طريقة سهله لإصلاح أي عطل في جهازك . ادخل بسرعه

.............

السلام عليكم ورحمة الله وبركاته

أخوكم (منسدحكوووووووو) يحب الخير للغير.
وأنتم أيها الوئاميون أنتم تمثلون لحضرتي:p الشئ الكثير الواجد
وأنتم جميعا بقبق عيني . ولا يهونون أهل منتدى زميلي (خربوش العتاوله)


وعلشان اختصر الموضوع لكم . ولا أطول على أحبابي . أقول:


يا كثر أعطال أجهزة الكمبيوتر
ويا كثر ما ياكلون فلوسنا أهل مراكز الصيانه .
أليس هذا الكلام صحيحا ؟؟؟؟

أخوكم المنسدح10 فكّر وشغّل مخّه .. وعصرت لكم مخي عصر
لين طلعت حلا لمشكلة اجهزة الكمبيوتر . وأخيرا توصلت للعلاج..

ولا داعي للذهاب لمحلات الصيانه أبدا بعد اليوم .
وأنا متوعدهم انهم ما يعينون خير منّـــي
ومتوعدن ميكروسوفت اني لأشغلهم عند هالمهزلة اللي قاعدين يسوونها.
والليلة سأوفـّــــــــي بوعدي .


والعلاج هذا لمشاكل الحاسب التالية :

1- المشاكل التي تحصل في الهاردسك ( فلاداعي للفرمته ووجع الراس)
2- أعطال المعالج ( الـ processor )
3- الكوارث التي تحل في الماذر بورد
4- الفيروسات بأشكالها وأنواعها وفصائلها.
5- أعطال المودم.
6- إبطاء سرعة الجهاز.

والعلاج اللي اكتشفته يا الربع سهل جداً ويحل لك المشاكل الماضيه كلبوها..

وهذا العلاج سهل بالحيل وهو:

إذا حصل عندك مشكلة من الست اللي ذكرنا ما عليك إلا اتباع الخطوات التالية :-

1- أحضر الآتي:
(طاسة ماء نقي معقّم) + ( معلاق ملابس معدني) + ( منقل وفيه جمر وشعلة نار) + ( زيت زيتون) + (حبة سوداء) + ( قارورة عطر مركزبالمرّة) + (بيالة سمن بلدي)
2- افتح علبة الجهاز ( البوكس)
3- افصل الطاقة (الكرهبائيــّــــــــة):D:D لا ياكلك الكرهب:D ثم تجلس تدعي علي
4- فك الماذربورد من البوكس ثم فك المعالج ثم فك الرام ثم فك الهاردسك. ثم فك المودم وذلك بالترتيب كما ذكرنا.
5- اغسل المعالج بالماء غسلا جيدا وانتبه للماء لا يجي المروحة يعدمها .
6- اغسل الماذربورد ونظفها بالحيل وافركها من داخل.
7- الهاردسك اغسله من الخارج بس.
8- الرام والمودم لا يجيها الماء لانها حساسه . وبعدين ما توصّخ أصلا . لأن فيها دوااااااااااااااااااااائر إلكترونيه طاردة للغبار والأوساخ.
9- بعد الغسيل لازم تكوي المعالج كويتين بمعلاق الملابس . تحطه في النار لين يروح أحمر ثم تكوي به المعالج وجـــوّد الكوايا.
10- لا تكوي الماذربورد ولا االرام أما المودم والهاردسك فان كويتهن أفضل .
11- اخلط الحبة السوداء مع الزيت والسمن البلدي وادهن الرام والمعالج والهاردسك . ادهنها ومرّخها بالزيت لين تشوف انها اكتفت.
12- ركّب القطع ورجّع كل قطعه مكانها .
13- اذا سكّرت البوكس . صب عليه عطر من كل النواحي علشان الالتهابات ( الشمم) ومثلك خابر.
14- لازم يكون عندك فالجهاز برنامج ( منسدحكوو انتي فايروس) المكافح للفيروسات .. الاصدار الخامس ... وهو أفضل برنامج في السوق .
15- شغّل الجهاز ولا تدخل على الانترنت الا بعد يومين من تاريخ تشغيل الجهاز.
16- افتح جهاز الكمبيوتر ــ (: C ) ـــ Windows ـــ All Users ثم امسح كل محتوياته .
17- أعد تشغيل الجهاز.

وبالتالي تكون قضيت على أعطال جهازك وبصورة أكثر دينامكية وفسيومنسدحيّةo:o

وأنا عندي براءة اختراع لهذا العلاج وآخذها هزّمان في الشتا يوم اباعرنا في الدهنا ..

