كل يعزي و أنا .. روحي أعزيها ..

دقـات قلبي تزيد بحرة ٍ فيها . . . والدمع من مهجتي بالحزن ذرافي
من لوعة يا عسى ربي يجليها . . . حمى غشتني بغم وتنفض أطرافي
ليت الليالي تعود بحلو ما ضيها . . . هيهاتي ترجع بما روَّح وما طافي
كل ٍ يعزي وأنا روحي أعزيها . . . لرحيل أبوي اللي بالأفضال معطافي
آآآهـ من الوقت والدنيـا أثنِّيها . . . دنيا تفرق شمل بالحيل تنعافي
بسمتك يا والدي ما ني بناسيها . . . تضحك إذا شفتني بالخير متعافي
ليت العمر ساعته تنباع وأشريها . . . بأغلى ثمن يايبه للعمر تنضافي
مسجدك مشتاق للآية وتاليها . . . ومنبرك من عقب ما فارقت له طافي
غرشة دهن عودك بدرجك أغطِّيها . . . أشم ريحه وكنك مقبل(ن) لافي
نظارتك شلتها حزني يبكِّيها . . . حتى المساويك ناحت بين الأرفافي
وعصاك مسنودة(ن) جيت أبحاكيها . . . تقول يكفيني ما فيني ترى كافي
وبستانك اللي به النخلات تسقيها . . . يبست سواقيه تمره دون خرافي
يبه .. يبه .. يا يبه لمن بأطرِّيها . . . هني من له أبو حي(ن) وينشافي
فنجال قهوة معاك أوقات نغليها . . . ويضمني بالشتاء في مشلح دافي
همزت رجليك أنا أفدى مواطيها . . . أرجي لبرِّك عسى ما تشكي خلافي
الارض ضاقت علي باوسع فيافيها . . . ماذقت نوم هني والانس متجافي
فضايلك يا يبه عجزان أوَفِّيها . . . لو وصلت بالشعر بيت الألف من قافي
يا ربي تجعله للفردوس ناصيها . . . ومن ثمار الجنان الاخضر قطَّافي




.............. ~ { سعد الطلحة

...................

...

غفر الله لوالدينا ولجميع اموات المسلمين


كلمات معبرة ومؤثرة ياحور



سلمت يداك


...

قرأتها لكن لم استطع سماعها عندما انشدها
رحم الله والدينا وغفر لهم وجمعنا بهم بمستقر رحمته
سلمت يمنااااك ياحووور ،عواافي ياخيه

رحم الله موتانا وكل موتى المسلمين

قصيده رائعه ومؤلمه

:

سلمت يدينك حوير وسلم ذوقك خيتو

اللهم اغفر للمسلمين والمسلمات
والمومنين والمومنات الاحيا منهم والاموات
الاخت الكريمه حور شكراً لكِ على نقل هاذي القصيده المعبره
للمنشد سعد الطلحه سلمت يمينك وسلم فكرك وذوقك وكلكِ ذوق
يااااااااااااا ذوووق وتقبلي مروري

..
كلمات فعلا مؤثره ومؤلمه

المتألقه دائما حوووور

سلم ذوقك وسلمتي كلك ولاعدمنا حضورك المميز

لك تحيه

	المشاركة الأصلية كتبت بواسطة حووور

	يا ربي تجعله للفردوس ناصيها . . . ومن ثمار الجنان الاخضر قطَّافي

وجميع موتانا وموتى المسلمين
اللــــــــــــــهم آمين


ابدعت في الانتقاء ياحووور
شكرا لك

قصيدة رثاء مؤثرة صيغت بمشاعر صادقة

رحم الله موتى المسلمين ..

ومشكورة اخت حور ..

رحم الله موتانا وموتى المسلمين
وصح لسان شاعرها قصيده معبره
تسلمين ياااذوووق

الله يرحم امواتنا واموات المسلمين