أبو زيد الهلالي وابن اخته عزيز..

قصة أبو زيد وابن اخته الفارس عزيز بن خالد
:
:
اراد ابي زيد الهلالي ان يرجع اللي زوجته لانه كما نعلم ان ابا زيد سافر وترك زوجته عند اهلها والمعروف عند العرب اذا غاب الزوج عام او اكثر فيحق للزوجه طلب الطلاق من زوجها ..لانها لا تعلم اذا زوجها ما زال على قيد الحياه او مات....فقرر اهل عليا زوجة ابي زيد الهلالي تزويجها فعلم ابا زيد بقصة تزويج عليا..فاراد اختبار شجاعة ابناء اخته لكي يرافقه اقواهم واشجعهم اللي ديار عليا ...فمتحنهم جميعهم ولم تعجبه شجاعتهم .....اعجبته شجاعة ابن اخته الاصغر ويدعى ((عزيز بن خالد)) وقال لاخته انه سوف ياخذ عزيز معه الي البصره لكي يتاجرو فيها ولم يقل لهم انه عزم الذهاب الي عليا ....فذهبو الي عليا ووصلو قبل زواجها بيومين........فقضو هناك مده وودعوا عليا ليرجعو الي تونس وهم في طريق العوده في صحراء واسعه قاحله ادركهم العطش فعرجا على بئر فادلو دلوهم وعاد الدلو فارغ من الماء لان البئر مهجوره .....فاراد ابوزيد النزول داخل البئر الا ان عزيز طلب منه عدم ذالك ونزل عزيز بنفسه وحينما وصل اللي اسفل البئر قام بحفر حفرة في ارض البئر عله يصل الي عين الماء واستمر بالحفر حتى ظهر له الماء فبشر خاله ابا زيد بوجود الماء فادلى ابو زيد دلوه ليملاها عزيز واذا بثعبان خرج من احد جوانب البئر ولدغ عزيز فأن عزيز بصوت سمعه ابا زيد وقال له
:
:
ياخالك اسمع في البير اختباطه
عساك منها يافتى الجود سالم
:
فاجابه عزيز بن خالد
:
:
انا سالم لو ما ازرق الناب صابني
ضربنـي بنابـه واتقـى بالردايـم
وانا سالم يلين اسقيك واسقي ركابك
ومن ارقط الجنحان مانـي بسالـم



فقال ابا زيد
:
ياولد جاك الرشاء واحتزم به
ندور مع البطحا رجال همايم


فاجابه عزيز بن خالد
:
ما اظهر يلين ارويك واروي ركابك
واخلي الما من على الحوض عايـم

:
وبعد ما ملاء ابو زيد الاحواض وشربت رواحلهم وملاء الماء القرب وقام باخراج عزيز فقال عندها عزيز وهو في اخر رمق من حياته
:
:
يا خـال البـوح والنـوح خلـه
ووسع بقبري يا بـري العتايـب
وقم حط قبري براس برقا طويله
وسيفي ورمحي حطها لي نصايب
لعل بنـات بنـي هـلال يجنـي
ويجذن على قبري روس الذوايب
في ذمتك يا خال ابنـي الصغيـر
يلعب مع الصبيان وابوه غايـب
وفي ذمتك يا خال من هبش برمه
لافـاح جانبهـا ولافـاح جانـب
وفي ذمتك ياخال من ضربة العصا
او نهرة تخلي ضلوعـه حنايـب
وقولو لبنت امي تغطى وتستحـي
لاجو لها الوراث فوق النجايـب
وقولو لبنت العم ترحـل لاهلهـا
حرمن عليها اليوم شوف الحبايب

:
ولعزيز روايه تختلف بعض الشئ البسيط
يا خال عمّق حفرة القبر بالثرى
000000000000 وسيفي و رمحي حطها لي نصايب
ليّا سباع البر تنهش طوارفي
00000000000 تروح من بين الضوراي نهايــــــب
لعل بني هلال ينصون قبري
000000000000 ويجذن عليّ منقضات الذوايــــــب
يا خال أبودعك غرٍ من الصبا
000000000000 يلعب مع الصبيان وأبوه غايـــــب
من ولية شينه ومن ضربة العصا
000000000000 ومن نزرة تودع فؤاده حطايـــــب
وقولوا لبنت أمي تغطى وتستحي
000000000000 لا جالها الوارث فوق النجايــــــب
وقولوا لبنت العم ترحل لاهلها
000000000000 حرّم عليها اليوم شوف الحبايــــب

