يــــــــــــــــــــازين العرس

عيديتي لكم
طبعا هذا منلوج
يدعو الى الزواج ... واي واحد يقراه وهو يستطيع
الزواج او يفكر فيه من بكره يروح قدم شايبه
ويقعد يلمح له لعل وعسى ان يكون يعرف مثل ابو سعد وبنته

قالوا تزوّج واكثر الهم ينزاح = وتصير بعد العرس رايق ومسرور
تلقى السعاده والوناسه والارباح = بنت الحلال الها على راحتك دور
صدقت هالمفهوم والقلب مرتاح = اهم شي (البنت) والمهر مقدور
وقعدت اخطط كيف تحقيق الاطماح = والعبد باذن الله منهي ومأ مور
عند الشويّب قمت المّح تلمّاح = واقول يابويه ترى العرس مذكور
القصد واضح مايبي مني ايضاح = وانته خبير وعارف ٍ كل مستور
قال انتبه فالعرس ماتصلح امزاح = ان كنت صادق فــ اجعل الهرج مقصور
زوجتك عندي جاهزه والنكد راح = ابو سعد رجال بالطيب مشهور
عنده ابنيّه خدها بارق ٍ لاح = كن القمر من نورها ياخذ النور
فيها الجمال وكل مايعني اصلاح = ماكنّها الا في حلاها من الحور
اخذت رايه وانطلقنا بمسراح = و سمعت منه الشور ياحي هالشور
جينا لبيته مع تباشير الاصباح = بيت ٍ على فعل المواجيب معمور
نبي نخطب اللي لها سدنا باح = ونبغا الاجابه من ابوها على الفور
جتنا الاجابه تم واعلنت الافراح = وانا من اول من عنا الوقت مقهور
والحظ عزّه قام من بعد ماطاح = وكنت احسب انه يقضي العمر معثور
هذي حقيقه مابها كذب وامزاح= اثر الزواج يخلي الرجل مسرور

يارب تطلع عندكم

استاااااذي

الرااائع ابو منذر

(وين اللي يوم قلت لهم العلم ما صدقوووني)

رااااائع اخي الحبيب

تمكن وحرفنة لا يجيدها الا العمالقة


وما داااام إن العرس زين يابو منذر

وتنصحنا فيه

ابزين علاقتي مع جارٍ لي

واتوكل على الله
.
.

الله لا يحرمنا منك

لك مني كل الحب

الله الله يالسيف

وصح لسانك يابو منذر

بس اخاف يشوتني شيبان هالزمن اهم شي نفسه وهو مادرى عنك

لا هنت

هـذي حقيقـه مابهـا كـذب وامـزاح اثر الـزواج يخلـي الرجـل مسـرور
ياعيني عليك يابو منذر

صراحه اجمل ماقريت لك

صحيح لك شي زين بس هذي

تعتبر توب

يسلمك ربي

وصح لسانك

يابو الابداع

شكلك رايق على الاخر

بكل الووود


0
0
0

الله الله

روووعه بس ترى للزواج الأول

يعني راحت عليكم



يعطيك العافيه ابو منذر


0
0
0
تحيااااااااتي

حسن المحمدي]

استاااااذي

الرااائع ابو منذر

(وين اللي يوم قلت لهم العلم ما صدقوووني)

منهـــم بس ذولي اللي ماصدقوك؟
... خلني اغسل شراعهم

رااااائع اخي الحبيب

تمكن وحرفنة لا يجيدها الا العمالقة


وما داااام إن العرس زين يابو منذر

وتنصحنا فيه

ابزين علاقتي مع جارٍ لي

واتوكل على الله
.
.

الله لا يحرمنا منك

لك مني كل الحب

هلا وغلا فيك يابو رهف
نورت الصفحه بحضورك وعطرتها حروفك
ومثل ماقلت وانا اخوك رح زيّن علاقتك مع الجار ودسم شاربه
لوووووووووووووووووووول..
لكن ترى هالقصيده مشجعه للعزاب فقط
مثل ماقالت الجوري
ماهيب لنا يالمتزوجين ولو ان العرس كله زيــــــــــــــــن

صبي العشه:
الله الله يالسيف

وصح لسانك يابو منذر

بس اخاف يشوتني شيبان هالزمن اهم شي نفسه وهو مادرى عنك

لا هنت..

صح بدنك ياغالي ياصبي العشّه
سعيد للغايه بهذا التواجد المحبوب..
هههههههههههههههههه ضحكتني شيبان هالزمن..
يارجال انت خلك دبلوماسي واعرف كيف تطرح اللي في راس الشايب
تحياتي لك

السلام عليكم ورحمة الله وبركاته
وصلاة وسلام على اشرف خلق الله
محمد بن عبد الله وعلى آله وصحبه وسلم ومن والآه
بسم الله الرحمن الرحيم

صصصصصصح السانك أبو منذ ولا هنت..

عـنـد الشـويّـب قـمـت الـمّــح تـلـمّـاح= واقــول يابـويـه تــرى الـعـرس مـذكـور
القـصـد واضــح مايـبـي مـنـي ايـضــاح= وانـتـه خبـيـر وعــارف ٍ كــل مـسـتـور
قــال انتـبـه فالـعـرس ماتصـلـح امــزاح =ان كنت صادق ف اجعل الهرج مقصور
زوجـتـك عـنـدي جـاهـزه والـنـكـد راح= ابــو سـعـد رجــال بالطـيـب مـشـهـور.

وقفت في نقل المشهد .....

سلمت ولا عدمناك...

زهرة بنفسج.

لاااا بالله الا مشجّعه للعزّاب والمتزوجين بعد هههههههههه

والعرس زين كله

يا حلالاه يالسيف هههههههههه

صح لسانك مليون

رائعه رائعه ولا غرابه دامها من عندك لاهنت

الحمدلله على السلامه .. ابو منذر
صح لسانك وتسلم يمناك ..


صحيح ان العرس يخلي الرجل مسرور
بس وين اللي يقدر .. البعض لاعرس انحلت سبايكه


.







.