معايد الجرح !

لمعايد الجرح الأول ينزف التالي = جرح اللي تقول بتداويه واهملته

والناس بالعيد تسألني عن احوالي = مافيهم اللي درى وش سوت اسألته

وونيني اخفيه في ضحكات الأطفالي = وبداخلي طفل يصرخ للي ثكلته

واقوم يعني اني اكلم بجوالي = واخفي مدامع عيوني لينها اكملته

العيد نقّض جروحٍ ضيقن بالي = وان كان للعيد فرحه فرحه قتلته

والصبر مرِ وشربته علقمه حالي = عسى اني انول لكن شيء مانلته

واللي بقى دمع اهله فوق الأطلالي = في منظرٍ صعب واتعب لا تخيلته

لكن مسموح ياللي خيب آمالي = وخذل لـ قلبي وفيه آماله خذلته

والله ليبقى عزيز ومنزله عالي = ان حل والا رحل هي هي منزلته

وافي وطبع الوفا لو زلت مازالي = والشخص مهما ومهما احسن معاملته

لو يكبر الفعل تصغر ردة افعالي = ولو حز بالنفس ابد بالقلب ماشلته

ودام انت غالي ترى جرحك بعد غالي = ياللي وعدت انك تداويه واهملته

.

.

تخاريف وافي " على طاري العيد "

وافي وطبع الوفا لو زلت مازالي = والشخص مهما ومهما احسن معاملته

عزالله انك واافي

وليت العيد كل يوم ونسمع قصايدك

صح لسانك ياجزل

وعاد عيدك

واااااافي

كل عام وانت الحب ياحبيب البي


وش عاد بقيت يا (مجنون ) لامثالي
............مادام قافك خذا الابداع يا (الفلته )

تتعب ركابي وراك وما يورالي
.............اجيب قطمير مما انت سجلته

مبدع تعسف القوافي عسف ياخالي
.............الشعر قبلك نقص لكن (كملته )

جيتك ومثلك خبير ويعرف احوالي
...............فقير شعر ٍ وهايبكم مجملته

من جود جودك نجود ونرخص الغالي
..................الشعر عندك نهر و حروفنا (قلته)

والله انك بحر وانا شعرنا معك لايعدو عن كونه قلته

والقلته للي مايعرفها عبارة عن تجاويف صخرية تتجمع فيها المياه

تحياتي وحبي وتقديري سيدي

ماشاء الله تبارك الله
بصراحه لنا ميعاد مع الابداع كل عيد ياوافي
ولك من وافي اكبر نصيب ...
بجد ابدعت لاهنت وانت راعي الجزله
شاعر ولا فيك حيله ،تعزف بابداع
بلفظ سهل وتسلسل يجذبك لقرائتها مراراً
ولن تمل من تكراراها ،فهكذا هو الجزل وان ندر
ابدعت يااستاذنا مليوون ولايسدووون
صح لساانك مدد بلا عدد ،ورفع الله قدرك
رااقت لي قصيدتك كثيرا ،فلله در مافاضت به قريحتك...
ثق اننا بانتظار ابدااعك وان طاال ..
داامت ايامك اعياداً وحياتك سعادة
:
وصح لسانك ياشاعرنا حسن
ابدعت ،لاهنت
وبقلتتكم الخير دام طلعت لنا هالحروف ..
دمت بسعاادة

[QUOTE=wafei;917248]

وافي وطبع الوفا لو زلت مازالي = والشخص مهما ومهما احسن معاملته

ودام انت غالي ترى جرحك بعد غالي = ياللي وعدت انك تداويه واهملته

اشهد بالله انك وافي ولك من اسمك نصيب كبير..

واااااافي

جعل ايامك كلها عيد لو عشان نشوف ابداعااتك.

ياخي انت شاعر ومبدع بس مشكلتك تبخل علينا!!!

صح لسانك .

انت راائع وماتكتبه رائع وكلك على بعضك رائع يارائع

وصح لسان شاعرنا حسن المحمدي ابدع وماقصر..



لكم تحيه

أخي وافي انت مبدع صح لسانك وبيض الله وجهك ابيات جدا راائعه

تدل على ذووقك الرااقي وحسك المرهف

سلم بوحك وسلم روحك

ويعطيك العاافيه

...........

...


كل عام وانت بخير يالطرقي



شلونك يابعد حيي ؟




اشكر لك تشريفك واطرائك الرقيق والعذب

والمعذرة تراها تخاريف على طاري العيد " لاتدقق "




شرفت يالأمير


...

وصفت وأبدعت يالوافي في الأقوالي ـــــــــــــــ وأكتشفت كنز البحر والناس جاهلته
وجمعت در البحر من دق وجلالي ــــــــــــــــ والناس عجزت من اولها ما حصلته
تسلم يالوافي وسلم ذوقك الراقي سبك وحبك وقصيده جميله وما تعبر عنه اجمل وصح لسانك وحقق الله امالك ومشكور على كل حال وعيدك مبارك

.............

...

ابو مشاري حسن

ياحبني لك دون كل المخاليق
بس لو الله يتوب عليك من المجاملات

	والله انك بحر وانا شعرنا معك لايعدو عن كونه قلته

والله يابو مشاري
دامك شاعر وناقد وراوي واديب لأ وبعد مدرس لغة عربية ! اجل بالله وش خليت لنا ؟

العين ماتعلا على الحاجب يابو رهف

ولا الومك دامك مدرس اذا شجعت تلميذك بمثل هذه العبارات


اشكرك لردك الرائع وابياتك الجميلة واطرائك الرقيق والعذب
ومجاملتك اللطيفة

شرفت ابو مشاري


...

والله ليبقـى عزيـز ومنزلـه عالـي


ان حل والا رحل هي هـي منزلتـه


وافي وطبع الوفا لو زلـت مازالـي


والشخص مهما ومهما احسن معاملته


لو يكبر الفعـل تصغـر ردة افعالـي


ولو حز بالنفس ابد بالقلـب ماشلتـه


ودام انت غالي ترى جرحك بعد غالي


ياللي وعدت انـك تداويـه واهملتـه

------------------------------

يقال هذه الأيام ويتردد على ألسنة الناس ثوارات الربيع العربي

واما هذه الأيام من ايام عيد الفطر السعيد

فقد تفاجأنا بثورة من نوع آخر انها ثورة الشعر الذي انفجر بقوة رغم

قوة الحجب لأكثر من اعوام ..

لذا يجب علينا أن نعزي وافي ونقول له اجر وعافية ..

لقد انفجرت المشاعر والآهات المكبوته ببراكين دخانها حروف وحممها كلمات .

نعم سوف يبقى عزيز ومنزله عالي رحل أو لم يرحل .

وطالما نك وافي معه فجيب عليك ان تعامله بفيض المشاعر كتلك اللوحة الشعرية الراقية

وثق تماما بأن العلاج بيدك انت متى ما كتبت وصفة الروشته بهذا اللحن الخالد من الإبداع ..

لله درّك فقد أضفت مع العيد عيد ..

صح لسانك استاذنا على هذه الرائعة اليتيمة بعد عمر طويل من العقم الشعري .

ودمت للشعر معينا لا ينضب ...