رجعت لـ البيت ..!

**محمد السبيعي** ● · 21 / 09 / 2008, 13 : 07 AM

ولأنه الحياة اللتي ( مت ) من بعدها .. ولأنه الحب .. والبيت القديم .. !

رجعت من درب المواجـع الـى البيـت
اللـي بقـى بـه للسـعـادة بقـيّـه!

كم لي أمره حـيّ وبـ ( خافـقٍ ) ميـت
لـو ان جروحـه فـي نواحيـه حيّـه!!

اقبـل والـى منـي قربتـه .. تعـدّيـت
مـا كـنّ لـي فـي جيّتـه ألـف نيّـه!

ما فـ ( الخفوق ) الا جـروح وتناهيـت
وما فـ ( العيـون ) الا دمـوعٍ عصيّـه!

حتـى دخلتـه بإختيـاري ، ومـدّيـت
لـ ( ايامـه ) العطـره خوالـي يـديّـه!

قلت: اخذني .. قال: انتظر .. كيف حنّيت؟
من بعد عشر سنيـن مـن غيـر جيّـه؟!

قلت: أنت لو تـدري كثـر مـا تمنيـت
اجيـك مـن ليلـة وداعـك شـويّـه

من شان ابـوس ظلالـك اللـي تربّيـت
فـي فيّتـه صبـح السـرور وعشـيّـه!

ضمّيتني مـن غيـر وعـيٍ .. وهلّيـت
عـلـى جبيـنـي دمعتـيـنٍ نـديّـه!

قال اقترب .. وآنا اقترب .. لين حسيـت
بـ ( أنفاسـه ) الحـرّى توالـى علـيّـه!

وآنا بصدره .. قلت: لو كان مـا جيـت
يمّك .. ظنوّنـك كيـف بتكـون فيّـه؟

قال: اعرفك رغم البطـا .. مـا تخليـت
عن حبّك اللـي فـي محانيـك .. ليّـه!

تبقى محمّـد .. طفلـي اللـي تهقويـت
يكبـر ولا يلقـى ليـا كـبـر زيّــه!

لكنّي أشعر في خفوقـك .. بقـى بيـت
في نظرة عيونـك ظهـر بعـض ضيّـه!

قلت: إنولدت فـ( ظل ) سورك .. ويا ليت
فـ ( ظل ) سورك .. ألتقـي بـالمنيّـه!!

**حسن المحمدي** ● · 21 / 09 / 2008, 19 : 07 AM

( 1 )

محجووووز

***فواز*** ● · 21 / 09 / 2008, 52 : 08 AM

السلام عليكم ورحمة الله..

بعد طيب التحايا.....

محمد السبيعي..

صح لسانك ولا هنت..

وقوف على الأطلال.. وإطلالة ندية مرتوية شعرا وعذوبة وجزاله..
وبرغم ظروف الوقت ((صبيحة الحادي والعشرون من رمضان)) وقفت وهنا..
وبقيت هنا..
وتذكرة الأطلال هنا..

لم أنسى أن أغادر بصمت ففضلت الإحتفال وحيدا بعيدا عن الغزل وفراق الأحبة..
فالأطلال حرية بأن نقف لها ونحتفل..

بقي أمنية ...
بيتك الأخير أشبه بما تمنيته لك وربما هو ماتمنيته..
ولكن بعد طول عمر يامحمد السبيعي ..

أصدق أمنياتي وأعذبها..

فواز..

**المتهور** ● · 21 / 09 / 2008, 36 : 12 PM

صح لسـانكـ يالسبيعـي

كـ ما هي العادهـ مبــدع وراائـع بنزفكـ

صح لسانكـ مليووون ولاهـان شاانكـ يالغاالي

تحيـاتي لكـــ

::

**بنت أهلها** ● · 21 / 09 / 2008, 38 : 04 PM

قال: اعرفك رغم البطـا .. مـا تخليـت
عن حبّك اللـي فـي محانيـك .. ليّـه!

تبقى محمّـد .. طفلـي اللـي تهقويـت
يكبـر ولا يلقـى ليـا كـبـر زيّــه!

لكنّي أشعر في خفوقـك .. بقـى بيـت
في نظرة عيونـك ظهـر بعـض ضيّـه!

قلت: إنولدت فـ( ظل ) سورك .. ويا ليت
فـ ( ظل ) سورك .. ألتقـي بـالمنيّـه!!

مؤثره فااتنه تلك القصيده يااخي
احساس صاااادق هذا الذي بين طياتها

صح لسانك

**wafei** ● · 21 / 09 / 2008, 44 : 05 PM

................

...

نظمأ و .. نظمأ ..
وعندما ينهمر المطر " عذباً " نزداد ظمأًً للعذوبة !

محمد !
لازلت اظمأ شعرِك
ولازلت أرتويه ظمأً !

.. مزيداً من الظمأ
... ومزيداً من الهطول
لننهل من معين ابداعك

"وتم التقييم .. وتستاهل الخمس نجوم "

...

**أبو خـ البجادي ـالد** ● · 22 / 09 / 2008, 07 : 02 AM

لكنّي أشعر في خفوقـك بقـى بيـت
في نظرة عيونـك ظهـر بعـض ضيّـه

صح لسانك محمد

أبيات يعجز القلم أن يوصف جمالها

فالمبدع من عادته الإبداع في بحر الكلمات ..

تسلم يمينك ,,,

**زهور الغرام** ● · 22 / 09 / 2008, 47 : 07 AM

,,,

يا ليت فـ ( ظل ) سورك .. ألتقـي بـالمنيّـه!!

ياليت

ياليت

صح لسآنك وعلا شآنك ,,

قصيده رآآآآئع ـــه ,, كل الشكر على الامتآع الجميل

سلمت السبيعي

؛,

**عازف الإيقاع** ● · 23 / 09 / 2008, 03 : 05 PM

الله الله الله الله

صح لسانك اخوي محمد ابيات جميله للغايه

**برلنت** ● · 24 / 09 / 2008, 47 : 08 PM

عجزت وش اقول

قمه في الروعه
لافض فوك