لابســـــــــــات الــــــغــدافــــي . . .

هذه القصيدة سندتها على اخي شقيقي نواف ...وقد اعفيته عن الرد





نواف يالمـمدوح ماشفـت خلي … ابـوعيـــون اوسـاع والرمـش ظافي
لامن نظـر لي حـد سيف يسلي … يتـعب عيـــــوني بالنـظر والشغافي
وابو جديل فوق الامتــان هـلي …هاف الحشا راع الثــــمـان الرهافي
وابو وسيطٍ عــود مــوز بـظلي … يمـيل مع هب الهـــــــواء بنـعطـافي
الي يتـل القـلب ياخـــــوي تلي ... هو منــــوتي من لابســات الغـــدافي
يوم التوى ياخوي حبله وحبـلي ... تشـاقــرت رجـوى الهوى والميهافي
ليته من الاقـراب او هو هللي … مـلكت احبـاله على كل نــــــــــــافي
تداورت اهل الحسد والـعـذلي …كلٍ يشيـل الصـوت بأعـلى المـنــافي
يا مـالا فـرقى العين هذا محلي … يا لعـنبـو جـرحٍ عيتـه الــــــــــريافي


وسلامتكم . . .

..........

....

يا لعـنبـو جـرحٍ عيتـه الــــــــــريافي

هلا وغلا

مرااحب بالنشواان

حياك

وقصيدة راائعة جداً

كلمات ليست كالكلماات

ابدعت ياعزيزي

وكما هو منك الابدااع


تسلم

النشوان صح لسانك


وبارك الله فيك وفي اخيك


تحياتي

النشواااااان ..

حقيقة من اجمل ماقرأت لك

قصيدة جميلة ورائعة

ولا يستغرب ذلك من مبدع مثلك

تحياااااااااتي

وابو جديل فوق الامتــان هـلي …هاف الحشا راع الثــــمـان الرهافــــي
وابو وسيطٍ عــود مــوز بـظلي … يمـيل مع هب الهـــــــواء بنـعطـافي

اخوي العزيز النشوان
تحية طيبة
قصيدة جميله جداً وتسلم على هالكلام الحلو .. وشكرا لك . وسلامي الى اخوك العزيز نواف
المخلص متذوق

اخوي الووافي تسلم يالغالي وماعليك زود


اخوي السيف تسلم والله ...وشكرا على هالاطراء


اختي دنيا ...ممنون اختي ..وتسلمي يالغاليه

اخوي متذوق تسلم يالغالي ..وماعليك زود

صباح الكلمات الرقيقه
صباح الابداع
لشاعرنا النشوان

الله الله
رائعه اخوي

صح لسانك وتسلم الايادي
شـــــــــــــوق

تسلمي شوق ... هذا من ذوقك اختي ..

هلا بالنشوان..

قصيده جميله..صح لسانك..

لاكن لاتعفي نواف من الرد..نبي انشوف رده.

تحياتي لك.

جوال الليل ...ماعاد يمدينا اخوي كد قلناها ... لكن اوعدك ماراح اعفيه مره اخرى ...وتسلملي يالغالي ..