![]() |
#1 | |||||||
مدير المنتدى العام
![]() ![]()
شكراً: 16
تم شكره 75 مرة في 68 مشاركة
|
![]() بعد أن طرح عبدالله موضوعاً يتعلق بالحوار الناجح، اتصل الأستاذ وافي بعبدالله في الوئام وطلب منه يجي له في مكتبه. وصل المكتب، وكانت هذي أول مره يشوف المدير بدون تكشيرة. وافي: عارف كم لك سنة في الوئام؟. عبدالله: حوالي سبع سنين .. ليش تسأل؟ وافي: لأنه هذي أول مرة تكتب موضوع معقول. عبدالله: شكراً طال عمرك (طبعاً ما يحب يترك اللكاعة) .. يعني فيه علاوة علشان هذا الموضوع؟ وافي: صحيح أنك ما تنعطى وجه ... على فكرة أنا قررت أطبق الأشياء اللي أنت ذكرتها في موضوع الحوار. عبدالله: ما شاء الله .. كويس (يتمتم بينه وبين نفسه: مستحيل تترك طبعك برمي الدباسات وقوارير الماء)، وافي: وش فيك تكلم نفسك؟ عبدالله: كنت أقول: ممتاز ... وش رأيك طال عمرك تسوي لي حفل تكريم علشان موضوع الحوار؟ وافي: الصراحة أنا ودي من زمان أحتفل بأبو خالد، الفتى، رانيا بمناسبة انجازاتهم، وأي أحد ثاني يستأهل. عبدالله: من رائي أنك تسوي لي حفلة في الفندق وتعزم مندوبي الصحف، وافي: والثانين (رانيا، أبو خالد، الفتى) ما لهم رب؟ عبدالله: جيب لهم كيكة صغيرة وكم علبة بيبسي وقلّهم شكراً ... وخلاص. وبدون أن ينطق وافي بأي حرف .. لقط خرامة الورق ورماها على عبدالله ولكنها أخطأته مع الأسف. .... مما أثار الغيرة عند عبدالله أكثر أن وافي أصبح يعتمد على رانيا وخاصة بعد أن كان لها دور رئيسي في تطوير الوئام مؤخراً، ولهذا فكّر أن "يخرّب" بينهما. واستغل فرصة هطول الأمطار الأخيرة ودخول شيء قليل من مياه المطر إلى مكتب رانيا من تحت باب المكتب، وذهب إلى مكتبها صباحاً لمساعدتها للتخلص من تلك المياه، وبعد أن انتهى قال لها: اسمحي لي يا أستاذة رانيا. رانيا بكل أدب: تفضل، :أنتِ إنسانه مهمة جداً في الوئام، تتعبين نفسك في عملك، ولكن مع الأسف وافي ما يقدر جهودك، رانيا: أبداً، أنا ما شفت منه إلا كل تقدير واحترام. : وين هذا التقدير وهو يخلي الأمطار تدخل مكتبك بدون ما يركب لك "عتبة" صغيرة ما تكلف 50 ريال تمنع دخول الماء لمكتبك من تحت الباب؟، .. واللي يقهر أنه "مضبّط" مكتبه على الآخر! رانيا: يمكن هو ما توقع يصير هذا الشيء. : ما دام هو المسئول لازم يتوقع ... طيب ليش ما مر على المكاتب يتفقدها بعد المطر؟ بس فالح يعطي أوامر. رانيا: يمكن مشغول. : لا مشغول ولا شيء .... قبل ما أجيك كان يتفرج على المصارعة في التلفزيون، (مرة ما يحب الفتنة) ... أنتِ لازم تقولين له على السيول اللي دخلت عليك مكتبك ... يمكن لا قدر الله يصير لك شيء بسببها. (ما أعطته وجه ... ورجعت تشتغل بأوراقها) خرج من مكتب رانيا واتجه إلى مكتب بنت المالود وهي جالسة تدوّن خواطرها. ..... : صباح الخير طال عمرك أختي. المالودية: صباح النور .. أي خدمة. : شكراً ... الله يعطيك العافية ... حبيت أعرف كيف شايفة مكان مدونتك ... أنا حاسس أن المكان صغير عليك. المالودية: هو صحيح صغير شوي ... بس يمشّي الحال. : كأني سمعت أن وافي ناوي يقسم هذا المكان قسمين .. يخليك في قسم والقسم الثاني يخليه مستودع للمنظفات. المالودية: ما قال لي شيء ... وبعدين هو صاحب القرار. : معروف أنه صاحب القرار بس لازم يكون عادل ... يعطيكم نفس المساحات ... وبعدين المنظفات عبارة عن مواد كيميائية يمكن تأثر لا