لا حاجة ٍ لي بك ولا لك حاجة ٍ فيني ؛.

؛.؛



إشتاق لك قلبي كثِـر ما جيت في بالك

............................... شف ما إذا بالك تـكـرّم ..وانشغل فيني !!


تنشد وصالي.. والهوى مقطوع بوصالك؟؟

............................... لاوانت من زين الطبايع تسألَه : ويني؟!


أمداك تنسى جيـّــتك يوم انت يرثى لك

............................... وخليت لك عزّ ْايتمــنــّونه سلاطيني !!


ولــْبسْت لي وجْه ٍ بـ لون ٍ أسود ٍ حالك

............................... ولبست لك نور ٍ توهـّج في شراييني !


سبحان ربي .. في الكِذِب يا ضعفها حبالك

............................... وشلون تقوى مثلــها حدّة سكاكيـني !!


انت الذي أحسن خصالي بالوفا جا لك

............................... وانت الذي ما خذت منـْـك إلا ثقل طيني !!


مابيك يا حظي وفال الله ولا فالك

............................... دام الكرامة حطها الله بينك وبيني


رح للغباء اللي سِكنك ونوِّخ ِاْجمالك

............................... لاصرت منتب كفو تسكن بساتيني


إحلم حبيبي بالقمر لامن تهيـّالك

............................... لا طايل ٍ شوفي ولانـتــب مالي ٍ عيني !!


ياخي من التوبيخ تكفى هـِـزّ فنجالك

............................... تدري كريمه عاد لا صبّـيت .. يا شيني !!


لولاي اخاف اللــه ماخليك في حالك

............................... لافضح رداك ومن شعَـلني لاااا يطّـفيني !!


إن كان كـل الرجــال تــشابه افعالك ؟؟

............................... الحـــمـــد لله... خلقني بنت من حيني


ودّعتك المعبود في حلـِّـك وترحالك

............................... لا حاجة ٍ لي بك ولا لك حاجة ٍ فيني






للشاعره .. ؟؟؟؟




؛.؛

الله الله
يا سلام عليك يا زهور ..
اختيار موفق لأبيات عذبة وجميلة ..
تسلم الايادي .. ودام الذوق الراقي ..

إعجابي وتحيّتي

ن كان كـل الرجــال تــشابه افعالك ؟؟

الحـــمـــد لله... خلقني بنت من حيني


ودّعتك المعبود في حلـِّـك وترحالك

لا حاجة ٍ لي بك ولا لك حاجة ٍ فيني

زهور الغرام
اختيار موفق

الله يعطيك العافية

زهور الغرام
كلمات اكثر من رائعه واختيار موفق
اعجب كثيرا عندما اقرا مشاركه جيده سواء هي من بنات افكار الكاتب او منقول لكاتب اخر ولك فائق الاحترام
اخوك د ساري الرياض

..


محمد السبيعي ؛.


يسلمكـ ربي ويخليكـ لعين ترجيكـ .. حظوركـ محبب للنفس ..



شكراً لك ..



..

..


نبض الووئـام ..



آسعدتني آطلالتك المميزه ..



شكراً لكِ ..



..

..


د/ ساري



لك مني فآئق الاحترآم .. آسعدني تشريفك ..



شكراً لك ..




..