما بعدك ظما

في هجير الشوق .. ظللني بهدب

من عذاب الجرح .. داويني بعتب

اسقيني منك .. رضى والا غضب ..

لوجرحت الروح .. لودمعي همى

يا ضما المجروح .. ما بعدك ظما

يا غريب الدرب .. واشواقك سفر

العنا في القلب .. والشكوى نظر

يا قمر بانشدك .. عن نور القمر

لوجرحت الروح .. لودمعي همى

يا ظما المجروح .. ما بعدك ظما

يا سواد العين .. والدمعه شجن

لا يصير العمر .. للفرقى ثمن

الدقايق .. شمع .. ذوبها الزمن

لوجرحت الروح .. لودمعي همى

يا ظما المجروح .. ما بعدك ظما

كل ما دعاني الشوق للقلب الأول = القى مكان القلب في الصدر تنهيد
وطيوف ذكرى في الحنايا تجول = تجمع صور وأوراق من باقي العيد
مدري سبقني الوقت والا تحول = أخلف ربيعي وادهرن المواعيد
أو هو الصبا ..نجمٍ رقى ثم حول = غاب وسما وجهي مشيب وتجاعيد
أحبابنا ليت الذي راح طول =وليت الذي باقي لما فات تجديد
انتم مثل قلبٍ عرفته امنول = وأصبح مكان القلب في الصدر تنهيد

نامت عيونك

وصحى الليل مظنونك أغاني

قصّت جناح الثواني غيبتك

وصارت الساعة أماني




وآهـ ..آهـ

أنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد .. نامت عيونك




إسهر معي ليلة

حاول تحس بلوعتي ليلة

عد النجوم وش كثرها.. ياللي بقلبي كثرها

نام .. القمر فـ وسادتك نام

ليتك تغير عادتك

خل القمر ليله.. يسهر معي ليله





أنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد.. نامت عيونك





يا ساحر البسمه .. أساهرك نجمه

وابسمعك كلمه .. كلمه و لو كلمه

قم نادني .. يالله عسى تحتاجني

وإن مر ليلي ما سألت

وإن زاد ظلمك ما عدلت





آهـ.. آهـ

أنا حروفي في غيابك

لا هي حكي ولا هي قصيد

أكتب الظلما وأعيد

وإنت ياالفجر البعيد.. نامت عيونك