ماهمني إلا راتبي ذا الشهر طار ...

معاناة مواطن

مانـي متابع للسيـاسة والأخبــار
ولا همـني أوباما ولافوز ماكـــيـن


ولا همني وش قال حسني وبشار
وما همني لو زادوا الهند والصين


وما همني لو سوق الأموال منهار
وماهمني لو كان خسروا ملايـين


ماهمني الا راتبي ذا الشهر طــار
كله صرفته يوم خمسة وعشرين


بعثرت مدخولي على يمين ويسـار
وقعدت وعيالـي نصفّـق بـكفــين


1300 عـلـى طـــول فــ إيــجــــار
و400 مصروف جوال في زين


و 1150 في شــركـــة إعـــمــار
قرض ٍ أخذته وشفطـوه الشياطين


و1100 تجديد وأتعـاب سـمــسار
عندي استمارة مطوفة حول عامين


و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن


وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن


لا شـمـة الراتـب يجـيها كـما الزار
تنـفض مكيـنتها كما نـفض بوكليـــن


وام العيال تـصـيح يا زوجي البار
هذا الشهر عندي في القصر عرسين


احتاج انا فستان من عشرة امتـار
وأفصـله يا فـالح الـراي بـألفــــيـــن


وأخر مئة بتروح في جيب كومار
الحارس الهندي عسى فـاله الشـيـن


ويقـول ما تـكفـيـه للفـلفـل الحــار
زعلان يبغى فوقها زود خـمســـيــن


وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن


أزمة مسـويها مــداهن وتــجـــــار
وراحوا ضحيتها الضعوف المساكين


منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن



وإن الجمل صابر على الضيم صبّار
وان طاح تكثر في جنوبه سكاكـين



أبديت ما في الصدر من هم واسرار
بأقولها واخلي الخافي يــبـيــــن



يا شيوخنا لا لا تغضون الأبصار
صار المواطن يشكي العسر والدين



وانتم به ادرى ياطويلين الأعمار
بالله عليكم شوفوا الوضع بالعين



أعجبتني فنقلتها لكم

بسم الله الرحمن الرحيم

دلوعة جيزان

السلام عليكم ورحمة الله وبركاته


يعطيك العافيه على روعة اختيارك
بارك الله فيك وفي ما قدمتي
والله يعطيك الصحه والعافيه


اخوك
حسام الشعر

دلوعه مشكوووره على النقل والاختيار والله يعينه طلع راتبه كله اقساط معاناه....... سلمتي ودمتي اختي ولك تحيه

	المشاركة الأصلية كتبت بواسطة الحسـام

	بسم الله الرحمن الرحيم دلوعة جيزان السلام عليكم ورحمة الله وبركاته يعطيك العافيه على روعة اختيارك بارك الله فيك وفي ما قدمتي والله يعطيك الصحه والعافيه اخوك حسام الشعر

اخوي مشكووور على الرد

ومنور الصفحة

وهذا من واجبي

وتسلم اناملك على روعة الرد

	المشاركة الأصلية كتبت بواسطة خلف الجابري

	دلوعه مشكوووره على النقل والاختيار والله يعينه طلع راتبه كله اقساط معاناه....... سلمتي ودمتي اختي ولك تحيه

خلف مشكوووور على المرور

ويعطيك ربي تريلون عااافية