شفت فالعالم تفاصيل وعجوبه

اعزائي القائمين ومرتادي هذاء المنتدي ارجو ان تتقبلو مني هذه المشاركه وهي للشاعر محيميد بن مزعل البقمي يصف فيها بعض شرائح شباب اليوم ويسند القصيده على الشاعر طامي بن مهل البقمي الذي رد عليه بقصيده مماثله

ارجو تحوز هذه المشاركه الاولى على رضاكم


شفت فالعالم تفاصيل وعجوبه *** الأمور ميسره والله رزقها
الأمن موجود والخير إرتعوبه *** مير منهم من قشر حضه صفقها
ومنهم اللي مشربه دايم عذوبه *** ماسكٍ في عروة الله وإعتنقها
وبعض الجذعان قايمتن هبوبه *** من رياجيل المراجل ويعشقها
وقفته فالطيب بانت ومحسوبه *** والعلوم التايعه ماكل دبقها
حقه البيضاء ليا جاء العلم صوبه *** عد مانبت الشجر وأنبت ورقها
وعد ماهبت من الشرق وجنوبه *** وعد ماهبت شماليه سبقها
وعد نوٍ جت من المنشأ نصوبه *** الرعد يرعد ومشتبكن برقها
لو كل الناس تمشي في دروبه *** كان مابه كبد للغبن يحرقها
وبعض الجذعان مايسوي الجلوبه *** يدعي بالطيب وعيونه بلقها
ويتنصنص كنه البنت النصوبه *** جاكر العذرى ومهنتها سرقها
ماعليه من العيوب ولاسبوبه *** طول الإظفور والقصه فرقها
لحيته من حلقها جاها عقوبه *** فالصباح وفالمساء دوم يحلقها
وخدته تملع كما أخته فالخطوبه *** والوجيه الميته عنده لفقها
ليا قعد ثم قام يكوي نصف ثوبه *** وغترته دايم على متنه طرقها
مايداني المرجله عنده صعوبه *** مايداني المرجله واللي لبقها
وغيرهم ثالث يجمع في حبوبه *** يبلع الحبه ويشرب من عرقها
ساهرٍ بالليل ويحسب في ذنوبه *** لين تظهر نجمة الصبح وشفقها
ثم رقد لو تاخذه ماصحي نوبه *** خدته بالشمس مزري مافهقها
منهم الثلثين للمسلم عقوبه *** ليت ربي يوم خلقه ماخلقها
علموا طامي بعلمي وأشهروبه *** العلوم الطيبه عنده وثـقها
من رجالٍ ساسها المجد ورقوبه *** المراجل كلبوها معتنقها
يطرق القيفان زيناتٍ سلوبه *** ليا طرقها بالمعاني ماشلقها
ينصح المخطين عن دربٍ غدوبه *** ويمدح الطيب ليا منه رمقها
ماقدرت اعطيه حقه من صعوبه *** هجت القيفان يمك مير سقها
يالله المعبود نطلب منك توبه *** تب على روح ٍ قرب منها غرقها
قبل ماتنزع من الجسم ومشوبه *** راح من دنياه وأعماله لحقها
والسلام اختام علمي لا حكوبه *** للذي يسمع ويقري في ورقها


وهذا رد الشاعر / طامي بن مهل بن غـفالان الرياحي

حي خطٍ لي هل النوماس جوبه *** من فهيمٍ كلمة الحكمه نطقها
شاد بيت العرف طوبه فوق طوبه *** والمعرفه ورث جده مادرقها
مع طريقه سقت الأبيات مغصوبه *** حطني في دايره حلكم حلقها
يابو فيصل ضحكة الدنيا كذوبه *** ماتغر الا الذي يجهل طرقها
ومن يميز شرق وقته من غروبه *** شاف خافية الدروب ومفترقها
والهبيل يضيع فالدنيا اللعوب *** طايعٍ نفسه وشيطانه وسقها
مثل من يطعن بسيفه في جنوبه *** من جهل نفسه ومن زايد حمقها
والعدى ضحكوا عليه وغرروبه *** لين نفسه مع مساعيهم زنقها
قام يلبس جنز ويطول كعوبه *** والوروك بلبسه الضيق حزقها
وإن تكلم دوب توح الهرج دوبه *** هرجته لاجت تبا تطلع خنقها
والأصابع بالخواتيم معصوبه *** والأظافر حكها حتى ذلقها
وإن لمسته لين في خده رطوبه *** من مساحيقٍ على خده سحقها
جاكر أخته بالميوعه والخصوبه *** صيحة الموضات قدم أخته زرقها
نعنبو ذا الطبع ورجال رضوبه *** ليه خبلان العرب تهمل سلقها
وفيه من شال البلاوي في جيوبه *** ذي صبوح وذي مع الليل إغتبقها
مايفكر في نجاحه من رسوبه *** المهم يحوم من مقها لمقها
يوم داخل سجن مايقدر هروبه *** ويوم مع شله تحدقه ويحدقها
ساعدوا للغرب في غزو العروبه *** شلةٍ منحطةٍ ربي محقها
شلةٍ من طاعهم غصب عرجوبه *** وأخربوه وسمعته كلٍ عذقها
ومنهم اللي دايم الشارع يجوبه *** لو تحط إله الحواجز يخترقها
وإن نصحته قام يفخر في عيوبه *** والأذاني دون نصاحه غلقها
وفيه من ينفخ على الشايب ذروبه *** لادعاه عيونه إينفص حدقها
جاء على الشايب مع الأيام حوبه *** دايمٍ مع شايبه خذها وذقها
وفيهم اللي صرح الأمجاد صعدوبه *** من مقرات الرجوله منطلقها
الأدب والعرف فالدنيا نشوبه *** والرخامه ما تمشوا مع طرقها
ياإله الكون ياعالم غيوبه *** كثر أهل الطيب والأنذال عقها

السلام عليكم ورحمة الله وبركاته

هلا اصيل،،،
تسلم يد ناقلها،،،،
وصح السان قايلها،،،
زهرة بنفسج.

اصيل

مسائك جميل عزيزي

حقا انها لكلمات ليست بالكلمات

اسطر تحمل الفكر وقوة البيت والمعنى

حقا انها مشاركة بمثابة الدرس

تحياتي لك

زهرة البنفسج

الله يسلمك ويعطيكي العافيه

اخوي الشفاء

ومسائك اجمل ياعزيزي

شكرا على مرورك وذوقك

اصيل صح لسانك
والسنة الشعراء المذكورين
فعلا صوت وصدي من شاعرين
عملاقين احسنت والله لا يهينك
ونور منتدى الشعر بوجودك
تحياتي

..........

...

عاش من شافك
ياكامل اوصافك
نورت حتتنا
والليلة فرحتنا


اختيار جميل وموفق واصيل يااصيل



شكراً لذوقك الرفيع


كلك ذوق


...

[c]


[/c]
[c]
بسم الله الرحمن الرحيم
السلام عليكم ورحمة الله وبركاته

أصــــــــــــــــــــــــــــــــــــيل

صح الله السانك والسان الشاعر محيميد والشاعر طامي
قصائد أكثر من رائعه سلمت وسلم ذوقك
تقديري واحترامي

اخــــــــــــــــــــــوك

الحســـــــــــــــــام[/c]
[c]


[/c]