ما تقولوا لي الحمد الله على السلامة .. امس عانيت من الالم

سلام عليكم

شخباركم ؟؟

ما تدرون شنو صار فيني امس
:vb_gedo2:

البارحة بعد ما تعشيت
جلس معاكم في الوئامي
والا مااشوف الا حكة والم في ايدين ورجلي
قمت حطيت لي فازلين
لعلى وعسى يخف شوي لكن لا
وبعد شو ما اشوف الا حبوب طالع لي في ايدين ورجلي وبطني وجهي كل مكان كل مكان في جسمي
واني ما قادرة اتحمل الالم شوي واصيح

رحت الى ابوي وقلت اليه عشان يوديني المستشفى يوم نروح المستشفى كانت الساعة 10ونص
ورحنا المستشفى بعد ما ملينا من الانتظار
دخلت على الدكتورة وقلت اليها على الي فيني بعد ما شاف الحب الي في وجهي وايدني الا تقول لي شنو أكلتي اليوم
قلت اليها على شنو تغديت وبشنو تعشيت
الا تقول تغديتي بسمك صافي وشربتي بعدين لبن قلت اليها: اي
الا تقول لي اي هذا منا ما يصلح تاكلي سمك صافي وبعدين تشربي لبن مباشرة

وعطتني ابراة <= اي اتالم الابراة
ودواء اشربه الين يخف علي الحب الي في جسمي
وعطتني كريم لجسمي

لكن اما صدق شنو الم حسيت اني خلاص قربت نهايتي من ها السمك والبن
خلاص توبه ما راح اكل سمك مع لبن توبه

بس احين صرت احسن
الحمد الله

بسم الله الرحمن الرحيم

السلام عليكم ورحمة الله وبركاته

*** غيث السماء ***

ما تشوفين شر

ألف لا بأس عليك غيوووثة

عاد الله يهديكِ ما لقيتي غير اللبن بعد السمك

معروفة هذه

توك تعرفينها؟؟؟

عاد طمنينا عليك

ولا عاد تعيدينها

الله يعينك ويشافيك يارب

،،، في أمان الله ،،،

*** أسيـــ الآهات ـــــرة ***

...........

غيث الى هالدرجه
ماتعرفين هالشي
انوووووووه السمك مع اللبن كااااارثه
وين اصحاب الخبره اللي عندكم

!!!!

....

على العموم الحمد لله على سلامتك
وطمنينااا عليك ياعضوتنا العزيزه.

السيف

الـــــــــ 1000 ـــــــــــــــف حمداً لله على ســــــــــــــــلامتك أختي العزيزهـ ، وإن شاء الله ماتشوفي شر بعد هذي الإبرهـ الساخنه .[quote]

الـــــــــ 1000 ـــــــــــــــف حمداً لله على ســــــــــــــــلامتك أختي العزيزهـ ، وإن شاء الله ماتشوفي شر بعد هذي الإبرهـ الساخنه

سلامات غيووووووووووثا

كل هذا من اللبن


الله يكون في عونك الحمدلله ع السلاما

.


غيث السماء
لا باس وتكفير ذنب ان شاء الله
الف حمداً لله على سلامتك
وانتبهي على صحتك
ما تشوفين شر يا رب


ذكرتيني بواحد يأكل برتقال ويشرب عليه شاهي !!



كل الحب والتقدير والأحترام
تحياتي

ما تقصرون كلكم خيرا

والله هذا من طيبكم

نخدمك ان شاء الله في الافراح واليالي الملاح

أسيرة الاهات :
وعليكم السلام ورحمة الله وبركاته

هلا بنور المنتدى هلا ب أسورة
الشر ما يجيك

اي والله توني اعرف انه لبن ما يصلح مع السمك
خلا ص ما راح اعيدها
اني احب البن بس السمك اكرها ما احبه بس داك اليوم قلت ما دام سمك صافي وبعد الصافي البحريني مشهور طعمة حلو اكلته ويا غافلين لكم الله رحت وشربت لبن

خلاص ما راح اعيدها

تسلم اسيرة ما تقصري كلك خير يالغالية

-----------------------------
السيف :
اي والله ما كنت اعرف ؟
كانه كانه امي قالت لي لا تشربين لبن بس اني ما حطيت في بالي ورحت شربت
بس احين اعرف

	وين اصحاب الخبره اللي عندكم

ما ادري !!!!!!
المشكلة اني يوم اكل السمك واشرب البن كنت بروحي يعني ما احد يقول لي

تسلم تسلم اخوي
الحمد الله اني احين احسن بكثير من اول

----------------------------

محسون :
الله يسلمــــــــــــــــك اخوي العزيز
الحمد الله
اما صدق شنو ابرا انما ايه بعدها اتحسن كثير

----------------------------

أردينا :
الله يسلمك ردوووون

لا من السمك والبن
البن اي ما اضى عليه احبه وخصوصا اذا كان معا ملح الله لذيذ
بس السمك مو شي مو حلو ويش لي ماكله

يالله ما عليه بكبر وبنسى ههههههه

ويكون في عون الجميع

تسلمي حبيبتي ردون
يعيطك العافية

----------------------

صوت من غير صدى :
ان شاء الله تكفير لذنب
الحمد الله على كل حال

الله يسلمك اخوي

بل برتقال وشاهي اي بس يمكن ما يصيده الي صادني

------------------------

هالحين عرفتي
ولاعاد تعودينهااا

...

على فكره
بماااااا ان الصافي البحريني
مشهور بطعمه اللذيذ

وش رايك تعزميناااا
يالوئاميين

....

ترى ماراح نكلفك مره مرّه
بس كل واحد له سمكه
....

والوافي له سمكتين
كككككككككك

وش قلتي؟