سمح الله على صحتك ... اقترح عليك ما تسكتين له (برضه ما يحب الفتنة). المالودية بأدب: إن شاء الله ما يصير إلا الخير. : أنا نبهتك ... وأنتِ حره. .... خرج من مكتب المالودية، وعند مدخل الوئام قابل أبو خالد جاي من مواقف السيارات، سلّم على أبو خالد وقال له: كويس أني قابلتك يا شيخنا. أبو خالد كان جاي من مكتب العقار ومعصّب: خير .. وش فيه؟. : أبداً ما فيه شيء، بس وافي يقول أنك ما تداوم .. وأن دوامك على كيفك .. تجي يوم وخمسة ما تجي. أبو خالد: ما أظن وافي يقول هذا الكلام. : وافي يقصد أنك تداوم متى ما بغيت .. أبو خالد: أنا أعرف وافي زين .. ما يقول هذا الكلام. : تحب أجيب لك شهود؟ أبو خالد: خليني أنا ووافي نتفاهم. : عموماً أنا بلغتك .. وأنت حر يا أبو خالد. ..... وعلشان يكملها قابل حارس المنتدى البنغالي (أبو الكلام) وقال له: المدير يقول إن راتبك من هذا الشهر هو 400 ريال، أبو الكلام: أنت أيش هذا كلام؟ : أقول لك المدير يقول إن راتبك راح يصير 400 ريال بدال 1500 ريال. طلعت عيون أبو الكلام نصف متر قدام بعد ما فهم الكلام وقال: أنا فيه روح أقتل مستر.قال عبدالله: روح له بسرعة تراه لحاله في المكتب. ...... بعد ذلك غادر عبدالله إلى بيته مرتاح البال متوقعاً أن يجي بكره ويلاقي أن البحر صار طحين. اللي صار ان الجماعة تواصلوا مع وافي وبلغوه بكل أدب عن الملاحظات اللي ذكرها لهم اللي ما يتسماش، وقال لهم وافي : أعتذر لكم عن اللي سواه المدعو عبدالله ... بكره حيكون أخر يوم له في الوئام، وإذا بغيتوا أني أسلمه للشرطة ترى ما عندي مانع. قالوا كلهم: لا .. لا تكلم الشرطة ... يكفي أنك تفصله علشان ترتاح ونرتاح. ....... في المساء مرّ عبدالله على المستشار خلف، وحكى له عن إنجازاته (الفتنة) اللي سواها في المنتدى. قال له خلف: شيء جميل اللي أنت سويته ... بس أنت ما تضمن وش يصير .. علشان كذا اتصل على بابكر العملاق وخليه يجي الليلة عندك، وخليه يتعشى كويس علشان يروح معاك بكره للوئام. ...... في صباح اليوم التالي كان الأستاذ وافي في مكتبه من قبل بداية الدوام بساعتين ينتظر وصول "اللي ما يتسماش" بكل حماس حتى يتشفّى منه، ويبلغه قرار الفصل بدون مكافأة نهاية الخدمة. ومع بداية الدوام وصل عبدالله لتوقيع الحضور عند الأستاذ وافي في مكتبه، وخلى بابكر العملاق ينتظره خارج المكتب. بمجرد ما شاف الأسد (وافي) الفريسة (عبدالله) يدخل المكتب حتى أنفجر فيه " أنت سويت كذا، وسويت كذا، .....". بعد دقيقتين قال له عبدالله: الزبدة ... وش المطلوب مني؟. وافي: المطلوب تشيل أغراضك من هنا ... وتغادر المنتدى خلال نصف ساعة ... تراك مفصول وبدون مكافأة نهاية خدمة. قال له عبدالله لحظة لو سمحت ... وخرج ونادى السيد با بكر العملاق وطلب منه يدخل المكتب. وهنا تغيّرت الأحوال، فقد تعطلت لغة الكلام عند وافي لمدة دقيقة. قال عبدالله مخاطباً وافي: كأني سمعتك تقول أني مفصول ... ما أدري هذا صحيح ... ولا أنا سمعت غلط؟ رجعت لغة الكلام لوافي وقال: يا شيخ .. أنت ما أحد يمزح معاك! ... أنا كنت أبغى أشوف ردة فعلك مثل جماعة الكاميرا الخفية. عبدالله: بس حبيت اتأكد ... تأمرني بشيء قبل ما أروح لمكتبي. وافي: سلامتك ... روح والقلب داعي لك .. الحين أرسل لك الشاهي والفطور. خرج عبدالله وهو يدعي للمستشار الرائع خلف الله يطول بعمره. ..........
