ورقة الحضــور

/

اختـار سمحـات الـدروب النظيفـه
اللي غسلها رايـح المـزن برشـاش

يمشونهـا قـوم النفـوس الشريـفـه
اللي ضمايرهـم نقيـة كمـا الشـاش

ابيوتهـم مثـل الحصـون المنيـفـه
ما هي لطير البوم غيران واعشـاش

واحلالهـم للضيـف دايـم مريـفـه
لو رجلهم يسرح ويضوي على مـاش

والرجـل منهـم مـا يخلـي رديفـه
إن ما ت مثله مات وان عاش له عاش

وان مات منهم رجـل عقـب خليفـه
يطعن نحور القـوم ويـرد الادبـاش

يعرف هدف روحه ويعـرف وليفـه
ما يعرف الخونـة ولا هـو بغشـاش

وليـا رزقـه الله بعـذراء عفيـفـه
ايحطها مـا بيـن نونـه والارمـاش

ماهو على الخفـرات يستـل سيفـه
وان طالعوا فيـه الرياجيـل ينحـاش

حلـو النبـا سمـح المحيـا لضيفـه
ويصير له خـادم مسخـر وفـراش

وان مـد مـا مـدت يمينـه قصيفـه
مدت يمينـه تبهـر الخبـل والـلاش

واليا هـرج تلقـى علومـه طريفـه
ما هـو لهفـوات المناعيـر منقـاش

وان شبت النيـران مـا هـو بليفـه
في ساعة الكربـة سـواي ورشـاش

سده بعيد ولا أحـد يعـرف غريفـه
ولا هو لعرض المكرم العرض نهاش

والشوك في جنبـه سـوات القطيفـه
إن كان ما له بيت مامـون وافـراش

ما يرتكي فـوق الخبـول الضعيفـه
اللـي ليـا حركتهـا قدرهـا طـاش

وان جـا نهـار كـل قـرم يعيـفـه
ما هو ليا ثارت على القـوم رمـاش

الكذب يعرف بيـن الأجـواد زيفـه
والصدق مثل السيف صاطي وحشاش

وصحيفتة يـا طيبهـا مـن صحيفـه
ولهـا مـن العقـال كاتـب ونقـاش

حـاز المراجـل والمراجـل كليفـه
الا على اللي كل مـا رامهـا هـاش

وان شاف له من جانب القـوم خيفـه
تلقـاه للخيفـة مهـاجـم وبـطـاش

الصدق والمعـروف والطيـب كيفـه
ويغبش لها مع طلعة الفجـر مغبـاش

للحمل مـا تلقـى جنوبـه صخيفـه
حوله بروق تعمـي العيـن وافـلاش

يصبر على جرحـه ويمسـح نزيفـه
طبه بشبه خير مـن طـب الاحبـاش

ولا هو كمـا سبـع سنونـه ضعيفـه
دايـم يلحسهـا وللعظـم عــراش

وان شاف له في غيبة النـاس شيفـه
ما هو بخبل لاخضر العـود قـراش

دنيـاه لـن صـارت ذلـول عسيفـه
طوع علهـيا كـل عاصـي ونفـاش

وان كان قفـت مـا عليهـا حسيفـه
ولا هو ورا هوج المعاصير قشـاش

وان جاع ما وقع كمـا طيـر جيفـه
وان عري ما يلبس سماليل وأخيـاش




والله ماادري لمن لكن صح لسانه وابدانكم وصباحكم خير



/

	المشاركة الأصلية كتبت بواسطة wafei

	/ اختـار سمحـات الـدروب النظيفـه اللي غسلها رايـح المـزن برشـاش يمشونهـا قـوم النفـوس الشريـفـه اللي ضمايرهـم نقيـة كمـا الشـاش ابيوتهـم مثـل الحصـون المنيـفـه ما هي لطير البوم غيران واعشـاش واحلالهـم للضيـف دايـم مريـفـه لو رجلهم يسرح ويضوي على مـاش والرجـل منهـم مـا يخلـي رديفـه إن ما ت مثله مات وان عاش له عاش وان مات منهم رجـل عقـب خليفـه يطعن نحور القـوم ويـرد الادبـاش يعرف هدف روحه ويعـرف وليفـه ما يعرف الخونـة ولا هـو بغشـاش وليـا رزقـه الله بعـذراء عفيـفـه ايحطها مـا بيـن نونـه والارمـاش ماهو على الخفـرات يستـل سيفـه وان طالعوا