تعالو خلونا نتناقش أغدينا نطلع بشي ..

بسم الله نبدأ ..


اول شي ترا (أغدينا) للي ما عرفها يعني تقدر تقول (لعلنا) .. لكن محرفه شوي ..





==================

لا أعلم ان كان هذا الموضوع سيفهم كما اريد ... ولا اعتقد ان المشكله ستكون منكم بقدر ما هي سوء تعبير مني .. لكن سأتكل على الله واقول ..


ان ما شدني الى كتابة هذا الموضوع هو بعض المواضيع المطروحه هنا .. ولكن ما كنت لابالي كثيرا لولا اني وجدت تأيدا وتفاعلا طيبا من باقي الموجودين .. بل ان من يعارض ذالك الموضوع يكون شيئا نادرا وغريبا وشاذا !!!

انا اقصد اني ارى في بعض المواضيع خطأ كبير ورأي .. لكن المشكله والطامه انها آراء غير عمليه البته .. الى متى ونحن على هذا الحال .. يجب ايجاد حلول قاطعه ..(معليش حذفنا عن الموضوع شوي).

وايضا ولكي اقول الحق انها مواضيع جميله وقمه من ناحية الطرح ومحاولة المناقشه لكن اعتراضي على عدم وجود مناقشه حقيقيه فعاله من الغالبيه .. بالطبع وبدون اي شك يوجد ناس افرح فرحا كبيرا عند قرائة كلامهم لانهم يبحثون عن حل .. ليس مجرد كلام في الهواء (ما زال فيه حذفه .. يبي لي وزنيه).



لا اريد ان اكثر عليكم من الكلام بغير فائده .. لكن سأقول سؤالا واحدا ارجو واطمع ان يفهم جيدا ويناقش جيدا .. لاني حقا اطمع بآرائكم .. ولا اطمع ابدا بمجرد مشاركه ..


هل انتم مع مقولة (الباب اللي يجيك منه ريح سده واستريح )؟؟؟


ام من المعارضين .. ومن من يقولون بدل من تسد الباب وضح مضاره ومساوئه للناس .. وهم سيكفون بعقولهم .. ويقولون بدل ما تسكر الباب وينفتح عشره غيره .. خل الناس يفهمون المخاطر .. ولا عاد يضرك فتح الابواب ..



اخواني .. واخواتي ..

انا ارى انه لم يعد هناك اي مجال لاقفال الابواب .. ابدا ابدا ابدا .. واتحدى من يقول غير هذا ..


لكن هذا رأي شخصي .. واطمع ان رآني احد مخطئ ان يدلني على سواء السبيل ..


طبعا كما تعلمون لا يوجد قاعده عامه .. تحتكر جميع الاشياء .. وانا لا اتكلم عن الاشياء التي قضي الامر فيها .. انما اقصد الامور الاخرى التي ما زلنا نتناقش بها كل يوم ..



اخيرا اود ان اعرض عليكم مقاله جميله جدا .. ورغم انني لا اقرأ الكثير من الصحف .. او بالاصح لا اتابعها ربما مره مرتين في الاسبوع .. اقرأ كاركتير الهليل ويمكن شوي رياضه وبس ..

الا انني قرأت وبالصدفه هذه المقاله للرائعه ندى الطاسان .. واعجبتني .. اتمنى قرائتها قبل الرد ..


http://server1.alriyadh.com.sa/write...?art=275&ka=35

ولا تنسون .. خلوكم معاها للآخر ..



ملاحظه اخيره :

ارجو ان لا يؤخذ كلامي في البدايه مكان الموضوع الاساسي لاني اخشا ان يعتبر البعض هذا الكلام موجه له ومن ثم يترك الموضوع وتاخذه عزة النفس .. وانا والله لا اقصد احدا معينا ولا موضوعا معينا ..



وننتظر .. وان كنت لا اعلم ماذا ننتظر ..

على بالي


معليش انا فهمي ثقيل


قريت مقال بنت الطاسان


بس ما فهمت انت و اياها وش تبون ممكن توضح اكثر



ترا فهمي يبي ترصيص

سلام اخوي ساهر الليل .. ماشاءالله عليك شعله الله لا يحرمنا من نشاطك المتواصل ..

لا اخوي انت مابك بلا ..
المشكله فيني واضحه جليه .. حتى انا يوم قريت كلامي مره ثانيه ما فهمته .. لكن انتظر واحد منكم يفهمه ويشرح لي وللباقين لان مخي مقفل مرررررررررررررررره

والاخت بنت الطاسان (ما شاءالله عليك اثاريك تمون عليها).. مقالتها ذي منعتني من النوم يومين كامله لانها تفلسفت فيها واااجد ..

لكن حسدا مني ونذالة من قبلي :D.. ماني معلمك وش تقصد .. لا تحسب لاني ما عرفت اوصل اللي بمخي لك كيف اعرف اوصل اللي براس اختنا في الله .. لا :D
..

خلك الليله مافيه نوم .. واقرأ المقاله وقت فراغ ومخك مفتح على الخر مره ومرتين .. لعل وعسى ..

وصراحه عزيزي انا تندمت يوم نزلت الموضوع .. حسيت اني بتعبك وادوش روسكم لا انتم اللي فهمتم قصدي ولا انا اللي وصلت للي ابيه ..

