ضغوط الأباء وطموح الأبناء !!!!!!!!!!!!!

يعلق الكثير من الأبا ء والأمهات آمالا على أبنائهم
فيفرضون على الابناء اختيار التخصص الذى سيفاخر به
مستقبلا
أو باختيارالمهن لآبنائهم منذ الصغر وغرسها في عقولهم
كأن يكون هذا طبيب وذاك مهندس...الخ
ويصر الأباء على موقفهم بغض النظر عن رغبة الأبناء...فلا
يجني الأبناء من ذلك إلا الفشل في حياتهم..

هؤلاء الأباء والأمهات لا يدركون بأن النجاح مصحوب
بالرغبه في الشيء .....وحب الشيء من ضرورات النجاح ،
فعلى الأباء أن يتركوا لأبنائهم اختيار ما يناسب ميولهم
سواء كان ذلك في الدراسة أو الوظيفه
ويقتصر دورهم على النصح والأرشاد وبيان الصحيح والخطأ
وعلى الأبناء عدم التردد في اختيار ما يناسب ميولهم
وقدراتهم ....لكن ذلك لا يمنع من المشاورة بينهم

تحياتي للجميع

مراحب لمسات .. شلونك ...

للاسف في ناس يعانون من هالسالفه مساكين.. بس الحين مو الابو اللي يفرض على ولده تخصص معين ومايبيه .. الجامعه هي اللي تفرض تخصصات على الطلبه مايبونها وتلاقيه يقدم على رغبات وينحط بتخصصات اخرى غير اللي هو راغب فيها

على العموم .. تذكرك كلامكم هذا لمسات عشان ما يدور الزوم وتستعمل هالاسلوب مع ولدك مشاري واخوه هااا :D

هلاااا اخوي هشام ..

و الله هذي مشكلة يعاني الكثير من الشباب .....

و هم في حيرة كبيرة ...

مساكين .. الله يعينهم ...

و مالها حل الا أن الأب يتفهم الوضع .. و يعطي الابن حقه من الحرية ...


و برضه نقطة أختي فطامي مهمة ..

الجامعة اللي تفرض تخصصات على الطلبة ...

بس هاذي ما أدري شنو حلها ....

على فكرة عندي سؤال أبغاكم تجابونه ...

اذا خالفت رغبة ابوي او أمي و دخلت في التخصص اللي يعجبني و رفضت التخصص اللي يبونه .. هل اعتبر عاق لهما والا لا ؟

فطوووووووووووووومي

يا غاليه

على الأقل الجامعات عندكم تفرض على الطلبه تخصصات معينه

احنا ما يقبلونه خلقه

ويروح الضعيف يشتغل في محل خضار ولا كبينة تلفون

خليها على ربك


بالنسبه لمشاري لا عيوني


راح أدرسه الي يبي

هو عموما طموحه يصير رئيس دوله

وأنا وافقت:D

ملجلج

هلا بك أخوي

هاذي ما يبيلها فتوه من شيخ

لا طبعا ما تكون عاق

إلا اذا اخترت تخصص يغضب الله سبحانه وتعالى قبل ما يغضب والديك

يعني حرااااااام ينقتل طموح في اختيار تخصص معين

قال الله تعلى (( وإن جاهداك على أن تشرك بي ما ليس لك به علم فلا تطعهما وصاحبهما في الدنيا )) الآيه

أتمنى إني ما غلطت في الآيه

يعني أنا ممكن آخذ مشوره ، بس أنفذ الي في رآسي

وفي الأمور هاذي خذ نصيحتي وأنا أخوك


في مجال علمك لا تتدخل أحد في الموضوع لا أهلك ولا زملائك

شف انت شف ميولك والحق وراها بأي طريقه

اسئل المجرب ولا تسئل الطبيب


كان لي تجربه

والدي الله يحفظه أجبرني إني أدخل علمي في الثانويه مع إن ميولي كانت في علوم إداريه

ووافقت غصب علي

وطلعت بتقدير يمشي الحال ( جيد جدا ) بس ما كنت راضي عنه

يوم التحقت في الجامعه

اتجهت للتخصص الي أحبه وهو إدارة الأعمال تخصص تسويق

وتخرجت بمعدل عالي والحمد لله


واشتغلت وصرت مدير مبيعات ، والحمد لله متوفق


الشاهد

إني حبيت التخصص عشان كذا برزت فيه


آسف طولت عليك

شي في القلب وقلته

هلااااا أخوي هشوم ....

