يزعل عليك
يزعل عليك إن قلت غلطان صاحبك
ويلومك الثاني ليا من نصحته
ويجي لك الثالث مطفّي يعاتبك
ياكيف لك بين الوادم فضحته
صار العتب ممنوع ما بيننا وابك
المزح صار اكبر غلط لو مزحته
تتغيّر الأنفس عليك وتحاربك
ويكرهك حتّى آخوك لوما مدحته
يا شينها لا صار ممن يطالبك
بيت القصيد اللي بصدرك نحته
ويا شينها لا صار مالا يناسبك
يناسب الجمهور لوما طرحته
يا ويل ابو جدّك ويا ويل شاربك
يصير ما فوقه مع الوقت تحته
يا خوك لو إنّ الليالي تجاوبك
بتقول لك باباً عليك وفتحته
ونصيحتك للصاحب اللي يصاحبك
يردها لك جرح لوما جرحته
أنت غير مسجل في منتديات الوئام . للتسجيل الرجاء إضغط هنـا
يزعل عليك 