فقام ابو زيد ودفن عزيز بعد موته وواصل المسير الي داره......وحينما وصل ابو زيد الي تونس وحط رحاله جائته اخت عزيز الكبرى وسالته عن اخيها قائله((وين عزيز يا خالي))فاجابها
:
عزيز في البصره يبيع ويشتـري
ومن طول الغيبات جـاب الغنايـم
ولابـد منهـا يلفـي بهجـمـه
ويطرح عليها من اللحون العجايب

وجائته الثانيه وقالت له سائله عن اخيها فاجابها بما اجاب الاولى,,,,,ثم جائته اخت عزيز الصغرى ورات كتابه على طرف الراحله وقراتها واذا هي الابيات التي قالها عزيز قبل موته لخاله فقالت معارضة لخالها
:
لو عزيز بالبصره لافى بهجمته
ماكان ابو زيد عنهـا بغايـب
ولو عزيز حي جتنـا علومـه
مع الطير ولا ذاريات الهبايـب
لكن عزيز صفق البين دونـه
وعزي لمن هالو عليه الترايب
ولو عزيز حـي جانـا كتابـه
ولا مارية المقتول غير الكتايب
يامهرة المجنب كوني جنيبـه
من بعدما كانت عليك الجنايب
:
:

فعندها انشد ابو زيد قائلا
:
:
يقول ابـو زيـد الهلالـي سلامـه
وطير النيا حكـم بقلبـي المخالـب
من البعـد والفرقـا يامـا اصابنـا
كحال شخصـن فارقـوه الحبايـب
وكتبت على صدري مسايـل كثيـره
خيـام وسلطـان وقاضـي ونايـب
لابد من قاضي يشرع الحكـم بيننـا
ويبين للمغلوب مـن لـه الغلايـب
تعذبنـي بالبعـد والبـعـد خيـبـه
وان طال عمر المرء شاف المتاعب
رحنـا جـدى عليـا ثمانيـن ليلـه
ماكنهـا عنـدي ثـمـان قـرايـب
عشرين وحنـا فـي بـلاد المعـزه
وعشرين وحنا في بـلاد الغرايـب
وعشرين وحنا نلطم العيس بالعصـا
وعشرين وحنا في ظهور الركايـب
وليله وفا التسعيـن حنـا ضوينـا
والهجـن قدهـن قاسيـات تعايـب
وثب لهـا ولـد الهلالـي وجابهـا
على ضو القمر تجري بخيط القطايب
وبتنا وبـات الطيـب ينـذر بيننـا
ويا ما حلى الاطياب بيـن الحبايـب
يحدابنـا المقـدور ليلـة زواجهـا
والاشوار منها مغطيـات وصايـب
وخمسة ليال ونحـن بديـار عليـا
ولاتنفع الاحـذار وان حـل نايـب
واخفيت انا الليـل والليـل الاخـر
ووش يمنع المكتوب اللي بالكتايـب
تسمي عجوز السـو تعـس بيوتنـا
كما ذيبة عسـت بـزرب العزايـب
وقومي يا بيضا من ورا البيت اندبي
وقولي غدى منا مزمـوم الركايـب
عزيز اللي سقى من المـاء رفيقـه
لاغبـت الغـدرا خشـوم الشعايـب
عزيز يكفي لـي ضوتنـا مصيبـه
منهو حضر منا ومن كـان غايـب
عزيز لي ما يلحـق العـود منكبـه
لو كان هندي من طـول الشطايـب
مات وعلـى قبـره دفنـت قربتـه
وخليتهـا تسقـي الارض الجدايـب
وحطيت على قبر الهلالـي جوختـه
وتركتهـا تـذري عليهـا الهبايـب
وكسرت على قبر الهلالـي خاتمـه
فـي موقـع ويخايلـه كـل لايـب
وعقرت على قبـر الهلالـي ناقتـه
وخليتها تعتـب حوالـي النصايـب
:
:
منقووول مما حفظ عندي سابقاً
ويعجبني أكثر الطرق الهلالي
سقى الله تغريبة بني هلال (:

