من السنا الباهر..برقيه للوئاميه

مساجله جميله بين شاعره وبين مجموعة من الشعرا اجادوا جميعا وهذا مانريده
المعاني الجميله والصفاء الاخوي والتبادل بين الجميع باجمل الابيات

أعذروني أحس اني اكثرت عليكم هذه الايام فمنكم المعذره
لم اذكر اسماء الشعراء فمعذره منكم

أترككم معها
__________________


نجمة الليل نامت والقمر ساهر ---- موحش الدرب .. لو تدرون وش لونه
ما اعجب الناس .. تبكي .. (والقلم ساخر) ---- يِزْعِل الناس باسلوبه ويِرْضُوُنَه
ليتي .. أو ليت حرفي بارعٍ ماهر ---- مثله .. أرقى وأصير النجم في كونه

والسلام ،،،
نورية الرياض
________________

يا رقيق الكلام اللي اللي على الخاطر .. بس ابا برقعه واطلّع عيونه
القلم ما يزعل عاقل شاطر .. وهو يلاقي العنا من شان تقرونه
بس كثرت ظروفه والزمن عاثر .. بـ يتقاعد عسى انه يوفي ديونه
كان طول بقاك الله الى باكر .. هالتك طيحته لانهدت ركونه .
________________

غرد الطير .. لك .. والطير بك سامر ---- ينتشي منك ريح الورد مع لونه
تسمع الناس صوت .. محِبّ ومغامر ---- همسته في ثنايا الوقت وردونه
شاعرٍ قال .. في معنى الكلام: آمـــــر ---- من تساميه .. نام الطِيِب بعيونه
مضوي الليل .. صار الليل بك عامر ---- ينشد الكون منك أبيات موزونه
مع التحية
نورية الرياض
_________________

يطرِب الحس روعة ردك الباهر ... وتنحني لك جذوع الشعر وغصونه
ينكرون العواذل حرفك السافر ... مادروا انْها حروف الشعر مجنونة
هقوتي فيك علمٍ ابيضٍ طاهر ... كني آشوف شيٍ ما يشوفونه
بس هذي تسمى : زفرة الشاعر ... يتعبه كتمها في الصدر مسجونة
__________________
ش
ما اشتهى الريح فينى واناصابر ... لى فى وعد غيمه مع مزونه
وجه الطريق اظلم والضمير كافر ... كلما رجيته زودبى طعونه
امسنا ولا جفاف ويومنا ولا عابر .... ويوم الجرح يمشى على هونه
مليت وتعبت اجامل حظى العاثر .... قلب غدا كل خوفه تنسونه
_________________

يضحك السنّ ... والوجدان .. بك حاير ---- حيرة اللي يشكّ ... وزادت ظنونه
يوم شفتك تردّ ... وتسعف العاثر ---- خاطرك سال ... حبر ... وباح مكنونه
شوف ... شرواك لى يامر...أنا حاضر ---- أمرْ ... نيشان صدر اللي يطيعونه
(شاعرٍ قال في معنى الكلام: آمر) ---- يسريَ الليل ... لاجل انكم... تسرّونه
الشاعر

نوريه المسامحة
_________________

كأني بك جرك ظبي ماهر ** اليوم بالشعر والقول اتعونه
وخوفي عليكم من غيبة الباكر ** تبعدون عن قوله وتعصونه
ابعدوا عن بغية العاثر ** لخلوة الشعر سهام مسنونه
_________________

هلّت علينا الرياض وريمها الخافر***** وأفصح لها الشعر .. عن سرّه ومكنونه ..!
ياعفّة الفجر .. ياطهْر الندى العاطر***** حيّتك روح ٍ .. بها اللوعات مفتونه ..!
حرفك يتّل الخفوق .. ويشرح الخاطر***** يشدو به القلب ..بشِْر ..وتورق غْصونه ..
شدو العصافير ..او ترنيمة الساهر***** مقفي حبيبه .. ومثخن بعده عْيونه..!
بشراك ياشعر ..جاك الشاعر الفاخر***** اللي يثبّت عمود الشعــر .. ورْكونه ..!
مانبخس الشعر حق..ولابه نْكابر***** ولا يثمنه .. غيـر اللي يعانونــه ..!
الساخر اللي نعرفه باهر ٍ ساحر***** أبنشده ..جرح روحه ذاك وشلونه ؟!!
________________

خبري معك ..ساخر ٍ وأثرك بعد شاعر؟!!
……………………………ياقرد حظ (المقال) اللي يجي دونه
إن سلمك ربنا من حبره الساخر
........................بقى لك الشعر..مصطكه به سنونه
تقول تكفى تمهل ..صبر؟!! وش صاير؟
…………………..يقول هيّن……. بعد ماطلّع عيونه [عيون المقال طبعاِ]
نورية...المجد شعرك بالوفا عامر
......................ابيات ذربه..جزيلات ٍ وموزونه
عندي سؤال ٍ بنفسي بس به حاير
………………………هو الشعر قالكم ؟!!ولاّ تقولونه؟!!

