اش كثر بـ (افرح)

**راع المشاعر** ● · 30 / 10 / 2009, 00 : 09 PM

وش كثر يفرح هالشعر يوم يغنيك=وش كثر يفرح في مصافح لسانك
وش كثر يفرح يوم تقرأ شفاتيك=نبض المشاعر في تواصيف شانك
وش كثر يفرح يوم تسهر لياليك=تقراه وتعيده / يضمه حنانك
وش كثر يفرح يوم تزهر اياديك=عشق ايتربع في روابي جنانك
.
.
وش كثر ابفرح يوم تلفي بطاريك=البوصله وجهي / شمالي مكانك
وش كثر ابفرح يوم صوتي يناديك=وتقول له :لبييييه معك بزمانك
واعيش (حلم) يحققه قرب اهاليك=وباب السعاده ينفتح لي عشانك
واعيش معك سنين واسمع/ حكاويك/=ضحكك/عتابك/والشموخ بكيانك
وش كثر يفرح هالشعر يوم يغنيك=وش كثر يفرح في مصافح لسانك

/
/
/

**أبو خـ البجادي ـالد** ● · 30 / 10 / 2009, 14 : 09 PM

واعيش معك سنين واسمع/ حكاويك/
ضحكك/عتابك/والشمـوخ بكيـانـك
و اش كثر يفرح هالشعر يوم يغنيك
اش كثر يفرح في مصافـح لسانـك

الله الله عليك راع المشاعر ..

كتلة مشاعر وأحاسيس مرهفة ازدانت بها هذه الصفحة

أبيات تأسر المتذوق للشعر لجمالها وروعة اسلوبها .

أشكرك سيدي وصح لسانك ملايييييييييييين ...