قصص يتداولها الرواه عن ابا زيد الهلالي ومنها هذه القصة التي أول مرة اسمع بها

صحيح الطرق الهلالي معروف وله ميزة خاصة بين القصائد

فيه قصيدة سمعتها مرة من واحد يجرها على الربابة عن عليا

احاول ابحث عنها في العم قوقل وامسط بها هنا ..

شكرا شموووووووعة

على طول العم قوقل ما صدق على الله وجاب القصيدة ...

ابا العلا قدلي مع الدرب ناقتي
بحسناك والا ناد لي من يقودها


يقولون لي عليا نشاش دقاقـه
وانا اقول ريان من الغي عودها


ان وقفت دق العسيلي بوركهـا
وان دنقت ما رده الا نهودهـا



قولو لطراد الهوى يطرد الهوى
وانا كفيلك عن بلاوي حسودها

---------------------------------------------

ان وقفت دق العسيلي بوركهـا
وان دنقت ما رده الا نهودهـا

يا حياة الشقاء

الطرق الهلالي موسيقى بحاله ..

................

...

كثيراً ماااسمع بقصص وقصائد للهلاليه لكن هذي اول مرة اسمعها

وعندنا شايب كل سوالفه عن الهلاليه . والسالفة وقصيدتها ومن كثر سوالفه عنهم وحفظه لقصصهم اشك انه هلالي دخيل على القبيله ههههه


سلمت يداك ياشموووع على هذا الطرح المميز

	ان وقفت دق العسيلي بوركهـا وان دنقت ما رده الا نهودهـا يا حياة الشقاء

هههههههههههههههه
ايوالله ياحياة الشقا يالعسيلي
ههههههههه


خطر ببالي سؤال ..

الهلاليه قوم ابو زيد الله يكفينا شرهم
شعرهم على البحر الهلالي مدري الطرق الهلالي فقط ؟

	المشاركة الأصلية كتبت بواسطة أبو خـ البجادي ـالد

	قصص يتداولها الرواه عن ابا زيد الهلالي ومنها هذه القصة التي أول مرة اسمع بها صحيح الطرق الهلالي معروف وله ميزة خاصة بين القصائد فيه قصيدة سمعتها مرة من واحد يجرها على الربابة عن عليا احاول ابحث عنها في العم قوقل وامسط بها هنا .. شكرا شموووووووعة

حيياك ربي شيخي واستاذي ابو خالد
كنت أسمع هالقصه من والدي
وقراتها في كتاب طبعه قديمه عن التغريبه
هههههههههه وماأروعها من مسطه
العفووو استاذي شرفتني بحضورك
شكراً لك ،دمت بكل خير وسعادة

	المشاركة الأصلية كتبت بواسطة أبو خـ البجادي ـالد

	على طول العم قوقل ما صدق على الله وجاب القصيدة ... ابا العلا قدلي مع الدرب ناقتي بحسناك والا ناد لي من يقودها يقولون لي عليا نشاش دقاقـه وانا اقول ريان من الغي عودها ان وقفت دق العسيلي بوركهـا وان دنقت ما رده الا نهودهـا قولو لطراد الهوى يطرد الهوى وانا كفيلك عن بلاوي حسودها --------------------------------------------- ان وقفت دق العسيلي بوركهـا وان دنقت ما رده الا نهودهـا يا حياة الشقاء الطرق الهلالي موسيقى بحاله ..