|
|||||||
|
||||||||
![]() |
![]() |
#2 | |||||||
الدعم والتطوير
![]() ![]()
شكراً: 131
تم شكره 87 مرة في 81 مشاركة
|
![]()
اجل شغال فتنة بيننا ها
![]() سلمت ع القصص الممتعة والجميلة اخي عبدالله وسلم نبض قلمك وبورك في يراعك ولازلنا ننتظر السفرة الجاية ![]() ~ |
|||||||
فالرُّوحُ للرُّوحِ تدري من يُناغمُها
|
||||||||
![]() |
![]() |
#3 | ||||||||||||||||||||||||||||
مدير المنتدى العام
![]() ![]()
شكراً: 16
تم شكره 75 مرة في 68 مشاركة
|
![]()
لا فتنة ولا شيء من هذا القبيل ...
هذا من باب الحرص على راحتكم. إن شاء الله ندبر سفرة قريباً، بس ما أعرف إلى وين؟ الله يسلمك ويسعدك أختي المتميزة رانيا. |
||||||||||||||||||||||||||||
|
|||||||||||||||||||||||||||||
![]() |
![]() |
#4 | |||||||
" شاعر "
![]() ![]()
شكراً: 3
تم شكره 127 مرة في 118 مشاركة
|
![]()
حوار جميل ورائع وممتع وأبداع من كاتبنا المتميز والمبدع
أخي الحبيب عبد الله أشكرك على خيالك الواسع وأسلوبك الجميل في كتابة القصة ومعرفة كيفية صياغة مضمونها هذا وتقبل تحياااتي وصادق تمنيااااتي لك بالسعادة والتوفيق |
|||||||
سبحان الله وبحمده
|
||||||||
![]() |
![]() |
#5 | ||||||||||||||||||||||||||||
مدير المنتدى العام
![]() ![]()
شكراً: 16
تم شكره 75 مرة في 68 مشاركة
|
![]()
أسعدك الله أخي الحبيب فتى الجميزه،
وتقبل جزيل شكري وامتناني لحسن ظنك وتشجيعك. دمت بحفظ المولى. |
||||||||||||||||||||||||||||
|
|||||||||||||||||||||||||||||
![]() |
![]() |
#6 | |||||||
مدير عام المنتديات
![]()
شكراً: 264
تم شكره 102 مرة في 99 مشاركة
|
![]()
هههههههههه
حووار جميل لكن الدور اللي يقوم به الاستاذ عبدالله مرررة مو لايق عليه حاولت من هنا ومن هنا اعدل ابدل بشخصيتك والانطباع اللي اخذناه عنها مرررة مرررة ماهي لايقة ولاهي متوافقه الدور ع الشخصية ![]() مبدددع في الأسلوب القصصي ياابو عابد سلمت يداك ... |
|||||||
...
|
||||||||
![]() |
![]() |
مواقع النشر (المفضلة) |
الكلمات الدلالية (Tags) |
حوار, وافي |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|