dmoo3 ad و عاشقة البحر وفطامي واي واحد خارج السعودية و الجميع الرجاء الدخول .....

السلام عليكم ....

موضوعي هذا هو عن قيادة المراة السعودية للسيارة ولكن بثوب جديد و فكرة جديدة .....

الفكرة هي : ان يدور نقاش مع الاخوان والاخوات من الدول خارج المملكة العربية السعودية والتي يسمح فيها بقيادة المراة للسيارة ...

نتمنى منهم ان يبدوا لنا رايهم وهل اعجبهم قيادة المراة للسيارة في بلدهم ؟؟؟؟؟؟؟؟؟

كما ان لهم ان يبدوا ملاحظاتهم بخصوص قيادة المراة السعودية للسيارة .

يحق للجميع المشاركة و سؤال الاعضاء غير السعوديين عن قيادة المراة للسيارة عندهم و يمكن للاعضاء ان يفعلوا ذلك عن طريق هذه الشفرة :

منتديات الوئام > المنتديات العامة > استراحة الاصدقاء > dmoo3 ad و عاشقة البحر وفطامي واي واحد خارج السعودية و الجميع الرجاء الدخول .... > اضافة رد او تعقيب على الموضوع .

يلا جاهزين ؟؟؟؟؟؟؟؟

ابدأ

تحياتــــــــــي ....

يالله
ابد أ انت:D :D

ابو عبدالله

فكرررررررررررررره رائعه

من واحد مثلك أروع

بس الله يهديك عندي ملاحظه

مالقيت إلا دموع وعاشقه وفطامي

حسبي الله عليك

هاذولي عليميات

مركز الشرطه عندهم تأذى من حوادثهم ومخالفاتهم

عندك دموع

مسجل عليها 9980 مخالفه في اسبوع

وصادمه طفلين وهندي

وبالعه 10 عواميد

أما عاشقة البحر

هاذي الله يسلمك تعرف ما تسوق إلا بواخر وسفن

ويوم ساقت سياره طلعت المجاديف من النوافذ :D

وقلعت اشارات المرور

أما فطامي يا كافي

حدث ولا حرج

950 حالة وفاة في يومين

وداخله على مطعم ماكدونلز بالسياره مع المدخل الرئيسي ، مو من نافذة خدمة السيارات

وصادمه دبابين

وخاشه في محل أي سكريم تحسبه مغسلة سيارات


يعني الله يهديك غلطت في العنوان

شفلك غير هالبنات:D :D :D :D :D :D

افتح الحوار بيتوجيه 3 اسئلة :
1- هل هناك عندكم حوادث كثيرة بسبب قياجة المراة الاماراتية للسيارة ؟؟؟؟؟
2- هل تعجب هذه الفكرة الرجال الاماراتيين ؟؟؟؟؟؟
3- اتمنى رايك في قيادة المراة السعودية للسيارة ...

تحياتي ..........

صح كلامك ماعرف اسوووق:D :D
***
المهم ابو عبدالله
قول الحوادث يعني مش نسبه كبيره ....على ما اعتقد
والفكره عادي يتقبلها اكثر الرجال نظرا لعمل المرأه ...وفي ناس ماتتقبلها
قيادة المرأه السعوديه...ما اعارض...لكن مجتمعكم ..مايتقبلها بسهوله واذا شافو وحده ساقت على ما اضن بيفكرون انها بدون اخلاق ...
هذا اللي اضنه

شكرا على استجابتك ومشاركتك ...........
مع انك ضحكتني :D :D :D :D :D :D :D :D :D :D

انا اخترت هذي الاسماء لاني اعرف انهم هم الاكثر تواجدا في الاستراحة .........

على العموم شكرا على النكت ..... :D :D :D :D :D


تحياتـــــــــــــــي ......

مراحب اعزائي ..

شلونكم انشاء الله طيبين .. اليوم بس عندي فرصه لزيارتكم وراح احاول ارد على اكبر قدر من المواضيع

بوعبد الله موضوع رائع ويعطيك الف عافيه ..انا سبق ورديت على نفس الموضوع بس لزيادة الفائده نرد مره ثانيه

قبل كلشي برد على هشوم واقول له العدد غلط انا ذبحتلي الف شخص بثلاث ايام .. شويه صح :D:D

حرام عليك انا قيادتي راكده (( جذابه )) عشان جذي امي ترفض تركب وياي :D:D

نبدا ..

