فضايح بنات يسوقون بالرياض ...

فضايح بنات يسوقون بالرياض ..
السلام عليكم ...
وش اخباركم ...
ماودي اطول عليكم .. اسمعوا السالفه واحكموا ...ok

لطيفه : الو خلود اخبارك
خلود : هلا لطوف وينك يا ام العمايل هاهاها
لطيفه : اسكتي بس يا العليميه
خلود : انا العليميه يالي ما تمر جنبك زباله الا صاقعتها حتى صدام موترك صار اصفر من الزبايل
لطيفه : اقول انثبري بس ... هاه تخاويني؟
خلود : على وين انشالله
لطيفه : بروح اغير كفرات موتري
خلود : يوووه توك مغيرتها من شهر
لطيفه : عيون القطط لعبت في كفراتي ... هاه بس تخاويني ترى بمرك بعد صلاه العصر
خلود : اوكي بنتظرك
.
.

لطيفه بموترها : طاط طاط طاط
خلود توها طالعه من بيتهم : وشفيك ازعجتي الجيران
لطيفه : اركبي بسرعه وراي مشاوير اليوم عجلي
خلود : فيذا بنشر جنب بيتنا
لطيفه : لا بروح لشارع الغرابي احسن
خلود : ياحبك للمشوره
لطيفه : وش وراي وبعدين انا شاريه السياره ليش
.
بعد ما وصلوا للبنشر وغيرت لطيفه الكفرات

لطيفه : ودي اروح لطريق ديراب امس بالموتر ابي اجرب الكفرات
خلود : اسكتي بس بعد حادثي الي جاني على طريق الشرقيه وانا صرت اخاف من الخطوط
لطيفه : وشرايك نمر نوال وتغريد ونروح لكفي شوب؟
خلود : تغريد طلعت موتر وكاله تعالي نروح لبيتهم
.
.

بعد ما وصلوا لبيت تغريد
لطيفه : على البركه الموتر الجديد
تغريد : الله يبارك فيك يا وخيتي
لطيفه : عاد ليه مخليته بغباره يا القرويه غسليه
تغريد: ايه انا ادور احد يوصلني للمغسله ويرجعني
لطيفه : بس كذا انتي تامرين امر <<< ياحبها لدوران
خلود كانت تسولف مع وحده مره بسيارتها جنب بيت تغريد
.
.
.
بعد ما غسلوا السياره

لطيفه : هاه امل تقاومين بالمواتر؟
تغريد : ليش تبين تفشلين نفسك هاهاها
لطيفه: تتحدين يعني ؟
تغريد : طيري هناك بس
لطيفه : بنشوف من بيطوف على الثاني
تغريد : خلاص من اشاره العروبه لحد اشاره الثلاثين
خلود: فكوني بس نزلوني باخذ لموزين
لطيفه : انثبري بس ابيك تشهدين علينا
.
.
.
بدأ التحدي
.
.
.
لطيفه دعست بالنزين الا وموترها ينتع بس سرعان ما صيطرت على الوضع
اما تغريد موترها تمتيك ما يمديه ينتع
لطيفه سقطت يمين الا وباص مكتوب عليه العليا دله في وجها بس عدلت الطاره وسقطت يسار
تغريد خايفه على الموتر بعد ما شافت لطيفه في وجها هدت
.
.
.
وطبعا كل الأشارات قطعوها ولا في شايب مرو من جنبه الا ودعا عليهم
.
.
.
لطيفه بعد ما وصلت لأشاره الثلاثين معاد قدرت تتحكم بالموتر بس ذبت الطاره يسار على شارع الثلاثين ولا تدري الا بلموزين ساقط عليها ييمين بيركب زباين
حاولت حالوت بعد عنه وذبت الموتر يسار ثم عدلته يمين الا وهي داخله بموترها في قزاز

تغريد خافت على موترها وهي الحين عند اشاره التحليه

خلود على اعصابها من بدا التحدي

جت دوريه وفيها عسكريه رقيب وركبت لطيفه في الدوريه وراحوا لتوقيف الناصريه بعد ما خذت مخالفه قطع اشاره واستعمال كوابح

لطيفه دقت على خلود : خلود تعرفين واسطه في الناصريه؟
خلود : اخت خالت زوجه اخوي ملازم في الناصريه
لطيفه : ما ينفع ملازم .... تعرفين عقيد
خلود : ابدق على تغريد اكيد انها تخبر احد
لطيفه : لالالا الا تغريد لا تقولين لها
.
.
وبعد محاولات مريره لتطليع لطيفه من التوقيف راح الوقت كله في اتصالات وخسرت لطيفه وخلود فواتير جوال بس ما طلعت لطيفه الا بعد ابعه وعشرين ساعه
.
.
.
لطيفه توها طالعه من التوقيف ومرتها خلود وامل علشان ياخذونها الا وتغريد لاحقتهم
امل وخلود بصوت واحد : انشالله تكفير لطوف
لطيفه : جعلكم ما تدخلون التوقيف مايه الا خياس ولا نمت من امس جنبي بنات يلعبون بلوت ولا فيه الا طقاق وتحدي
تغريد جتهم تشربك بالبواري : الي مهووب قد التحدي لا يتحدى هاهاها
لطيفه وهي منقهره : احمدي ربك رحمتك بغيت احدك واخليك تصقعين بسياره الزباله بس رحمتك انتي وموتر الجديد


تغريد : هاهاها وانتي صقعتي بمحل قزاز ليه كنتي تبين تشترين عطر هاهاها


لطيفه منقهره و واصله معها : اقول انطمي لا يجيك قوطي على خشتك
تغريد : انطمي انتي يا العليميه هاهاها
لطيفه خذت قوطي بيبسي توها شاريته ولا فتحته وخمته على وجه تغريد
تغريد فتحت شنطت السياره وخذت العفريته تبي تخمع لطيفه على راسها
تجمعوا شباب وفكوهم
.
.
.
ام لطيفه خذت مفتاح السياره منها وصارت ما تروح لمشوار الا بلموزين ولا تدق على امل ولا خلود يوصلونها وبعد فتره جابت ام لطيفه سواق للبيت وصار يودي لطيفه ويجيبها


لطيفه بحسره : رجعت ايام التسعينيات و الثمانينيات وصار السواق هو الي يوديني ويجيبني


هذا الكلام مجرد تخيل لو صاروا البنات يسوقون هاهاهاهاهاها

وشرايكم بالسالفه ..

قولوا لي ...

منقووووووووووووووووووووووووول


~~~~~~~~~~~~~~~~~~~

أهلين لمياء

ماشاء الله اليوم مره نشيطه
بس إنشاء الله الكلام هذا مايصير . مصيبه لو ينعكس الوضع وتقعد تتصل على زوجتك وهي سهرانه مع البنات وتقول تعالي أنا طفشان لوحدي وإلا تعالي وديني المستشفى . الللللللللللللله يستر

لك تحياتي