أخوي متأكد ان الكثير يعاني من هذا الشئ ...

و انا ما طرحت سؤالي الا عشان أشوف اللي عانا من هذه المشكلة .. وش سوا .. ووش رأيه ..

اخوي لمسات يعجبني كلامك ...

و أحلى كلام اللي يطلع من القلب ...

أخوي حاس بمعاناتك ... بس الحمد لله انك قدرت تختار التخصص اللي تبيه في الجامعة ...و برزت فيه ...


و ابي اسمع معاناة باقي الاخوان ...

عزيزي ذاك اول والاول تحول الحين مايقبلون الا المتفوقين والجيد جدا يخلونهم اذا بقى مكان والباجي بالطقاق اللي طقهم ..

المهم .. خلينا بولدك عاد مالقيت الا رئيس دوله .. اخاف يصير له مثل ماصار لكلنتون مع مونيكالونسكي وتفضحنا بالمنتدى :D:D

على العموم.. ليش لا.. خليصير رئيس دوله احنا شورانا :D .. يستاهل مشاري .. بس هاااااا انت بتصير ابو الرئيس الله يعافيك عاد لاتنسانا بالواسطات .. :D

ملجلج

تسلم حبيبي

معليش كانت طريقتي جافه نوعا ما في النقاش

بس ترا الي أمون عليهم

على طول أعطيهم في الصميم

يعني أعطيهم الساخن قبل ما يبرد


تعرف المنتدى ما فيه ميكرويف:D

فطم فطم فطومي ، خليني ببيت الومي ، لما يجي حال البرد شغلي الفحم ودفيني :D :D :D

شوفي مشاري أولا موب خوان زي كلينتون

ثاني شيء ما عليك أول ما يتعين ولدي مشاري

راح أخليه يتوسطلك

ويعينك سكرتيره عندي


ياني أبفقع وجهك كالتالي ، حيث كيف إن سيما ربما كيفما اتفق

أخليك تصيرين حولا مع إحترامي لإختنا الحولا

وأخليك تحبين الكراث والكليجه مع احترامي لبنت عنيزه

وأخليك تكرهين تآكلين سمك ( موضوع الباحث ترا ما نسيته يالطباخه ) مع احترامي ل عاشقة البحر

وأخليك تكرهين الحلويات والمصاصات مع احتارمي ل نانا أم المصاصات

وأخليك تحبين اليااااااااااااااااااااع مع احترامي ل دموووووووووووع ad

وأخليك تآكلين العبس مع احترامي ل abss

وأخليك تكرهين الفراشات مع احترامي للذوق ملاك

وأخليك تحزنين مع احتارمي ل فرح ، الله يقومها بالسلامه

ربما أنني طولت ، حيث إنني لا أعطى وجه ، لماذا كيف لعل حيث

لا أدري

هلا اخوي هشام انا سامحتك على ذاك الموضوع اللي احوليييييييييييت منه حسبي الله على ابليسك...
المهم انا الصراحه مع اللي يقولون أن الجامعات هي اللي صارت تفرض عليك القسم اللي تدخله.. صح ان الأباء أحيانا لهم دور وكثير من الأحيان يضغطون على أولادهم وبناتهم مثلي انا
بس الله يعين... وعندي لك اقتراح وش رايك تصير أبوي أنا ودي أصير كمان رئيسة دوله.. وأوعدك أبخليك المستشار حقي.. وش رايك؟??
:D :D :D