اما شكلك حقنه فلها عده تفاسير اتمنى من الي قال الكلمه يفسر وش كان يقصد بها
لكن سادس ليلى
عندنا في السعوديه الي يفشل في المدرسه ويكبر سنه وهو ما درس او عنده ظروف تمنعه من الدراسه في المدارس الصباحيه
يعطى فرصه للدراسه مساءْ وفي الليل
سادس هذي مرحله من المراحل الدراسيه الابتدائيه
ومن المعروف عندنا ان المدارس الليليه حقت الفاشلين,, والشباب في المسابقه الي هنا في الاستراحه صاروا من الفاشلين فأطلقت عليهم
(طلاب سادس ليلي) اتمنى تكون وصلت المعلومه
قلت ابدا مايصير أمواج المحيط تزعل .. لا لا لايمكن الا اذا هي ماتحب المزح .. عموما انا ماراح امزح معها ابدا اذا هالشي يزعلها .
وانا اقدم اعتذاري امام الكل اذا انا اخطيت سواء لها او لغيرها
وانا آسف جدا ... واقرأي ماسأكتب .... بسعة صدر :D
بالنسبه لكلمة حقنه فالاخت يارا ( بنت جيراننا ) ماقصرت
أعطتك المعنى المختصر ..... وعلى العموم أنا أيضا قلت أمزح في ردي اللي ذكرتيه
يعني كلام مزوح يجي ويروح .. ولاتزعلي الكل هنا يعرف طارق ومزوحه الثقيله --------> ياثقل دمك ياطارق
واذا تبين المعنى بالتفصيل الممل لكلمة حقنه .. ولا يهمك بس وسعي صدرك
وهذا التفصيل :
هذا طال عمرك يوم كان فيه واحد يرعى غنم وكان ساكن في ارض فضاء وكان جاره مزارع ..
وكان المزارع دايما يشتكي من صاحبنا راعي الغنم وان غنمه كل يوم تدخل المزرعه وتأكل محاصيله
والاخ راعي الغنم مطنش .. والمزارع يكرر الشكوى .. والاخ راعي الغنم مطنش .. والمزارع يكرر الشكوى .. وراعي الغنم مطنش .... المهم انزعج صاحب الغنم من المزارع ومن كثر شكاويه .. مع ان عليه الحق .
والمزارع انزعج كذلك من أغنام الراعي فأصبحت المشكله مشكله ...
المهم كان الحل بسيط بس والله نسيت ايش كان الحل ... ماعلينا من هالقصه
خلينا في كلمة حقنه ... :D
هذي طال عمرك معناها .............................
آآآآآآآآآآآه تذكرت ايش كان الحل ...
المزارع راح واشترى ذئب وحطه بالمزرعه وصار كل يوم يأكل واحده من الغنم من أغنام الراعي ..... :D:D فكره ذكيه اعجبني هذا المزارع ..
المهم فانعكست الايه وصار راعي الغنم يشتكي على المزارع بأن غنمه اذا دخلت في مزرعتك تنقص ... والمزارع مطنش ... وراعي الغنم يكرر الشكوى ... والمزارع مطنش .... والراعي يكرر الشكوى .. والمزارع مطنش .... :D
المهم في الاخير خلصت الغنم .... انتهت القصه
وش استفدنا من هالكلام ........... أنا اقولك ... هذا الله يسلمك اللي استفاد الذئب بس .. أما الباقين مانفعهم عنادهم مع بعض .. وعدم محافظتهم على حقوق الآخرين .
وعموما أنا أشكرك إنك ماطنشتي وفي خاطرك شيئ ... وأنا ما راح اطنشك لأني ما احب احد يزعل مني ...
والله ثم والله ثم والله ماقصدت من كلامي سوى المزح لا اقل ولا اكثر ... والكل هنا يعرف اني دائما امزح معهم .. حتى اسألي بنت البحرين .... :D صح يابنت والا لا :D
وعموما كلمة حقنه احنا نقولها للشخص اللي يكرر الطلب عدة مرات بشكل مزعج ... وحاشاك من الازعاج .. هذا منتدى الجميع ولك الحق بكتابة ماتريدين كتابته ... لكن حسيت من الموضوعين اللي نزلتيهم بانك متضايقه شوي من عدم التفاعل معك او قلت الردود ...
وحبيت اني اضيف كلمتين مزح ... بس يبدو أني أخطأت التعامل معك.. فأنا أكرر أسفي واعتذاري اذا كان كلامي جرحك او أساء اليك أو حتى ازعجك ..
هنا مايخص كلمة سادس ليلي .... كله منك ياأردينا :D:D
هذي قصتها قصه ..
فيه موضوع في منتدى الاصدقاء اسمه ( مسابقه بين الصبايا والصبيان ) فكرته يطرح سؤال ويتم حله من قبل اما البنات او الشباب واللي يجاوب عليه يسجل لفريقه ثلاث درجات ..
وطبعا ولسوء الاحوال الجويه :D أقصد سوء الحظ فريق الشباب ماأجاب على شي من الاسئله ..
وافشيلتاااااااااااااااااه :D ............. الله يفشل سادس ليلي :D
طبعا البنات أخذوها على الشباب بأنهم سادس ليلي لقلة ثقافتهم العامه وعدم حل الاسئله ..... فشررررررررررر :D
طبعا هذا الكلام غير صحيح بنووووووووووووووووووب :D:D الله ياخذ بليسك ياأردينا .. شفتي وين وصلتنا سادس ليلي :D
على فكره ترا انا مو معهم ..... أنا جامعه ليلي :D
فلما أنت يا أمواج المحيط قلتي في أحد ردودك على أحد المواضيع وكررتي بانك مو فاهمه .. أريد توضيح أكثر ....... من باب المزح ضميتك مع قائمة الشباب ( سادس ليلي ) ..
ويمكن لاحظتي هالشعار ( منحشات سادس ليلي ) في تواقيع الاخت أردينا والأخت لولوة الغامدي .... مادري كيف اتفقوا علينا .. :D
وهم استخدموه من باب المزح والتعليق على الشباب لعدم الاجابه على أسئلة المسابقه .
شكرا طارق..اسفه لطلب التفصيل..لكن بصراحه الكلمتين
مافهمت معناها من البدايه..وبالنسبه للمزح عادي لي في
الحد المشروع.........وشكرا على الحلاوه...قلبت راسي