تكفين يا طيور الحرار افزعي لى ~

القصه ... المؤثرة اللي والله ارى فيها مضمون يهز الأفئدة ويحرك ضمير وقلب كل شخص مقصر في حق قريب له اوحتى له فيه علاقة معرفة ...
القصيدة ... هي قصيده على لسان سيدة وقورة ترقد احد المستشفيات منذ سنوات قصتها مبكية الحقيقه ..
تقول هذه السيدة قبل سنوات جاء زوجي وطلب مني اروح معاه السوق ..
وقالي اشتري اللي تبين وبأي سعر واشتريت افخم الثياب واجملها ..
وجميع المستلزمات للبيت وغيره ..ورجعت للبيت مسرورة وفرحانه..
فجأة ... قالي زوجي كل هالاغراض مو لك .. هذي لزوجتي الجديدة وانتي الحين طالق ..
بعد هالحادثة اصيبت الزوجة بجلطة وغيبوبه جلست في المستشفى ..
ولا احد يزورها غير اخ لها زارها كم مره وبعدين بطل لما طالت المدة و لازالت
موجودة في المستشفى والكل يعرفها وحافظ قصائدها وكلماتها ...
ولما تسألها عن قصتها تبكي بحرقه وتردد قصائد توجع القلب ..
لانها ولهانه حيل على اولادها ولا تدري عنهم شيء فالكل هجرها ..




تكفين يا طيور الحـرار افزعيلـى


...........................ابى عن ديار الاهـل منـك اخبـار
تكفين حومـى فوقهـم وارجعيلـى
........................... وإلا ان حصل لك حومه داخل الدار
تكفيـن حـول بيوتهـم دوريـلـى
................................سبعة فروخ يـوم اخليهـم صغـار
شوفى ضناى وعودى وانكفى لـى
................................واشلونهم يا علهـم صـارو كبـار
نسوا دفاي ونومهـم فـى شليلـى
..............................وش علمهم يا علهم بطول الاعمـار
قولي لهـم ان امكـم لها عويلـي
..................................خمسه سنيـن دمعهـا دوم مـدرار
وقولي لهم إني علـي طـول ليلـي
....................................أنوح وليـا قـرب الصبـح أنهـار
وقولي عيوني دايمـا لـه هميلـي
....................................تبكي ليا شافت مـن النـاس زوار
كل يوم اقول غدى حديهـم يجينـي
..................................راحت سنيني مابهم واحـد(ن) زار
وانا اللي من سبت سوات الحليلـي
......................................حالـي تـردى كـل مالـه وينهار
وفرقا ضناي اللـي تـردت بحيلـي
...................................كني على شوفتهم اصلى على نـار
ياويلـي كـان الله عجـل رحيلـي
.................................وانا لي سنين ابـي لو هـي اخبـار
ياعونة الله من يبـي يرتكيلى
................................ لـيا جارت علي بأمر الله كـل الأقـدار
تنكـروا مـن يدخلـون الدخيلـى
.............................واللي بوسط ديارهم يامـن الجـار
قولي لهـم ياطيـور قلبـي عليلـي
............................الله يكافي قلوبهم صـارت احجـار
وانا اللي لبراق الخيـال استحيلـي
................................واقـول ياعـل ديرتهم للأمطار
تكفيـن وسـط ديارهـم صوتيلـي
.............................شوفي عسى لأسمي مع الناس تذكار
وقولي لمـن نسيانهـم يستحيلـي
...............................ياللي نسيتوها تـرى الوقـت دوار
ياهيه ياللـي بالسمـا لـك هديلـي
..............................ردي خبـر تكفيـن يكفـي امـرار
شوفي هاك اللي نومهم في شليلـي
...................................من اذان المغرب لوقـت الأسحـار
شوفي هاك اللي ماتهنى في مقيلـي
.................................إلا مقيـل معهـم كبـار وصـغـار
وقولي لهم ان كان حملـي ثقيلـي
...............................مره يجون وعقبهـا شـي ماصـار
وانـا يتولانـي كريـم(ن) جليلـي
................................ياعلني فـي جنّـة وسـط الأبـرار

منقول ~

..............

...

اهببب ياوجهه

قسم بالله انه نذل ومعدوم الضمير والاحساس


قصيدة مؤثرة
حسبي على زوجها


...

وقولي لهم ان كان حملـي ثقيلـي
...............................مره يجون وعقبهـا شـي ماصـار
وانـا يتولانـي كريـم(ن) جليلـي
................................ياعلني فـي جنّـة وسـط الأبـرار

مؤثرة ياطيف

شيء مؤلم ومحزن

"هل جزاء الإحسان إلاالإحسان "..

حصلي زيارة للي بالدار مرة وسمعت مايشيب الراس

ويبكي الحجر ،وش هالقصة وش غيرها كثير

الله يرزقنا بر والدينا احياء وأموات ياكريم

:

سلمت يداااك يالغلا على هالنقل الجميل

يعطيك ربي العافيه

	المشاركة الأصلية كتبت بواسطة طيف المحبه

	المشاركة الأصلية كتبت بواسطة طيف المحبه

	قولي لهـم ياطيـور قلبـي عليلـي ............................الله يكافي قلوبهم صـارت احجـار

اي والله

تعور القلب
الله لايسامحهم
لا هُم ولا أبوهم


تسلمي طيف على هالاختيار

الحرف والكلمه معاني غريبه 0000في بعضها تمضى كما وخزة السيف
الجرح وش للجرح عذب صويبه 0000الجرح طاب واجمل الورد لك طيف
اليا كتبتي حرف كل ايهذي به 0000 كنه لاول مرةٍَ يكتب اوشيف
شكرا طيف
سعدت وانا اتابعك رغم انشغالي وبأنتظار جديدك القادم

نعنبو لحيته وسود الله وجهه على فعلته الشينه في زوجته


أنا أشهد أن هذه قمة النذاله والخساسه وين رجالها وين أخوها قصه يندى لها الجبين

لاحول ولاقوة إلا بالله وين الرجال اللي ماتـترك عوانيها

أختي الكريمه طيف المحبه شكراً لك على أختيار هذه القصه المحزنه وقصيدتها

وسلمت يدااااك وفكرك وذووقك ودمتي في صحه وسلامه

..
قصه وقصيده مؤثره

حسبي الله على اللي مايخاف الله..

ناس ماعندها لادين ولاضمير مدري وش عندها !!

يسلموو استاذه طيف لاعدمنا تميزك