اخوكم اخ الجميع

________________

موجن في بحرنا جا يكابـر...ولولا شعركم كا جمد سكونــــه
تشوف كلن بشعره جا يحـاور...وتسمع من الشعر ماتسعد بدونـه
حلفت!ماأتــرك النفس حائر...وازيدهم سلامن واسمعهم يردونه
سلام الرب عليكم دومن يداور...يزيد الونس ونسناسن يهيبونه
عساكم دايمن في القلب حاكـر...ويزيدكم ربي بعلم ما ترومونه
__________________

عَكَّرْ الجو .. رَدّك ... كَدّر الخاطر ---- مرهف الحس غيرك ... وإنت من دونه
ما تسَاوَىَ ! .. رماد ! .. ومبْخَرٍ عاطر! ---- ذا يفوح بشذاه ... وذاك يا هونه
نوريه
__________________

قال منهو بلجات الهوى ساكر...سبعه اعوام صابر يالله العونه
اسمعوني انا رحال.. ومسافر....في زماني اعيش الحزن..وفنونه
دمع عيني على الخدين متناثر...والحزن وسط قلبي شيد ..اركونه
من سبايب حبيب بالحلا نادر...اطلب يحفظه..يحفظه..وانه يصونه
يسمع الناس وصفةوذكرةالعاطر..وكل منهو يشوفه ينخطف لونه
والله اني حبيبي لوصلك ناطر......وعهدكم ياحبيبي والله ماخونه
___________________

عايش! أقول لك
(وافهم جيداً ما أقول):
بَدِّل الثوب ثوب .. وفي رجاء القادر --- ارفع كفوك .. اسئل عفوه وعونه
ليِّن القلب .. خَلِّك .. ذاكرٍ شاكر --- باكر العيد .. تنسى الهم وطعونه

نورية الرياض
__________________
ما يواسيك غير المصحف العاطر --- رتله حرف وأعمل به ومضمونه
أحفظ الي تليت .. وجوّد الحاظر --- ارفع الصوت .. خلّ الناس يوحونه

نورية الرياض
______________

أحد وصل هنا........... تحيات اخوكم سنا برق
__________________

بسم الله الرحمن الرحيم
سنا برق
السلام عليكم ورحمة الله وبركاته

يا سلام عليك
صراحه استمتعت بهذه المحاوره
الجميله والراقيه
ما شاء الله على ذوقك يا سنا برق
وما شاء الله على الشاعره نورية الرياض
والله مب سهله ... ولا يهونون الشعراء


تقديري واحترامي

الحســــام

هلا وغلا الحسام

الله محييك واول الواصلين ياعسل
يقولون اللي يوصل الاول له هديه وخصم وو....وابشر بكل خير..

تواصلك الرائع وعبارتك الجميله هي ماتدفعني لاختيار الاجمل
لترضى ذائقتكم......
اشكر تواصلك يارائع واشكر جميل كلماتك

تحياتي لك

""
"""""""""""""

لاهنت ياسنااا برق
مساجله اكثر من رائعه

الله يعطيك العافيه على هالمجهووود

سلمت ودمت ياغاااالي


""
السيف

ومن قال مايهون السيف

ربي يسلم راسك ويعافيك ربي

غاليه سطورك وغالي في تواجدك
تحيات اخوك

البرق وسناه..اخي الفاضل..

اطروحات مميزه واختيارات رائعه..

صح لسان الشاعره ولايهون الشعّار ...


محاورات ممتعه وجزله ....


اخت الجميع رعبوووبه

..........

...

اختيار قمة
رووعة
يهبل
يجنن
ويالله دخيلك من الجنان


احسنت الاختيار ياسنا برق


شكراً لذوقك الرفيع




كلك ذوق


...

هلا أخت الجميع رعبوبه

يعافيك ربي على تعطيرك مشاركتي بمرورك

يكفيها فخرا حروف اسمك موجوده..

تحيات اخوك سنا برق

هلا وافي كيفك ياعسل

يكافينا شر الجن والجنان....

الروعه تواجدك ياغالي

شرفت ولاكلفت

تحياتي لك

يعطيك العافيه ياسنا برق

على امتاعنا بهالمحاورة الشيقة والجميله

تحياتي