وشلون يـفرض مجتمع احترامه , وأكبر طموحاته : ( متى الحرمة تسوق ) ؟

المجتمع صاير حـلالـه .. حـرامه !
و احنا نقول إنه : مثالي , ومرموق !

نحرص على أسباب الزعل و الملامـة !
ونقـول : كيـف نفارق الضيق و نرُوُق ؟

صرنا نفكر في التبرج و اللـثامة !
ونشكخ , ونقضي عمرنا لـفّ في السوق !

نتبع مفاتن .. قبل نتبع شهامـة !
كن الجسد شهوة ماهو بـ دم وعروق !

الشـخص فينا كل همه : غـرامه !!
كأنه عـشان الـحب و العشق مخلـوق !

نحكي بذوق مع العرب .. و ابتسامـة !
لـكن مع أهلـنا .. للأسف ما نعرف الذوق !

ننسى إن كـل انسان له فكرة و مقامه !
و نصنّف أهل المجتمـع تحـت أو فـوق

صار الرجال حلـمه , وجُـلّ اهتمامه
يصبح غني لو كان من مال مسـروق !!!

قليل .. من فـكّر بـ يوم القـيـامـة !
تفكيرنا كله يا : حش أو عشق أو شوق !

نبغـى حقوق انسان , لو هي علامة
و احنا أساسًا ما عطينـا ربنا حقوق !

نحكي عن الديـن , وعـن الاستقامـة
و بيــوتنا أغلبها خيانــات وعقوق ,

كلِ يبي يملي علينـا كلامـه !
كن الأوادم عايشة وسط صندوق !

وشلون يـفـرض مجتمع احترامه ,
وأكبر طموحاته : ( متـى الحرمة تسـوق ) ؟
::

لـ محمد الوسمي
::
مما راق لي

.
.
.

بتسوق يعني بتسوق !!

بس اذا ساقت وش هو الطموح القادم؟؟

تسلم ذائقتك يا شموووع

قصيده هادفه من شاعر كبير

الحين طموحهم سيارات وبعدين طيارات!!

شموع الغربيه

سلم لنا ذوقك اختيار رائع وكعادتك متميزه.

سلم فكرك وسلمتي كلك .

ودمتي متألقه

شمووووعه سلمت ايديك وسلمت ذائقتك

يسلمووو يالغلااا ....

المجتمع صاير حلاله حرامه ..
الحلال بين والحرام بين وبينهما امور متشابهات

واكبرطموحاته متى الحرمه تسوق

هذه لا يقال عنها طموح ولا غاية
قيادة المرأة للسيارة من الأمور العادية ولكن العادات والتقاليد
وعدم نضج القلّة من المجتمع تجعل السلبيات أكثر من الإيجابيات .

أبيات فكرتها جميلة ولكن لا تخلو من الكسر وعدم الوزن وكذلك عدم تسلسل المعنى .

شموووووووعه .. تسلم يمينك استاذتي

	المشاركة الأصلية كتبت بواسطة راع المشاعر

	. . . بتسوق يعني بتسوق !! بس اذا ساقت وش هو الطموح القادم؟؟ تسلم ذائقتك يا شموووع قصيده هادفه من شاعر كبير

حيك ربي ياراع المشاعر
هي سايقه الله يصلحك منذو مبطي لكن الطاب مستور ...
الفارغين بيبحثون عن شي يملون فراغهم به
ومن قال يارب يسلم..
شكرا لمرورك راع ،،دمت بكل خير

	المشاركة الأصلية كتبت بواسطة خلف الجابري

	الحين طموحهم سيارات وبعدين طيارات!! شموع الغربيه سلم لنا ذوقك اختيار رائع وكعادتك متميزه. سلم فكرك وسلمتي كلك . ودمتي متألقه

حياك ربي استاذ خلف
الحلم درجة درجة،لكن القياده ماهي طموح
الذوق والتميز منك وفيك سيدي،نومن قال يارب يسلم ..
شرفت استاذ دمت بكل خير وسعادة ..

	المشاركة الأصلية كتبت بواسطة دمعة رجا

	شمووووعه سلمت ايديك وسلمت ذائقتك

ومن قال يارب يسلم ...
تشكرات يالغلا

	المشاركة الأصلية كتبت بواسطة كل الحكااااايه

	يسلمووو يالغلااا ....

وتسلمي ياحكايه ،هلا بك وين هالغيبه
مادري من الغايب لكن احس اني مطوله ماشفت لك تواجد