قصيدة بعنوان ( قالت إوصفني )

السلام عليكم ورحمة الله وبركاته

هذي القصيدة أوجهها لكم وأتمنى أنها تعجب الجميع ....

قالــــت لي أبدع لي من القاف بيتين ===== أبغى أتدلع بين ربعي شويـــه أبغى أتدلع وأقهــــر الزين والشيـن ===== وأقول سامي هو وصفني كذيه أبغاك توصفني بمنطوقـــــك الزيـــن ===== وتجلب من سمان المعاني نقيــه قلت السموحه يالغضي يأريش العين ===== في وصف حسنك يعجزون البريه في وصف حسنك يعجــــزون الملايين ===== اللي لهم عسر القوافي مطيــــه وتـبـيـني أقصد فيك ياشيخة الزيــن ===== والله مالي في اللوصف مقدريـــه حيث أن زيـنــك مايضاهيه أي زيــن ===== عقـــل وجمـــال وخفه وجاذبيـــه ولن الحروف عدادهـــا فوق عشريــن ===== وأنتي يبيلك فـــــوق ميه وميــه؟ يابــنــت مع مــد الليالــــي بتلقيــــن ===== شاعر يفوق أبو روان شاعريــــــه يآصف لك عيونك ورمشك وخديـــــن ===== والخصر هي والعنق وأيضآ الشفيه قالت أنا ماشفت مثلك له ألحيــــــن ====== شاعر يعسف القاف عسـف العبيـه ثم طوحت بالصوت بنت المياميـــــن ===== بالـــصوت تزهمني خلف والـلـديــــه تكفى ترى تكفى تهز السلاطيـــــن ===== تكفى ياسامي لاتخلـــــــــي الشقيه

وسلامتكم وسلامت القراء كلهم
أخوكم
سـ ـ ـ ـ ـ ـ ـ ـ ـ ـامي

الله اكبــــــــــــــر
وش ذا الزين ياسااااااااامي

اروع من الرائعه وعز الله انه ماخاب ظنها يوم نصتك..
كلك ابداع..
تحياتي

أخوي السيف ...

الله يخليك تراك بتحرجني بكلامك وذوقك هو اللي حلو يالغالي ....
وأتمنى أكون عضو خفيف ظل عليكم وأتمنى أشرفكم بأشعاري ...

وإنشاء الله يقدرني وأكون عند حسن ظن الجميع ....

أخوك ...
ســـــــــــــــــــــــــــامي

بسم الله الرحمن الرحيم

سامي

السلام عليكم ورحمة الله وبركاته

الله يعطيك العاااااااااااااافيه اخي الفاضل

قصيده مميزه وذووووووووووق عاااااااااالي

وصح الله السااااااااااااااااااااااااااااااااااانك

ولا تحرمنا من روااااااااااااااااااااائعك

دمت بخير اخي الفاضل

تقديري واحترامي

اخووووك

حسام الشعر