خيوط العنكبوت.......

لاتقول الوجد جابك والشـجـــن = لاتـقـول انك عـلى حـبي تمـــــــوت

وينك امن سنـيـن يـوم اني اون = وازعج الونات صوتٍ عـقب صوت

جيتني والشيب بالراس استـكن = والجسم مثل الشجر صار محـتـوت

صرت كـني لاجيٍ ذاق المـحــن = او يتيمٍ مالـقى بالدار قــــــــــــــوت

دوك جسمي لاعبٍ فيه الوهــن = صار اوهن من خيوط العـنكبـــــوت

غيرن بُعدك وغيرني الـزمــــن = عن لذيذ الهـرج فـضلت السكـــوت

مابقي بالعمر شيٍٍ له احــــــــن = غير ذكـر الله ودعـوات الـقــنـــوت

لايضيع العـمـر في فـن ولـحـــن = دام عـندك وقـت ترجـع للـثـبـــــوت

اغـنم ايامك قبل لبس الكـــفـــــن = العمر لحـظه وما اسرع ماتـفــــوت

ورزقك المكـتوب لو كان بـعــدن = ماترده عـنك اهـالي حـضرمـــــوت

اشهد ان المال في الغـربه وطـن = واشهد ان الفقر غربه في البيـــوت

والوطن غربه اذا مـالك ســكـــن = السكن هو الوطن ياهل البـشــــوت

وش يضر الميت لامنه انـدفــــن = باللـحـد والا بزينات الــتــبــــــــوت

احمد بن عبدالرحمن العريفي
(نديم المجره)

الله الله

صح لسانك أخوي أحمد

نص رائع وجميل

سجل إعجابي

	المشاركة الأصلية كتبت بواسطة نديم المجرة

	مابقي بالعمر شيٍٍ له احــــــــن = غير ذكـر الله ودعـوات الـقــنـــوت لايضيع العـمـر في فـن ولـحـــن = دام عـندك وقـت ترجـع للـثـبـــــوت اغـنم ايامك قبل لبس الكـــفـــــن = العمر لحـظه وما اسرع ماتـفــــوت ورزقك المكـتوب لو كان بـعــدن = ماترده عـنك اهـالي حـضرمـــــوت اشهد ان المال في الغـربه وطـن = واشهد ان الفقر غربه في البيـــوت

نديم المجرة

مبدع ويكفيني ويرويني ذا الابيات.

صح الله لسانك ولا هنت على هذه الرائعه.

اخي تقبل مروري المتواضع

.
.
.

وش يضر الميت لامنه انـدفــــن = باللـحـد والا بزينات الــتــبــــــــوت

تغرف من بحر يالعريفي

ورب البيت انك نسجت الشعر

وش اقول ووش اخلي

فوق الابداع كتبت

	اشهد ان المال في الغـربه وطـن = واشهد ان الفقر غربه في البيـــوت والوطن غربه اذا مـالك ســكـــن = السكن هو الوطن ياهل البـشــــوت

وانا اشهد



كلمات راائعة ومعبرة


ابدعت ياعريفي
وكما هو الابداع المعهود منك


سلمت يداك


كلك ذوق


...

ماشاء الله تبارك الله
ابدعت مليون ولايسدووون
ابيات جزله ،،قوة حبك وسبك
حوت حكم راائعه وقيمه جداً
فيها مواطن عديده للابداع ....
أخي نديم : كل قصيدة عن سابقتها تختلف
وكل مره يزداد اعجابنا بهذه الشاعرية اكثر
صح لسااانك مدد بلا عدد ورفع الله قدرك
دمت ودامت سعادتك ،،وبكل خير وسعادة تعيش

الله الله الله عليييييك ياشاعرنا
وربي مبدع
سلمت يمناك وصح لسااااانك

شرفني مروركم
واسعدني ثنائكم
الله يسعدكم
تحياتي