نعم

هذا العلاج الناجع لمشاكل الحاسبات
وإذا أردت مزيد شرح عليك بكتابي الذي انتهيت من تأليفه قبل سنتين وعنوانه
(( الدواء الناجع لداء الكمبيوترات العضال بالطريقة الفسيلومنسدحكيــّة ))

وهذا الكتاب له روااااج في أوروبا الشرقية وأسافل كندا وله رواج أيضا في اليابان من قد كوريا وكذلك في استراليا
وشرح باللغتين ( البنجاليــــة والبرتقالية )

إخواني وأخواتي
أي مشاكل تنتج بعد هالعلاج عند أحد يراسلني على البريد الإلكتروني
منسدحكوو عشرة آت منسدحكو دات قم

وتقبلو
صادق التحية
مني أنا
أخوكم
منسدحكو

منسدح بالله من جدك!؟!
تخيل شايله الطاسه وفيها الماي وتسألني أمي ولا أبوي وين رايحه ...اقولهم بروح اغسل الجهاز..برايك منسدحكو ايش بيسون في ..اقولك..امي تبكي عمرها الي راح وتقول حسرتس بني خبلت..وابي يمشي بين الناس وخميلة سوداء على وجهه من الحزن ويتنهد ويقول يا حسايف على بنتي الي خبلت...

المنسدح10 حسبي الله عليك راح جهازي وطي بعد ما غسلته مع وقتي اللي راح وانا اقرأ وصفة العلاج وانا اول ما قريتها رحت اركض ادورها0 وعلى العموم تراك مسامح وتحياتي لك من الاعماق0اخوك موفق

...........

....


فعلاً الانسان لابد ان يحاول ويبحث
وكما يقال
من له عيون وراس سوا سواة الناس
وحاجتنا الماسة للكمبيوتر تدفعنا للاختراع
وكما يقال
الحاجة ام الاختراع
وللاخ المنسدح وشركته القابضة السبق في هذا الاختراع
الذي اثبت نجاحه
وادعوا الجميع لتجربة ذلك الاختراع
دون ادنى مسؤولية على مؤيدي الاختراع
فربما كانت له بعض النتائج العكسية لدى البعض وهذا شيء يندرج تحت قائمة
دنيا حظوظ
وان صابت صابت وان خابت خابت
والصلاح بيد الله سبحانه
والسعي علينا والباقي على الله



تحياتي


...

يا عيني على الطب البديل .. وين ذيك العجوز مريم نور عن

عز الله انها بتسجبك معه من قناة لقناة

دختووووووووووووووور يا المنسدح

جبت العده اللي قلت لي عليها

ومددت لك الجهاز ..وخذ يا مرخ ..لا من قام يونون من المصوع اللي طلعت فيه

وانا اقول ..اثري ناسيه ..تحت النجوم ..وقت الصفري

شكرأ واتعابك كم :p

,,,,,,,,,,,,,

عاشقة الليل

أخبار الحزب والانقلاب بس؟
خلي عنك الاجهزة والعلوم ذي
خليك في المهم




==================



موفق



الله يوفق هالوجه . قل آآآمين

راح جهازك وطي لأنك ما مشيت بالترتيب
أو
انك ما تعوذت من ابليس
ثاني مرة
تعوذ من الشيطان قبل أي عمل .. ســــــــــامع ؟

تحياتي لك



=======================


وافي




شهادة
وتزكية أعتز بهاااااااااااااا
يا عيني على الأوفياااااااء
كذا الناس ولا بلاش....
وعلشان التزكية ذي
سنعينك مستشارا خاصا في الشركة براتب وزير أما الرتبه
فيمكن برتبة عريف ركن ركون
وانا اعرف ان حقك اطيب لكن الجود من الموجود
وعلى ما قال .. أهم شي الراتب:p

تحياتي لك ,,,




============================



الباحث عن


دختوووووووووووووووور ؟؟؟؟؟؟؟

نعنبو بليسك شايفني أمزح وا أنكّت ؟؟؟
لاحول ولا قوة الا بالله
هذا شي متعوب عليه وآآآخرتها تجيني ناس تتريق ؟؟؟؟
والله آآآخر زمن . حتى الناس اللي تفني وقتها في الدراسة وتسدّح تحت الكتب وتسدّح تحت أبواب المكتبات وتبحث وتحصل على نتائج مفرحة وعلاج لكثير من المشاكل .. والنهاية يلقون ناس يتتريقون ويستهزؤن بهم ... آآآآآآآآآآآآآآآآه بس

يا الباحث عن
تراي ما امزح .. وهذا العلاج أفنيت فيه عمري وهو مجرب مثل ما قا ل الوافي وكلن يمدحه فلا تطلّع الشيب في راااااسي باستهتارك:D:D:D


تحياتي




منسدحكووووووووووووووووووووووووووووووو