يامتعب القلب قلي ويش غلطاتي

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لجلك حروفي لـو أذللها ’’

عذبني الشوق واسرفـت بخيالاتـي ,,
نفس تحبك دخيلك ليه .. تهملها ’’

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تجلهـا ’’

سنين احاول وضاعت كـل حيلاتـي ,,
ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,
اتعبت روحي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’

للشاعر "بدر الحربي"

.

.



والحين جيتك ابمسح كـل غلطاتـي ,,
دنياي دونـك وربـي ماتحملهـا ’’.

.

آآآآيه والله مااااااااااااا أتحملها

تسلمي ياغناتي على النقل

وصح لسان بدر الحربي.

.

.


.

تسلم يا غناتي لاهنت

لاجيتك أسال وادوّر فيـك ضحكاتـي=كنك تعمد بيديـك اليـوم .. تقتلهـا

تسلمـ يمينكـ يالشـامـخـه

وصح لسـآن الحربي

::

لا تترك الظـن يلعـب باحتمالاتـي
الكلمه اللي تحزّ بخاطـرك. قلهـا


الله عليك الشامخة

حلّقت بنا في سماء الإبداع الشعري الراقي

من خلال هذه الأبيات ,,

صح لسان الشاعر ..

وتسلم اناملك ,,,

	المشاركة الأصلية كتبت بواسطة المتهور

	لاجيتك أسال وادوّر فيـك ضحكاتـي=كنك تعمد بيديـك اليـوم .. تقتلهـا تسلمـ يمينكـ يالشـامـخـه وصح لسـآن الحربي ::

يسعدك ربي ويعافيك

لاهنت على المرور

الله عليك الشامخه قصيده وابيات رائعه
شكرا لك0

8

العفوووووو
اخوي لاهنت

,,

	ياليتك إشوي تشعـر فـي معاناتـي ,, دنياك يمكن عليك تضيـق باكملهـا ’’ الحزن كنه سفيـري فـي علاقاتـي ,, والهم خيّم على حالـي .. وطولهـا

آآآآيه وطولها


صح لسان شـــآعرها وسلمت يدآآك عزيزتي



,,

الشامخه


صح لسان الحربي


ولاهنتِ على الاختيار الراقي




دمتِ بخير