اولا انا بالكويت مو بالامارات ولذلك ..

بالنسبه لقيادة المراه للسياره ممتازه عندنا لاننا مانتعطل ليما يترحم احد علينا ويودينا لقضاء حاجياتنا سواء من سوق او مستوصف او جامعه او عمل .. ومثل مانتو عارفين ان الرجل ليس متفرغ دائما لقضاء حاجة اهله لذلك لازم الوحده تنزرع شوي او تاجل شغلها كم يوم الى ان تجد احد يوديها ..اما اذا ساقت لاتحتاج لهذا التاجيل ..وتنتهي حاجتها بسرعه ويسر ..كما ان موعد المحاضرات مختلف تلاقي بين كل محاضره والثانيه مثلا اربع ساعات .. فاللي تسوق ترد البيت تالي تروح مره اخرى لما يجي موعد المحاضره اما اللي ماتسوق واعرف منهم وايد تضل مزروعه بالكليه بهالحر الى موعد المحاضره القادم تالي تنزرع مره ثانيه الى ان يطلع والده من الدوام عشان يجيبها !!!!

ثانيا .. بالنسبه للحوادث كل ديره فيها حوادث وللاسف نسبة الحوادث عندنا مرتفعه لكن الاغلبيه السبب فيها شباب وليس بنات بسبب السرعه والطياره الزايده .. يعني يمسكلك كورفت ولا موستنج ولاغيرها من هالسيارات الرياضيه ويطير ولا يهمهم احد .. واكثرية حوادثنا جايده للاسف وقاعده تروح عوايل بكاملها ..

بالنسبه لراي الرجال او الاهل .. مثل مانت عارف ان السياقه النسائيه قديمه عندنا موتوها عشان جذي هذا شي عادي وبالعكس اي والد مقتدر يشتري حق عياله اول مايخلصون الثانويه وينقبلون بالجامعه او بالمعاهد سياره تساعده على التنقل واستخدامها بالجامعه ومشاويره الاخرى سواء كانت بنت او ولد .. وانا اول ماخلصت الثانويه شرالي الوالد سياره نفعتني بدراستي وحتى لما اشتغلت ..

اما بالنسبه لرايي بقيادة المراه السعوديه للسياره مثل ما ذكرت سابقا اعتقد انها صعبه حاليا .. لانهم شايلين هالفكره من بالهم ويترالوالي مستحيل ان الاهل راح يوافقون للبنت انها تسوق سياره في البدايه على الاقل الىان ينتشر هذا الشيء ويصبح عادي ..

كما اني استشفيت من كلام الكثيرين لما كانو يطرحون هالموضوع انهم ماخذين فكره وايد غريبه ..

باعتقادهم ان المراه لماتسوق في السعوديه راح يلاحقونها الشباب على طول وراح تتعرض لمواقف او اذا صارلها بنشر لاسمح الله راح يصير فيها شي ؟؟؟!!!!

هالفكره غلط حقيقه صح ان البنت ساعات تتعرض لمضايقات لاكنها تمشي بحالها وماعليها بحد واللي يلحقها اذا شافها ماعطته ويه يمل ويروح !!
وانا شخصيا تعرضت لموقف مثل هذا مرتين تقريبا ..والحمد لله عدت على خير ..
وبعدين هالمضايقات ممكن تتعرض لها بالسوق وهي تمشي على رجلها صح ..

البنت الحين تقدر تدبر روحها وفي تليفونات نقاله تقدر تشتري واحد واذا صار لها شي بالطريق تتصل على اهلها وتنطرهم الى ان يجونها !!!

انشاء الله اكون كفيت الاسئله واسفه على الاطاله

شكرا لك على المشاركة وعلى الاستجابة ....

تحياتي

شكرا لك على المشاركة وعلى الاستجابة ....

تحياتي

انا الحين ابغا افهم : ليش ما احد يرد هل المنتدى كسول ولا ما اعجبكم موضوعي ؟؟؟؟

ووين الاخت dmoo3 ad ؟؟؟؟؟؟؟؟؟؟؟


تحياتي .....