كـل الأقـزام

البيت بيت الشعر لا جاك بأحكام = قام يتمثل فيه راع الجزيله

يغوص في قاع البحر عدة ايام = ويجيك بالؤلؤ عقب كم ليله

مع صافي المرجان واللي بالأحلام = يشيب راس الطفل لوهو يجيله

ماهيب فكرة واحدا ً صابه اهيام = تسوقه أوهامه ولا فيه حيله

ولا بعد ماحاولو كـل الأقـزام = صد العلوم الطيبه بالرذيله

جاتك على معنى هل العرف قدام = وكل تبين مابقى في حصيله

وأنا بعد بكتب على رؤس الاقلام = بيت ٍ يهيض كل منهو يشيله

في داخله معنى مقسم له اقسام = يعرف من الشعار من ينتميله

وختامها صلو على سيد الأنام = محمد اللي له صفات ٍ فضيله

فيصل العتيبي

( سهم القصيد )

..

يامرحبا بالسهم والقصيد والجزاله

الحمد لله عالسلامه واخر الغيبات ان شاء الله..

سهم

صح لسانك ابدعت يابعدي

قصيدتك جزله وانت جزل وهذا ماعودتنا عليه..

انت راع الجزله والمعنى يالعتيبي لاعدمناك

لاتحرمنا حضورك وابداعك


لك مني خالص الود...

خلف الجابري

الله يسلمك من كل شر

ويحفظك ويحفظ الجميع

صح بدنك

وشهادتك اعتز بها وعلى راسي

و كمايشرفني مرورك الرائع

الله يعطيك العافية

	المشاركة الأصلية كتبت بواسطة سهم القصيد

	وأنا بعد بكتب على رؤس الاقلام = بيت ٍ يهيض كل منهو يشيله

اهلاً وسهلاً باخونا سهم القصيد حياك الله والحمد لله على عودتك سالماً غانماً
ومن طول الغيبات جاب الغنايم
صح لسانك على هذه القصيده الجميله والجزله والرائع لا يرضى إلا بالرائع
وانت راع الجزله دائماً فشكراً لك
وتقبل مروووووووري ودمت سالماً

عزيزي سهم القصيد .. بعد التحية ،،،


دائما ماترمي بتلك السهام فتصيب فلا خيب الله لك رمية بها تصيد من يختال فيما بين مراتع الكلمات حتى تنسج من اجلنا اجمل مايجيش به خاطرك .. نعم اراك فارى زهو الكلمة وريان المعنى فلذلك اناشدك ان لاتحرمنا من جميل انت تحيك بردته سيدي ولذلك فالف شكر لك ...!!

فتى الجميزه

صح بدنك

ويشرفني مرورك الرائع

الله يعطيك العافية

محمد خميس

اشكرك على هذا المرور الرائع

ولك كل الود والاحترام

الله يعطيك العافية

...........

...

كلمات رائعه ومعبره

ابداع عهدناه من سهم القصيد


سلمت يداك ياعتيبي


...

في داخله معنى مقسم له اقسام
يعرف من الشعار من ينتمي له

الله عليك سهم القصيد

لقد أصبت في الوصف والتعبير ورسم الواقع ..

لله درّك ياشيخ وصح لسانك ..

اللهم صل علي الحبيب الهادي وسلم
بالمجمل ابدعت يالعتيبي ،مافيك حيلة
لله درك ،صح لسانك مليون ولايسدون
لاتبخل علينا فقرايح شعارنا صارت شحيحية
اتمنى ان ارى لك ابداعا اخر ،دمت بكل خير وسعاااادة