[مجنون خله ●]

مسيتم بالخير


وش رايكم كل واحد يعرف اسمه في الموروث


بنبدا في
°ˆ~*¤®§(*§*)§®¤*~ˆ°الشباب°ˆ~*¤®§(*§*)§®¤*~ˆ°




· ياحظ من هو نصيبه سلطان طاريه يهز الناس ما يوم هان .

· واللي نصيبه هزّاع للشدايد دوم فزّاع.

· و محمد لي عن جميع الناس بالمعاني مفنّد.

· و ذياب سريع الجواب , عتيد الصواب , كريم النصاب .

· و منصور محب الزود , بدهن العود مشور .

· و خالد مناة العين له يوم ان تشاهد .

· و حامد بروح النشامه يجبرك له تساند .

· و فلاح لي صكّت الدروب بين المجالس طاريه فاح .

· و سحمي اسم ٍ لمعني , و شدّني للثريّا , بروح نشمي .

· حمد ما يوم خذل من ناشده السند .

· و فيصل كما برق ٍ في السما صقل .

· و ظافر بسمي المخابن ينشهد له , لي من بد خلق الله يشرح الخاطر .

· و علي لي هب خفي , للمنايا راسه ما ينحني .

· و عبد الله بطيب قلبه يملكك يشهد الله .

· و جمعه بنور خدّ ه يسعدك لو تصدّه .

· و طحنون حلو العيون , لاتحسبه بضيقتك مغبون , لو تطلب عيونه ممنون .

· و خلفان شرا العود حرقان , للمعاني دوم صعدان .

· و سعيد لقياه عيد لو كان عنك بعيد .

· و ابراهيم خوي ٍ لطلبتك حاظر و مديم .

· و أحمد من صلفه تلقاه في السما عربد .

· و بطي ياره هب شقي , من نسل ٍ مخيّر و منتقي .

· و سهيل اسم ٍ و رسم ٍ و خلق ٍ وافر ٍ كما السيل .

· و مبارك للمنصب الراكز تلقاه يعارك .

· و سيف يغمرك بالعطف , و حبه للمدايح ما هو بزيف .

· و سالم راعي المكارم للبخل تلقاه ناقم .

· و عمر بحر غمر , يقصر دونه الفخر .

· و غانم شيخ ٍ صارم , جلد ٍ بالحكم حازم .

· و صقر باسم الثغر , حلو الشعر , بقربه يحلى السهر.

ومصبح...صابح شروى نور القمر في الليل الاعتم.


*·~-.¸¸,.-~* البنــــــات *·~-.¸¸,.-~*

الحيـــــن دوور البنــــــات ..


· ميثاء جيون ٍ بين الدرر من نسل ٍ كريم ٍ منتقى .

· المها حور عين من شافها مجبور يهيم .

· فاطمة شروا البدر في السما غصب بارقة .

· سـلامة للروح صيّادة بين الغزر دانة .

· شــــــمّا حلوة الهمه.دوم في القمـــه وأكيد من خذها بيتهنّى .

· وديمة بالحلا زينة والروح فحبها رهينة .

· وعاشة باللطافة تصبح النفس بخير وسهالة .

· واليازية بوصلها هداية وبالغلا دوم حيازة.

· والصغيرة روح ٍ سميّة , ذربة معاني , معصومة خطيّة .

· وشيخة تشعل الجو هيبة , وللضراير تغدي لك رفيقة .

· وموزة حلوة الشوفة , وقربها تراه اكبر فوزه.

· وخولة نادرة الزلّة , لاتلوم مناظرها لي الهوى شلّة .

· وشمسة خجل وحشمة , لباغيها لا حشىهب سهلة اللمسة .

· وصنعاء مشهودة بالحيا , وذكرها سامي ٍ بين كل الملا .

· وغريسة فغياها عيني سكيرة , وش عاد لو تناظرها عيني حقيقة .

· والّنيرة ماتملها من سيرة , بخلطة العنبر مثيرة .

· مهرة روح ٍ سمحة , غضيّة طرف , فقلبك متسّمرة .

· وحصة وسمة ٍ شرا الجمرة , لهيبها يسعد لو هو شظيّة .

· ولطيفة غزيّل ٍ فلّة , عود موز ٍ تقول دمانيّة .

· والعنود مفارقها ميهود , بين الناس عشقها مفنود .

· وعفراء بالذكا صقرة , تنهبك وماتندم بحسرة .

· وهند اسم بين العرب مشهور , ومن غيرها بمكانها يسد .

· وحمدة ماتكثّر الرمسة , ذربة وماتسمع لها همسة .

· وعلياء اسم ٍ مرنّق بالحلا , توهبك السعادة بالوحاة .

· ومديّة فبعدها روحك شقيّة , وفقربها نفسك هنيّة , ولا تزورها الا ومعك هديّة .

· وآمنة بين البنات دلع وغناجة , وفقربها كل السعد والشراغة .

· وميرا بالعيون الخجلى تفتنك , وتصد عنها من عليها يقسى .

· وسلمى عين المها , مثلها صعب تلقى . ....

[samantha ●]

وين رحت أنا ؟؟؟!!!
تحياتي ...
سمــا ،،

[المتهور ●]

يعطيـكـ العافيـه مجنون خله

مجهود تشكر عليه

بـس ارجع يمكن تلقى اسم طايح يكون لي

يسلـموووو

::

[سديم ●]

ايه مجبور يهيم هههههههـ

الله يعطيك العافيه .. عارف ..
.
.
.

[توولين ●]

مجنون خله وين اسمي اكيد ما اله معنى بلتراث

يسلمو ايديك

[النبض الحزين ●]

ابي ارقص ابي انط ابي ابي اغني ابي انقز بيت جيرنا ابي اسوي كل شئ


واخيررررررررررا لقيت أسمي كامل بدون نقص للحروووووووووف

يا حلووووو التراث شلون كرم أسمي

عارف وين اسمك واسم سلمان اللي يدور اسمه

ههههااااااااااااى

مجنون خله

[اسطورة الخريف ●]

سلمت يداك أخي مجنون خله

ما شاء الله كلها اسماء خليجية >>>>>>>>>>>>>> مافي شوية من عندنا ؟

ربي يحفظك ويسعدك

خالص تحياتي
اسطورة الخريف

[مجنون خله ●]

المشاركة الأصلية كتبت بواسطة samantha

وين رحت أنا ؟؟؟!!!

تساليني وين رحتي؟؟؟
والله مدري لكن برقبك وشوفك وين تروحين وعلمك


كل الشكر على حضوركـ

أحترامي..

[مجنون خله ●]

المتهور
رجعت مالقيت اسمك لكن بروح لواحد من الشياب
اضنه شاف شي....

ولاسمع....


وجي اخبرك.





حضورك دئما يضفي للموضوع الكثير


أحترامي

[مجنون خله ●]

سديم
الله يعافيك
زين انك...

اقول وين الي وصيتك فيه؟؟؟؟




...
.........
................
........................
.................
...........
.......

أحترامي