اخواني و احبتي
هنا
السلام عليكم ورحمة الله وبركاته
واسعد الله ايامكم بكل خير
اليكم احبتي هذه القصيده المتواضعه متمنياً ان تحوز على رضاكم
صادفت لي غروٍ كما شعة النور=نوره يغطي كل ضيٍ ونورا
حتى المطار الي مشى فيه مبهور=كلٍ يناظر زين بدر البدورا
تمشي تدرج خطوة الرجل بغرور=ومن عذرها لو كان فيها غرورا
الوجه مثل البدر والبطن مضمور=والجسم مبرومٍ جماله يجورا
والشعر متعدي على الردف بشبور=ذيل العسيف الي تكيد المهورا
والعين عين الحر مع جملة صقور=عين الفريد الي يفج النحورا
ويوم حضرت من بعدها مابه حضور=غطت على كل البني والحضورا
وانشهد انه سيد البيض والحور=ومليك حوريات سبع البحورا
حتى المكان الي جلس فيه معطور=يفوح عطره فوق كل العطورا
وساعة نظرته اودع القلب مسرور=وحبيت اصل من بعثبي سرورا
وطلبت ربي يجعل الذنب مغفور=ودي اقرب وارتجيه الغفورا
وقربتله والقلب مغرم ومجبور=دايم معه امشي ولالي عذورا
وقلت السلام وناظرت في بحذور=وردت عليه بعد زال الخطورا
قلت اعذريني عندك القلب مأسور=قالت دخيلك لا تزيد القهورا
قلت السبب يا زين وش فيك مقهور=قالت جوازي ضاع وكيف العثورا
قلت اصبري لابد نلقاله عثور=وصابتني الفزعه وطبعي غيورا
قلت الأسم قالت انا اسمي بدور=ورحلتي متوجهه السنغافورا
قلت ابشري والبحث يجرى على الفور=والله لبحث بالمطار وادورا
حتى احصل مايسهلك اعبور=ومن بعدها يسهل عليك العبورا
ثم ابتسم وقال تسلم ومشكور=قلت العفو يازين ليه الشكورا
ورحت من عنده وانا كلي حسور=وامناي احصل مايفك العسورا
وقمت اسأل مجمل الخلق بالدور=سألت حتى كبارها والبزورا
حتى الهنود وصفهم كان طابور=سألتهم لاشك مامن امورا
ورحت يم الي لهم بالعمل دور=رجال الخطوط الي تشد الضهورا
وسألت بس الحظ اعوج ومدمور=قالولي انسى بكل صوتٍ جهورا
ورجعت يم الي غدا كله ذعور=اسحب اخطاي ودم قلبي يفورا
قالت لقيته قلت لو نبحث شهور=ماضن نلقى ما يزيل المرورا
وهل دمعٍ فوق الاوجان منثور=وسال دمعه فوق خده نثورا
وحبيت اهونها وانا كلي مرور=يوم ان شفت الزين ماهو صبورا
قلت اسمعي يابنت انا ببدي الشور=لاشك شوري لايتقفاه شورا
والله زينك مايبي اي بسبور=ومن يجهلك معدوم قلب وشعورا
خلي جوازك وانسي الهم يا بدور=روحي كذا تستقبلك سنغافورا
وتقبلوا تحياتي
اخوكم / ناصر المحمدي ( فزاع )