فيـه الرياجيـل ينحـاش حلـو النبـا سمـح المحيـا لضيفـه ويصير له خـادم مسخـر وفـراش وان مـد مـا مـدت يمينـه قصيفـه مدت يمينـه تبهـر الخبـل والـلاش واليا هـرج تلقـى علومـه طريفـه ما هـو لهفـوات المناعيـر منقـاش وان شبت النيـران مـا هـو بليفـه في ساعة الكربـة سـواي ورشـاش سده بعيد ولا أحـد يعـرف غريفـه ولا هو لعرض المكرم العرض نهاش والشوك في جنبـه سـوات القطيفـه إن كان ما له بيت مامـون وافـراش ما يرتكي فـوق الخبـول الضعيفـه اللـي ليـا حركتهـا قدرهـا طـاش وان جـا نهـار كـل قـرم يعيـفـه ما هو ليا ثارت على القـوم رمـاش الكذب يعرف بيـن الأجـواد زيفـه والصدق مثل السيف صاطي وحشاش وصحيفتة يـا طيبهـا مـن صحيفـه ولهـا مـن العقـال كاتـب ونقـاش حـاز المراجـل والمراجـل كليفـه الا على اللي كل مـا رامهـا هـاش وان شاف له من جانب القـوم خيفـه تلقـاه للخيفـة مهـاجـم وبـطـاش الصدق والمعـروف والطيـب كيفـه ويغبش لها مع طلعة الفجـر مغبـاش للحمل مـا تلقـى جنوبـه صخيفـه حوله بروق تعمـي العيـن وافـلاش يصبر على جرحـه ويمسـح نزيفـه طبه بشبه خير مـن طـب الاحبـاش ولا هو كمـا سبـع سنونـه ضعيفـه دايـم يلحسهـا وللعظـم عــراش وان شاف له في غيبة النـاس شيفـه ما هو بخبل لاخضر العـود قـراش دنيـاه لـن صـارت ذلـول عسيفـه طوع علهـيا كـل عاصـي ونفـاش وان كان قفـت مـا عليهـا حسيفـه ولا هو ورا هوج المعاصير قشـاش وان جاع ما وقع كمـا طيـر جيفـه وان عري ما يلبس سماليل وأخيـاش والله ماادري لمن لكن صح لسانه وابدانكم وصباحكم خير /

قصيدة جميله وجزيلة ورائعة وكلماتها معبره ومن الـوزن الثقيل وكل بيت عن قصيدة


صح بدنك وروحك ياالوافي وسلمت يمناك ولاعدمناك وصح لسان شاعرها وأجـــاد وأبــدع

رافقتكم السلامة ياالوافي في سفرك وإقامتك

وفي حلك وترحالك وتعود بالسلامة


صباحكم صحة وسلامة وسعادة

	المشاركة الأصلية كتبت بواسطة فتى الجميزه

	رافقتكم السلامة ياالوافي في سفرك وإقامتك وفي حلك وترحالك وتعود بالسلامة صباحكم صحة وسلامة وسعادة

الله يسلمك ويجزيك خير ويرحم والديك ولا يحرمنا منك ومن طيب دعواتك




صباح الخير


/

صباح الرضـا والسرور


تـقبل الله جمعتكم وطاعتكم


وصلى الله وسلم وبارك على نبينا وسيدنا


محمد عبد الله ورسوله وخاتم الأنبياء والمرسلين

مساء الأنوار

من خلف الكواليس وافي مسافر بس ما ادري وين
لكن تروح وترجع بالسلامة

أسعد الله مساااكم بكل خير

:

درب السلامة واافي

ان ماهي لجدة فهي للهند

/

ههههههههه

ابو خالد مثل ماقالت شموع
جده او الهند هذا علمها فيني ايام الشباب
الٱن حدي جده واحيان ارجع ماوصلتها ههههههههه

اي نعم
جده ياابو خالد
وعلى قولتهم صد رد ماطولنا


الله يسلمكم جميعآ

ومساكم فوز
وبالتوفيق للهلال


/

قلت السلام وقال أهلا مساء النور
حــيّ الحبـيـب اللي لفانــا بجــــده

تروح وترجع بالسلامة وافينا
كلها دقائق وتبتدي مبارة الدربي ويارب يفوز الزعيم

صباح الخير والسعادة