مع كل دمعه تذكر رعشة يديني ** ومع كل ضحكه تذكر قلبي الوافي

من عز نومي صحيت وشفت في عيني = دمعٍ تهادى على جفني وانا غافي
سترت دمعي بكمي قبل يغريني = و اخذت هذا الجسد من باقي لحافي
وسريت تايه ورى خطوات رجليني = لا الوجه وجهي ولا اوصافي هي اوصافي
امشي و اقول لطريقي لاتوديني = لعيون ناس تبي تدري عن الخافي
امانتك .. خلها مابينك وبيني = خابرك يا درب خوة عمر وسنافي
ماودي الناس تدري وش يبكيني = كرامة النفس ورث ابوي و اسلافي
وحيد والليل بردونه يغطيني = تقول كن البلد روح بها السافي
الين ما اوحيت لي صوتٍ يناديني = صوتٍ اعرفه مثل ما اجهل وش خلافي
قمت اتلفت وانادي لا تخليني = ماغيره .. الصوت هذا صوته الدافي
ولمحت زوله من اقصى الدرب لافيني = مدري وش اقول لكن حي هاالافي
تعال .. شف غيبتك كيف اثرت فيني = تعال.. شفني وانا اغرق عقب مجدافي
تعال .. خذني و رحبي من عناويني = تعبت اعدي على جمرك وانا حافي
تعال .. و اقطف بصوتك زهرة سنيني = كل المواعيد عقبك شمعها طافي
تعال .. و ازرع خصل شعرك بكفيني = بضمها لين احس بليلك الظافي
تعال .. وشفيك خايف ؟ انت ناسيني ؟ = قطعت صوتي عليك وطال ميقافي
حتى بديت اشعر ان الحب معميني = و ان انت حلم عثى فيني وانا غافي
لكن امانه ترى اللي فيني كافيني = ان رحت منك كذا مارحت متعافي
بصدق الحلم واحذر لاتصحيني = في خاطري كلمتين ان قلتها كافي
امانة الله عليك ان غبت عن عيني = لايكون قلبك مثل قلب الزمن جافي
مع كل دمعه تذكر رعشة يديني = ومع كل ضحكه تذكر قلبي الوافي

ياسلاااام ياسلاااام

قصيده فاتنه لـ فهد المساعد

سلمت الأيادي ياسديم

تحيااتي

محمد السبيعي

	المشاركة الأصلية كتبت بواسطة سديم

	وحيد والليل بردونه يغطيني = تقول كن البلد روح بها السافي الين ما اوحيت لي صوتٍ يناديني = صوتٍ اعرفه مثل ما اجهل وش خلافي قمت اتلفت وانادي لا تخليني = ماغيره .. الصوت هذا صوته الدافي ولمحت زوله من اقصى الدرب لافيني = مدري وش اقول لكن حي هاالافي تعال .. شف غيبتك كيف اثرت فيني = تعال.. شفني وانا اغرق عقب مجدافي تعال .. خذني و رحبي من عناويني = تعبت اعدي على جمرك وانا حافي تعال .. و اقطف بصوتك زهرة سنيني = كل المواعيد عقبك شمعها طافي تعال .. و ازرع خصل شعرك بكفيني = بضمها لين احس بليلك الظافي تعال .. وشفيك خايف ؟ انت ناسيني ؟ = قطعت صوتي عليك وطال ميقافي حتى بديت اشعر ان الحب معميني = و ان انت حلم عثى فيني وانا غافي لكن امانه ترى اللي فيني كافيني = ان رحت منك كذا مارحت متعافي بصدق الحلم واحذر لاتصحيني = في خاطري كلمتين ان قلتها كافي

كااااااااااااااااااااااااااااااااااااااااااااااااا اااااافي

الراااائعة سديم

جبتيها على الجرح كعاااادتك

سلمت يدااااك وصح لسان شاعرها

السلام عليكم ورحمة الله وبركاته
الأخت الرااائعه ( سديم )
هلا ومراااحب فيك
إبداع وتألق ورقي من خلال إختياراتك المميزة
تعودنا الإنفراد بالروعه من خلال أختيارك للمشاركة
صح لسان الشاعر
وسلمت يمناك التي أختارت لنا هذه المميزة
لاهنتي ولاعدمناك ولاعدمنا ذوقك الراقي
خالص تقديري وأحترامي؛؛

............

..................

والله مدري منهي له

لكن .. قصيدة جزله وبس

أخت سديم : اختيار ونقل موفق ..

وشكرا

حسن الاختيار لايقل عن حسن الأبداع (سديم) ماتختارين لنا يدل على ذائقة متميزة مشكورة وصح لسان قايلها

يسلمك ربي .. محمد السبيعي ..

شكرا لتواصلك

صح بدنك .. ابو رهف ..

يسلمك ربي

وشكرا لحضورك

وعليكم السلام و رحمة اله وبركاته


يسلمك ربي .. عازف الناي ..

شكرا لحضورك

وشكرا للاطراء

هلابك .. ابو تركي ..

الحمدلله على السلامه

اسعدني حضورك

شكرا لك