في زمانٍ قلةّ احراره وكثرن الحباري

سلااااااااام اللة عليكم

هلا باخواني جميعا اتمنى ان لا اكون طولت الغيبة

ابيات في من يستحقها لكثر مايفعل من الطيب

عموما وضعت هذة الابيات لكي ترونها بغض النظر عن من هي موجهة الية

كم اتمنى من القلب انت تنال رضاكم كلماتي

السيف بغيت تسويها تعبت علشان اقدر احط هالابيات اجل بترفع اسمي لك ذلك تمون

دق سلف الموتر اللي عودوة اهله بتلّه=ما وقف وسط الطبيله عاشقٍ كثر المساري
قد وصل حد العماني والخواطر مسفهلّه=بين صيد وبين شبة نار في سود الغداري
وقد وصل حد الشمال ومن وراها رمعتلّه=في ديارٍ ضبيها يلعب على روس الزباري
شيكه من صنّعه وارفق ضمانه مع سجلّه=منوة اللي لا ضواه الليل تطري له طواري
منتوين الجهمه بنجهم على شيخٍ ندلّه=الشكاله والمراجل بايعٍ فيها وشاري
مثل نجم سهيل لامنه تبدى في محلّه=ومثل خشم النير في وجه الزلازل والذواري
يابو ماطر عامرٍ ذكرك بفعل الطيب كلّه=بالفلاح وبالرماح وبالسيوف وبالشباري
يالعديم اللي فعوله بالجمايل يشهدٍلّه=ياعريب الجد راع المد محمود السجايا والطواري
كل رجلٍ له نصيبٍ من فعوله ماضيلّه=وانت لك فعلٍ كما سيلٍ غشى كل الخباري
للضيوف الحيل كوم وللضعوف يمد ضلّه=وللجماعه باب ريف وبالمهمات انتحاري
وللرفيق حزام عز وفاللقى محدٍ يحلّه=موثقه بالصدق والسلم النقي والكل داري
يزبنك من لزته سود الليال بعازتلّه=باذلٍ حالك ومالك عادةٍ لك وانت ضاري
ضاريٍ بالفزعه اللي ورث ابوك وزدت واللّه=فالمعالي سارحٍ صبحك وطول الليل ساري
اشهد انك مسند اللي مالقاله مسندٍلّه=في زمانٍ قلة احراره وكثرن الحباري
لو نقول من الكلام العذب مانوفيك للّه=من نشيت مامشيت الا على درب الضواري
انت عمي وانت عمٍ للجميع بكل حلّه=ساريٍ ذكرك مع اللي فالمدينه والصحاري

اخوي سعود

صح الله لسانك

قصيده جزله من شاعر جزل

تسلم اخوي على اتحافنا بها

والله يديم عليك الصحه والعافيه

وتقبل تحياتي

اخوك / الجهني

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه وسلم

صح الساااااااااااااااانك ولا هنت

جزلة


زهرة بنفسج.

بسم الله الرحمن الرحيم

سعوود

السلام عليكم ورحمة الله وبركاته

صح الله السانك
ابدعت اخي ....
واجزلت ..
مديح رائع ...
لمن يستحقه

وفي انتظار مشاركاتك وردودك

كل التقدير من الحســـــــــــــــام

ياسلالالام على الابداع اللي انت اهله
متميز وكلك جزاله ياسعوووود

صح لساااااانك يالامير
وابو ماطر يستاهل وكفووووو

على فكره
السيف بغيت تسويها تعبت علشان اقدر احط هالابيات اجل بترفع اسمي لك ذلك تمون .

مافهمت عليك ياسنايدي
وش الملطوب وانا حاضر.
تحياتي

صح لسانك يا سعووود

تقبل تحياتي يا غالي

أخوك
منسدحكووو

السلام عليكم



اخى العزيز سعوود


صح لساانك ولا هنت



اختك ديمة الشوق

الشاعر الجزل


اخي الفاضل سعوووود

من ناحية طولت علينا اي والله طولت اخوي بس رجعت براائعه وجزله كعوايدك وصعب نعاتبك عقب اللي قريناه

صح لسااااانك ملاااايين يالقرم

قصيده جزله من رااس جزل

تسلم يمناك اخوي

اخت الجميع رعبووبه

هلا بك


تسلم من القلب يالجهني

مرورك هو المميز

دمت اخا

زهرة شكراااااااااااااا على المرور

لك تحياتي