هههههههههههههههههه
سلمت يدااااك على هذه إضافة هذه المقطوعه الغزليه
عجيب وصفهم ...
بحثت عنها ملحنه ومالقيت الا شيلة وحده
يقولون مايحلى الهلالي عند البدو إلا على جر الربابه
:
وفعلا الطرق الهلالي موسيقى بحاله
وأهم مايميزه سلاسته العجيبة وجزالة معانيه
وأغلب ماكتب عليه هي حكم ونوادر
فهو يلامس الوجدان ويطرب السامع
:
شكرا لك ولإضافتك
دمت بكل خير

	المشاركة الأصلية كتبت بواسطة wafei

	................ ... كثيراً ماااسمع بقصص وقصائد للهلاليه لكن هذي اول مرة اسمعها وعندنا شايب كل سوالفه عن الهلاليه . والسالفة وقصيدتها ومن كثر سوالفه عنهم وحفظه لقصصهم اشك انه هلالي دخيل على القبيله ههههه سلمت يداك ياشموووع على هذا الطرح المميز هههههههههههههههه ايوالله ياحياة الشقا يالعسيلي ههههههههه خطر ببالي سؤال .. الهلاليه قوم ابو زيد الله يكفينا شرهم شعرهم على البحر الهلالي مدري الطرق الهلالي فقط ؟

حياك ربي استاذي وافي
كيف الوصول إليه ،مايمديني اجيه واسمع منه ):
ودام علمه علم الاولين فهو كنز ..
الله يلوم لايمه بالهلاليه ..
:
ربي يسلمك استاذي،ومالتميز الا بحضورك
هههههههههه
يبغى لنا نرجع للموسوعه النبطية ونبحث
لاأعلم لكن جل ماقراته عليه ،فشعراء بنو هلال تميزوا بهذا الطرق واشتهروا به
وحتى من اتى بعدهم لم يضيف اليه سوى شي بسيط بالمعاني وبقي وقتاً طويلاً
:
شكراً لك ولحضورك استاذي
شرفتني ،دمت بكل خير وسعادة

..
اشهد انك ماقصرتي يالاميره

قصه وقصايد ممتعه والهلاليه دواهي شعر وقوه ولا يتكلمون الا بالشعر.

بس ماادري وينهم اللحين يعني خلاص خلصوا هههه مالهم بقيه انا حالف اني اتزوج هلاليه <<<هلاليه ولا نصراويه

شموع ياشموع تسمعيني ولالا اشهد لله انك جزله وشامخه وجعل ابوك للجنه اللي رباك وماشالله عليك ..

من اشوف الموضوع باااسمك والله اني اراهن عليه..

دمتي ودام ابداعك وشموخك ايتها الشامخه وسلامي عليك

..
اشهد انك ماقصرتي يالاميره

قصه وقصايد ممتعه والهلاليه دواهي شعر وقوه ولا يتكلمون الا بالشعر.

بس ماادري وينهم اللحين يعني خلاص خلصوا هههه مالهم بقيه انا حالف اني اتزوج هلاليه <<<هلاليه ولا نصراويه

شموع ياشموع تسمعيني ولالا اشهد لله انك جزله وشامخه وجعل ابوك للجنه اللي رباك وماشالله عليك ..

من اشوف الموضوع باااسمك والله اني اراهن عليه..

دمتي ودام ابداعك وشموخك ايتها الشامخه وسلامي عليك

	المشاركة الأصلية كتبت بواسطة شموع الغربية

	هههههههههههههههههه سلمت يدااااك على هذه إضافة هذه المقطوعه الغزليه عجيب وصفهم ... بحثت عنها ملحنه ومالقيت الا شيلة وحده يقولون مايحلى الهلالي عند البدو إلا على جر الربابه : وفعلا الطرق الهلالي موسيقى بحاله وأهم مايميزه سلاسته العجيبة وجزالة معانيه وأغلب ماكتب عليه هي حكم ونوادر فهو يلامس الوجدان ويطرب السامع : شكرا لك ولإضافتك دمت بكل خير

صحيح الطرق الهلالي صعب تلحينه فقط يجي أحيانا على شكل شيلة

لكن على الربابة شيء عجيب

لو أعرف أنزل فديو وتسمعينها كان خليتك تقضين على علبة مناديل تمسحين دموعك

بس انتي محظوظة

بعد الواحد هالأيام يبكي من خشية الله مو على صوت ربابة

وتشكراتي شمووووووووووعه