خلاص هونت اللي وده يشارك حياه واللي ما يبي حياه ..


لكن ابقول ان الاخت ندى يوم قالت وتكلمت عن التطعيم والامصال .. عن الجراثيم وكيفية الوقايه منها ... وان كانت لا تتكلم عن موضوعي بالشكل الخارجي .. لكن لو دققت لوجدت ان موضوعنا واحد ..

يعني ..


آآآه يا راسي .. صدعت والله انا اللي فيني مكفيني وش دخلني اروح احل مشاكل العالم العربي و مشاكل الاقتصاد الاسيوي ومشاكل الصين وامريكا ..
وش دخلني اذا كان الباب مفتوح والا مسكر .. ياخي يحطون مزلاج وخلاص ..

على العموم انا اعتذر لاني ما قدرت اوصل اللي ابيه لكم .. واعتذر لاني انا كتبت الموضوع وانا اللي صرت ارد فيه بسخافه .. ورغم اهمية الموضوع .. الا انني مشتت تشتيت كبير .. ولا اعتقد انني سأستطيع اكمال المشوار بالشكل الصحيح ..

الى من يستطيع فهم كلمه من كلامي .. ياليت تمشي الامور لين ناصل لحل انا ومخي .. يا انا يا هو ..

المعذره مره اخرى ..

حبيبي

انت ليش تلف و تدور

خش بالموضوع على طول


المهم


لو تقعد تشرح من هنا الى عام 3000 بالطريقه هذي اسف ما راح افهم




على العموم اخلي المجال لغيري يمكن يقدر يفهم شيء




بس ترا البساطه في التعبير تسهل المأموريه



و على العموم اسف على التعليق بس من جد ما فهمت

مـراحب اخـوي على بالي

اتـوقع انك تبي نكون اكثر جديه في طرح المواضيع او بأيجاد الحلول لها
وان تكون مشاركاتنا اكثر واقعيه

انت ما تبينا نجامل بعضنا
او نكتفي بشكــر صاحب القلم
بل تريـد مننا المشاركه الهادفه والبنائه
واتوقع ان المفروض انها تكون بعيده كل البعد عن الزعل

صـــح ولا لا؟

شــــــــوق

ياخي والله آسف .. من جد آسف ..

بس حتى انا بالي مو مع هالموضوع يوم اكتبه .. لكن تذكرت مثال على هالنقطه يمكن توضح القصد ..



البوكيمون ..


كثر الكلام حوله واخر ما توصلو اليه .. منعه .. كما سمعنا ..



هل ترا ان منعه هو الحل الصحيح .. وهذا اللي يقول سده واستريح ..



والا تقول :

خل نفهم اطفالنا الصح فيه والغلط فيه .. ونعلمهم على قد تفكيرهم انه اتجاه خاطئ ونناقشهم و نفهم .. ومن ذا الكلام ..




وسلام

مو ذا اللي اقصده بالضبط لكن هي الفكره كذا ..

تسلم


انت تفسر الماء بالماء



هههههههه


وش قصة البوكيمون انا ما دريت عن المشكله اللي فيه للحين ممكن توضح



و الا بلاش شكلي بتعبك و الله

يعني انا ابكي ..

قل لي انا ابكي احسن لي ..

حتى انت يا شوق رحت بعيده .. انا معجبني هالمنتدى والمشاركين فيه وارائهم وكل شي .. مو هذي النقطه ..

ياليت تقرون المقال وتحاولون تفهمونه ..

اخوي الساهر .. وعد مني اول ما القى في راسي ذرة عقل بجيكم هنا .. بس اليوم للاسف تعبان مره ..

اعذرني اخوي اعذريني اختي شوق .. قريبا سيوافيكم على بالي بمحاوله اخرى في صدد توضيح القصد .. لكن بعد ان تستقر حالته العقليه..


وان كنت اسغرب حقيقه عدم فهمكم للمقال بالشكل هذا .. لكن انا متأكذ ان السبب هو انكم لم تقرأونه الا مره واحده على عجل .. وغالبا ان وقتكم لا يكفي او ان المزاج مو مروق مره ..


اعاننا الله واياكم ..

تحيه للجميع ..

ذهبت وعدت والموضوع ما يزال على حاله .. ياليت على الاقل اللي ما عرف او فهم قصدي يقول انه ما فهم .. لان وقت الاختبارات هذا مأساااااااااه .. ولكي تعزم على امر ما .. يجب ان تجد ما يجبرك على هذا الامر ..

وانا ارى انه هناك اسامي انتظر منها ان تشارك .. حقيقه هما اسمان او اسمين زي ما تبون ..

فضولي واعجابي بهذين الاسمين يدفعني لارى ان كانا سيتوصلان لما اريده ام لا ..؟؟؟


ومازالت الساعه تدق .. ومازلت انتظر ..




تك ..تك .. تك .. كح .....

طبعا انا كما قلت مسبقا اني بدل من اسهل الموضوع عقدته بكلامي ... واعتذرت واكرر اعتذاري ..

لكن ابي اشوف الفيلسوف اللي يماثلني بالغباء ويقدر يفهمني :D