هل أنت مثلي متضايق فضفض واكتب عن مايضايقك

مضايقتني أشيا كثيرة
منها غلاء الاتصالات عندنا

انترنت عند غيرنا بأقل من ريال وعندنا يكلف سبعة ريال للساعة الواحده استخدام منزل وبتفصيل ادق ريال لمقدم الخدمة وثلاثة ريالات لشركة الاتصالات وثلاثة ريالات يتحملها المتصل بسبب بط ء الاتصالات يعني بدل ما تاخذ ساعة وتحصل على المعلومة تأخذ ساعتين هل فهمتم القصد

هاتف ثابت عند غيرنا بأخو البلاش وعندنا شي متعدي حده

جوال والحمد لله ما عندي جوال ولا يطري على بالي اقتنيه وهو على هالحال ريالين رسم خدمة لليوم يعني الشهرين 120 ريال تضاف للفاتورة

فاتورة الكهرباء تقطع الظهر والقلب خصوصاً بها الصيف

لا والا الماء ماتت الشجيرات وبيحاولون يرفعون سعر الماء

البنزين يخلي الواحد يمشي ويتسلف والا ما لقى أحد يسلفه وش يسوي يعبي وينحاش من المحطة والله حاله وهو مايستورد بل يصدر للخارج ولله الحمد لكن وش حيلتنا الله يعيننا ويهدي حكومتنا يمكن الدول اللي تستورده نقول معذوره لكن اللي عندها أكبر احتياطي من مشتقات البترول والطاقة وش العذر

الغاز اللذي عند غيرنا يمدد للمنازل مع الأرض مثل الماء بابخس الأثمان وعندنا اكبر مخزون في العالم ومع ذلك مثل مانتم شايفين

اقساط + اقساط + اقساط
راتب شوي مرررره مايكفي مصاريف الأسرة الضرورية

ووووو الخ.................... وش الحل ياحلال النشب


الله يهدي حكومتنا ويسخرها لنا ويبعد عنهم بطانة السوء وينصر خادم الحرمين الشريفين وولي عهده والنائب الثاني ويدلهم على مايصلح الحال قولو أمين أمين أمين

لاحول ولا قوة الا بالله العلي العظيم قال الفضيل بن عياض رحمه الله: لو أعلم ان لي دعوة مستجابة لصرفتها للسلطان

اهلين اخوي
وحياك الله بالوئام

اما انا عن نفسي
المضايقني
المنتدى صاير بطييييييييييء وممل لدرجة اني ماصرت ادخله لبطئه الشديد

زمان كان يفتح معي قبل الهوت ميل لكن الحين مدري وش فيه
ونفسي يرجع المنتدى مثل اول

لا يكون الوافي ياخذ نسبه من الاتصالات

..........

...

والله ياخوي ضيقة صدر مايعلم بها الا الله
لكن نفضفض لمين
ونقول يامين
!!!
وياليت اللي مضيق صدري مثل اللي مضيق صدرك
كان والله مااقول ضايق صدري ياصاحبي

لكــــــــــــــــــــــــــــــــــــــــــــــــ ــــــــــــــــــــــــــــــــــن



ربك يسويها



سلام


...

السلام عليكم ورحمة الله وبركاته

الذي يضيق الصدر في الاجازة قبل كل شي
الشباب الذين تحولوا الى هبيز تقول البلد صايرة نيويورك!!
والثانية : الجوال خدمة ضعيفة وفواتير ضعف ؟؟!!
والثالثة : انا مع مرتاد الافق
تبون ضيقة خلق انفشها كلها ولا نخليها لا تكدر عليكم
بدت ما تصير فشة خلق تصير ضيقة خلق

وسلامتكم ( هونها تهون الدنيا ما تستاهل كل زعل وضيقة خاطر )
يا ضايق الصدر وسع الخاطر